Durısbergenova Marina Ádilbay qızınıń qánigelik ámeliyatınıń alıp barılıwı, orınlanıwı boyınsha esabat I

Qánigelik ámeliyat (stajirovka) iskerligi boyınsha ulıwmalastırıw.
Ótken semester dawamında 2022-jil 6-fevral hám 25-mart aralıǵında Ájiniyaz atindaǵı Nókis mámleketlik pedagogika institutı Túrkiy tiller fakulteti «Qaraqalpaq ádebiyatı » kafedrasında pedagogikalıq ámeliyat ótedim.
Ilimiy basshım f.i.k.docent B.Davletovtıń Túrkiy tiller fakultetinde 2-kurs «A», «B» hám «V» Qaraqalpaq tili hám ádebiyatı qánigeligi talabalarına « Qaraqalpaq ádebiyatı táriyxı » páninen ótken sabaqlarina analizge kirdim, hám de kafedraniń jetekshi professor-oqıtıwshılarınıń oqıw shınıǵıwlarına qatnasıp bardım. Bundaǵı maqsetim B.Davletovtıń. hám basqa professor-oqıtıwshılardıń « Qaraqalpaq ádebiyatı táriyxı », «Jáhán ádebiyatı táriyxı », «Berdaqtanıw», «Ájiniyaztanıw», sabaqlarına kirip analiz jasaw edi hám bul maqsetime eristim. Olardıń pedagogikaliq qábiletin, sabaq ótiw sheberligin úyrenip talabalarǵa sabaq procesinde qanday metodikalıq usıllardı qalay qollaw kerekligin jaqsı úyrendim. Ámeliyat dawamında joqarı oqıw ornındag’ı bilim beriw sisteması menen keńnen tanıstım, oqw-metodikalıq kompleksleriniń qalay tayarlanatuǵınlıǵı haqqında túsinikke iye boldım. Studentlerge teoriyalıq bilimdi jetkerip beriwde nelerge kóbirek díqqat etiw kerekligi boyınsha tájiriybe topladım.
Sabaq ótiw procesimde aldınǵı pedagogikalıq texnologiyalardan, interaktiv metodlardan paydalanǵan halda sabaq ottim. Bunıń ushın kafedra oqıtıwshılarınıń lekciya, seminar hám ámeliy sabaqlarına qatnasıp, oqıtıw usıllarınan úlgi aldım. Óz betinshe lekciya hám seminar sabaqlarınıń materialların, texnologiyalıq kartalarn tayarladım. Hár bir ótken sabaǵımda kórgizbeli qurallardan paydalandım. Basqa magistrantlardıń da ótken sabaqlarına qatnasıp, analiz jasadım, ózimniń pikir hám usınıslarımdı bildirdim.
Ámeliyat dawamında sabaq ótiw barısı boyınsha kafedranıń tájiriybeli oqitiwshılarınan jańa pedagogikalıq texnologiyalardan paydalanıp sabaq otiwdi, talabalar menen oqiw processinde birge islesiwdi ózlestirdim hám analiz dápterime jazıp úyrenip bardım.