Mövzu 7. Beynəlxalq dəniz daşımaları
7.1. Dəniz daşımaları anlayışı və onun mahiyyəti. 7.2 Dəniz nəqliyyatının dünya ölkələrinin iqtisadiyyatında
əhəmiyyəti. 7.3. Dünyanın əsas dəniz nəqliyyatı marşrutları və iri
limanları.
Beynəlxalq dəniz kanalları və onların əsas funksiyaları.
Yüklərin dəniz daşıması müqaviləsi. Konosament və Çarter.
Dəniz nəqliyyatı üzrə Beynəlxalq qurumlar. 7.7. Beynəlxalq Dəniz Təşkilatı.
7.1. Dəniz daşımaları anlayışı və onun mahiyyəti
Yüklərin dəniz daşımaları dedikdə - müxtəlif yüklərin dəniz nəqliyyatı vasitəsilə daşınması nəzərdə tutulur. Bu proseslərdə kiçik tanker və gəmilər, nəhəng yük gəmiləri, maye məhsulları daşıyan iri tankerlər iştirak edirlər. Dəniz daşımaları rahat və ucuz olmaqla yanaşı, malların təyinatı üzrə korlanmadan çatdırılmasında xeyli əlverişlidir.
“Dəniz daşımaları” anlayışı – özündə dövlətlərarası və müxtəlif dövlətlərin su ərazilərində yüklərin dəniz və okeanlar vasitəsilə daşınması mahiyyətini əks etdirir. Dəniz daşımaları dünya iqtisadiyyatının nəqliyyat təminatında ən davamlı, əlverişli və fasiləsiz işləmək imkanına malik nəqliyyat növü kimi xarakterizə olunur. Bu nəqliyyat növünün müxtəlif nəqliyyat vasitələrində qeyri-standart parametrli hər bir yükün daşınması üçün nəqliiyat rejimi və beynəlxalq nəqliyyat marşrutu formalaşdrmaq mümkündür. Konteyner daşımalarının əsas həcmi də dəniz nəqliyyatı vasitəsilə həyata keçirilir. Bir çox hallarda Amerikadan Avropaya bəzi yüklərin daşınmasında dəniz nəqliyyatı yeganə nəqliyyat vasitəsi kimi çıxış edir.
Dostları ilə paylaş: |
