Sistemin əvvəlki vəziyyətinə bərpası (System Restore, Восстановление системы) - Bu əmr verildikdən sonra yeni açılan pəncərənin sağ hissəsində iki rejim
verilir. Bunlardan biri kompüter tərəfindən qeyd olunmuş və hansısa dəyişikliyə və ya
proqram təminatının əlavəsinə uyğun bərpa nöqtələrinə keçidə imkan verir. İkinci isə
istifadəçinin özü tərəfindən bərpa nöqtəsinin yaradılması imkanını yaradır. Birinci imkan
seçildikdə növbəti addımda ekrana təqvim verilir. Həmin təqvimdə xüsusi rənglənmiş
xanada olan tarix bərpa tarixləridir. Təqvim pəncərəsinin başlığında verilən
hərəkətetdiricilərlə daha əvvəlki bərpa nöqtələrinə keçmək mümkündür. Bu nöqtə
seçildikdən sonra kompüter sistemi həmin tarixdəki vəziyyətə qaytarır.
Diskin təmizlənməsi (Disk Cleanup, Очистка диска) -Lazımsız faylların
pozulmasına xidmət edir.
Sistem haqqında məlumat (System information) - Sistem haqqında məlumatları
verir. Bu əmrin köməyi ilə kompüterin aparat resursları, müxtəlif komponentlər, qurğular,
proqramlar haqqında məlumat və onların mövcud vəziyyətlərinin səviyyəsini əldə etmək
olar.
Təyin olunmuş tapşırıqlar (Sheduled Tasks, Назначенные задания) - Avtomatik yerinə yetirilən xidməti proqramların siyahısına baxmağa, yerinə yetirilmə
vaxtını dəyişməyə və yeni tapşırıq müəyyənləşdirməyə xidmət edir. Əmr verildikdən sonra
açılan pəncərədən Add Tasks (Добавить задания) rejiminin üzərində düyməni sıxaraq
yeni pəncərəyə keçib lazımi proqram seçmək lazımdır. Növbəti addıma keçilir. Bu
addımda tapşırığa ad verilir. Bu ad proqramın öz adı da ola bilər. Həmin pəncərədə
tapşırığın yerinə yetirilməsi və ya proqramın işə salınması parametri seçilir (hər gün, hər
həftə, kompüter yüklənən kimi və s.) sonra «Готово» düyməsi ilə prosesin başa çatdığı
bildirilir. Sonrakı mərhələlərdə tapşırıqla əlaqədar parametrlər sorğulara cavab şəklində
müəyyənləşdirilir.
