|
Sintiqrafiya zamanı düyünlərin funksional təsnifatı
►
Soyuq düyünlər – sintiqrafiya zamanı daxil edilən izotopu
tutmayan düyünlərə deyilir. Bəzən sadə kista şəklində maye
tərkibli ola bildiyi kimi, qatı tərkibli soyuq düyünlər də
mövcuddur. Bu düyünlərin kiçik bir qismi xərçəng ola bilər.
Təmiz maye tərkibli soyuq düyünlərin xərçəng ola bilmə ehtimalı
sıfırdır. Soyuq düyünlü xəstədə heç bir şikayət olmaya bilər.
►
İsti düyünlər – istifadə edilən izotopu ən çox tutan, bölgəli
görüntülü, sərhədləri tam olaraq ayrılan düyünlərdir. Bunlar
xəstədə şikayətlərlə özünü bəlli edir. İsti düyünlər adətən toksiki
urla birlikdə müşahidə olunur.
►
Avtonom isti düyünlər (adenomalar) – istifadə edilən izotopu
tamamilə tutan düyündür. Bu cür düyünlər xəstələrdə çox sıxıntı
verən şikayətlərə səbəb olur (məs. ürəkdöyünmə, həddən çox
tərləmə, əsəbilik və s.), adətən toksiki urla birlikdə müşahidə
olunur. Funksional olaraq avtonom düyünlərin 10%-dən azı bəd
xassəlidir. Soyuq düyünlərdə bu göstərici bir qədər çoxdur.
►
İlıq düyünlər – istifadə edilən izotopu tiroid vəzinin digər hissəsi
ilə eyni dərəcədə tutan düyünə deyilir və ancaq təcrübəli
həkimlər tərəfindən ayırd edilir. Bu düyünləri olan xəstələrdə
daha az şikayət olur.
Bütün bunlarla yanaşı, qeyd etmək lazımdır ki, düyünün
sintiqrafiya xarakteri onun morfoloji strukturu haqqında rəy vermir.
Dostları ilə paylaş: | 
