|
Məbəs - elm və hikmət bayrağının ucalması
Məbəs əslində bəşəriyyət üçün yüksək və bənzərsiz xüsusiyyətlərə malik olan peyğəmbərlik və elçilik bayrağının ucaldılması günüdür. Məbəs əslində elm və bilgi bayrağını ucaltdı. Besət (peyğəmbərlik) "Oxu" sözü ilə, "Oxu, yaradan Rəbinin adı ilə"18 ayəsi ilə başlandı və "İnsanları hikmətlə və gözəl öyüd-nəsihətlə Rəbbinin yoluna dəvət et!"19 ayəsi ilə davam etdi; yəni hikmətlə yanaşı olan dəvət. İslam dəvəti əslində tarix boyu bütün dünyaya hikməti yaymaqdır.20
Elm öyrənmək və mənəvi paklıq - Peyğəmbərin (s) təlimləri
Peyğəmbərin (s) dəvət etdiyi məsələlər tarixin bütün dövrlərində bəşərin ehtiyaclı olduğu məsələlərdir. Peyğəmbər (s) insanı elmə dəvət etdi. Quranın ilk ayələri elmi uca tutmağa dairdir: "Oxu, yoxdan yaradan Rəbbinin adı ilə! O, insanı laxtalanmış qandan yaratdı. Oxu! Sənin Rəbbin ən böyük kərəm sahibidir! O Rəbbin ki, qələmlə (yazmağı) öyrətdi"21. Əvvəl təlim məsələsini irəli sürdü. Elm insanın xilasının və qurtuluşunun amilidir, xüsusi zaman və məkana aid deyil, bəşər həyatının bütün dövrlərinə məxsusdur.
Əziz Peyğəmbər (s) insanları mənəvi saflığa, paklığa və nəfsin tərbiyəsinə çağırdı: "(Əksəriyyəti yazıb-oxumaq bilməyən) ümmi ərəblərə özlərindən peyğəmbər göndərən Odur. (Bu peyğəmbər) onlara (Allahın) ayələrini oxuyar, onları (günahlardan, şirk və küfr çirkabından) təmizləyər, onlara kitabı və hikməti öyrədər"22. Mənəvi saflıq birinci şərtdir.23
Dostları ilə paylaş: |
