Baki universitetiNİn xəBƏRLƏRİ

BAKI UNİVERSİTETİNİN XƏBƏRLƏRİ

№4 Humanitar elmlər seriyası 2015

UOT 94 "19/…"

NATO-NUN CƏNUBİ QAFQAZ STRATEGİYASI VƏ AZƏRBAYCAN RESPUBLİKASI

H.E.ƏHMƏDOVA

Bakı Dövlət Universiteti [e-mail]
Məqalədə Cənubi Qafqazın strateji nöqteyi-nəzərdən NATO üçün əhəmiyyətli region- lardan biri olması vurğulanır. NATO-nun Cənubi Qafqaz strategiyasında başlıca məsələ üç respublika ilə eyni dərəcədə əməkdaşlığın planlaşdırılmasıdır. NATO-nun Cənubi Qafqaz stra- tegiyasında region ölkələrinin hər biri ilə əməkdaşlığının inkişafı səciyyəvi xüsusiyyətlərə ma- likdir və ilk növbədə, həm Azərbaycanın, həm də Gürcüstanın milli təhlükəsizliyinin təmin edil- məsinə istiqamətlənmişdir. Məqalədə həm Qafqaz, həm də müttəfiqləri narahat edən məsələ - enerji təhlükəsizliyi məsələsinə də toxunulmuşdur.