Azərbaycan Respublikasının Mərkəzi Bankı

Sertifikat xidmətləri mərkəzi- elektron imza üçün sertifikat verən və imzaların istifadəsi üzrə bu qanunla müəyyən edilmiş digər xidmətləri göstərən hüquqi şəxs və ya hüquqi şəxs yaratmadan sahibkarlıq fəaliyyəti ilə məşğul olan fiziki şəxs;

Elektron sənəd - informasiya sistemində istifadə üçün elektron formada təqdim edilən və elektron imza ilə təsdiq olunmuş sənəd;

Elektron sənəd dövriyyəsi - informasiya sistemində elektron sənədin nizamlanmış hərəkəti ilə bağlı informasiya prosesləri;

Autentifikasiya - bank tərəfindən müəyyən edilmiş təhlükəsizlik prosedurlarına əsasən elektron sənədin həqiqiliyini və düzgünlüyünü təsdiqlənməsi;

Elektron terminal - nağd vəsaitin verilməsi (qəbul edilməsi), aparılması edilməsi və vəsaitin köçürülməsi, valyutaların mübadiləsi üzrə əməliyyatların aparılması və digər bank əməliyyatlarının yerinə yetirilməsi, həmçinin əməliyyatların aparıldığını təsdiqləyən sənədlərin tərtib edilməsi üçün nəzərdə tutulmuş elektron-mexanik qurğu;