Ishlab chiqarish amaliyoti dasturi

Universitet tomonidan tayinlangan amaliyot rahbarining majburiyatlari
Universitetdan tayinlangan rahbarning majburiyatlariga quyidagilar kiradi:

• 
  talabaning amaliyotga chiqishidan avval suhbat o‘tkazish va amaliyot o‘tash tartibini tushuntirish;
  
• 
  amaliyotni o‘tash holati, talabaning bajarayotgan ishi, amaliyotga qatnashish davomatini nazorat qilib borish;
  
• 
  amaliyot dasturining to‘liq hajmda bajarilishi, amaliyotni o‘z muddatlarida o‘tashini nazorat qilish, kamchiliklarini bartaraf etish bo‘yicha chora-tadbirlar ko‘rish;
  
• 
  kundalikning to‘liq va to‘g‘ri to‘ldirilayotganligini, rasmiylashtirilishini nazorat qilib borish;
  
• 
  kundalikning alohida ajratilgan joyida talabaning amaliyotni o‘tashi va olgan ko‘nikmalari haqida rahbarning yozma ravishda o‘z xulosasini berish;
  
• 
  amaliyot so‘ngida hisobotni tekshirib, unga taqriz hamda xulosa berish.
  

VI. TALABANING ISHLAB CHIQARISH AMALIYOTI BO‘YICHA HISOBOTI, UNI HIMOYA QILISH TARTIBI VA BAHOLASH MEZONLARI

Ishlab chiqarish amaliyoti tugagandan so‘ng, talaba tomonidan 3 ish kuni ichida talaba tomonidan to‘ldirilgan hamda korxonaidagi amaliyot rahbarining xulosasi ko‘rsatilgan kundalik, amaliyot dasturida ko‘rsatilgan har bir bo‘lim bo‘yicha bajarilgan va o‘rganilgan ishlar bo‘yicha hisobot topshirilishi lozim.

Ishlab chiqarish amaliyoti bo‘yicha hisobotning himoyasini qabul qilish orqali talabaning nazariy jihatdan olgan bilimlari, mustaqil fikrlay olish qobiliyati, uning dunyoqarashi, nazariy bilimlarni amaliyot bilan bog‘lay olishi, amaliy bilim darajasi alohida hisobga olinadi. Amaliyot hisobotini baholash 5 baholik tizimda amalga oshiriladi va natijasi himoya komissiyasi tomonidan tegishli tartibda rasmiylashtiriladi.
2 -jadval
Ishlab chiqarish amaliyoti bo‘yicha hisobotni baholash mezonlari