Azərbaycan respublikasinin təHSİl naziRLİYİ baki döVLƏt universiteti
Yüklə 0,71 Mb. Pdf görüntüsü
|
|
müasir dövrün qlobal problemləri” kursunun başlıca
vəzifələrini aşağıdakı kimi qruplaşdırmaq olar: tələbələri bəşəriyyəti narahat edən, böhran səviyyəsinə çatmış neqativ sosial-təbii proseslərlə tanış etmək; gənclərin bu problemlərin qlobal xarakter aldığını və onların həlli üçün bütün ölkələrin və xalqların, beynəlxalq təşkilatların öz qüvvələrini birləşdir- mələrinin vacibliyini dərk etmələrindən ötrü bütün lazımi tədbirləri görmək; ölkədə hüquqi dövlətin, demokratik cəmiyyətin əsaslarının və bazar iqtisadiyyatının yaradıldığı bir şəraitdə özünü kəskin şəkildə büruzə verən daxili problemlərin bu proseslərlə nə dərəcədə əlaqəli olduğunu göstərmək; böhran vəziyyətindən bəşəriyyətin necə çıxacağının yollarını və bu prosesdə jurnalistikanın yerini və rolunu dəqiq təsəvvür etməkdə tələbələrə kömək göstərmək; əhalinin qlobal problemlərlə, onların yaranma səbəbləri və həlli yollarının müəyyən edilməsi ilə bağlı KİV-in fəaliyyət istiqamətlərinə diqqət yetirmək; gələcək jurnalistləri müasir dövrün qlobal problemlərinin həllində KİV-in iştirakının pozitiv 8 təcrübəsi, eyni zamanda, cəmiyyətdə qeyri-sabitlik yarada bilən neqativ tendensiyalarla tanış etmək; jurnalistikaya özünün konkret-tarixi vəzifələrini uğurla yerinə yetirməsinə şərait yaradan məsuliyyətlilik və kompetentlik faktorlarının müəyyən edilməsində gənclərə kömək göstərmək. Yuxarıda sadalanan vəzifələrin KİV tərəfindən yüksək səviyyədə yerinə yetirilməsi üçün ilk növbədə jurnalistika və pablik rileyşnz ixtisası və s. sahə ixtisasları üzrə təhsil alan tələbələr, KİV işçiləri – jurnalistlər özləri qlobal problemlərlə, onların mahiyyəti, tarixi, yaranma səbəbləri və amilləri, həlli yolları və s. ilə dərindən tanış olmalı, onları dərk etməlidirlər. Bu zaman Azərbaycan gerçəkliyinin aktual problemlərinin (siyasi, iqtisadi, sosial, mənəvi sahələrdə baş vermiş transformasiyalarla şərtlənən), eyni zamanda dəyərlər sistemindəki dəyişikliklərin təhlil və müqayisə yolu ilə izlənilməsi və nəzərdən keçirilməsi müəyyən elmi və praktik nəticələrin əldə olunmasına, əsasən də Azərbaycan jurnalistikasının sözügedən sahədə nəzərəçarpacaq effektlər əldə etməsinə şərait və imkan yaradacağına ümid edirik. Beynəlxalq və yerli tədqiqat mərkəzlərinin apardıqları araşdırmaların və cəmiyyətdəki müasir sosial-təbii proseslərin monitorinqlərinin nəticələrinin jurnalistikaya tətbiqi, onun xarici və daxili qanunauy- ğunluqları prizmasından öyrənilməsi də bir fəaliyyət sahəsi kimi həm jurnalistika üçün, həm də bəşəriyyətin təhlükəsiz gələcəyinin təmin olunması üçün faydalı ola bilər. Kursda qlobal problemlərin mahiyyəti, yaranma səbəbləri, neqativliyi, müasir vəziyyətləri, onların həlli yollarının araşdırılması ilə yanaşı, bu sahədə KİV-ə xas aşağıdakı fəaliyyət özəllikləri də daim dəqqət mərkəzində saxlanılır: 9 qlobal problemlərin dərk olunmasında, öyrənilmə- sində və həlli sahəsində jurnalistikanın vəzifələri və KİV-in real praktikası; ictimai inkişaf sahəsində mövcud olan qlobal problemlərin (geosiyasi, etnik və dini konfliktlər, iqtisadi kataklizmlər, ekoloji fəlakətlər və s.) aradan qaldırlmasında KİV-in pozitiv iştirakı təcrübəsi; KİV-in fəaliyyətində cəmiyyətdə qeyri-sabitlik yaradan proseslərin dərinləşməsinə və mənəvi dəyərlərin parçalanmasına şərait yaradan neqativ ənənələr (müəyyən sosial qüvvələrin mənafeyi naminə real hadisələrin qeyri-obyektiv işıqlandırıl- ması, cəmiyyət üçün həyati əhəmiyyətli informasi- yaların gizlədilməsi, qəsdən dezinformasiya və s.) və onların aradan qaldırılması; KİV-də müasir dövrün qlobal problemlərinin adekvat işıqlandırılmasına və onların həllində KİV-in əməli iştirakına imkan yaradan amillər – jurnalist məsuliyyəti və kompetentliyi; qlobal problemlərin həllində KİV-in iştirakının səmərəliliyini təmin edən yaradıcılıq amilləri – jurnalist sənətkarlığı. 1.3. KURSUN TƏŞKİLATİ-METODİK QURULUŞU Kurs mühazirələrdən və seminar (praktik) məşğələlrindən ibarətdir. Seminar məşğələsinin formatını öyrənilən mövzunun tapşırılan ədəbiyyat əsasında izah və müzakirə edilməsi təşkil edir. Seminar məşğələsi çərçivəsində əvvəlcədən tələbələrə paylanılmış seminarın planına daxil olan suallara aid kiçik məruzələrin, şərhlərin dinlənilməsi və onların ətrafında tələbələrin fəal müzakirə aparmaları, bəzən isə fərdi yazılı tapşırıqların yerinə 10 yetirilməsi (semestr ərzində 2 dəfədən çox olmamaqla) tövsiyə olunur. Həmçinin, kursun tədrisi çərçivəsində hər bir tələbə ilə fərdi iş aparılır və bu zaman kursa aid keçilmiş material və əlavə ədəbiyyat əsasında ona daha konkret mövzuda şifahi və ya yazılı çıxış hazırlaması həvalə olunur. Kursun təşkilati-metodik quruluşunun səciyyəvi cəhətlərindən biri də odur ki, məruzə, çıxış və ya elmi məhsul hazırlanarkən, başlıca olaraq sahə alimlərinin, həmçinin jurnalist ictimaiyyətinin qəbul etdiyi digər müəlliflərin jurnalistikanın nəzəriyyə və təcrübəsinə, beynəlxalq təcrübəyə aid elmi araşdırma və əsərlərinə, dövlət təhsil internet-portallarında (məsələn, Təhsil Nazirliyi - http://www.edu.gov.az; Bakı Dövlət Universiteti - http://bsu.edu.az; Azərbaycan Milli Kitabxanası - http://www.anl.az və s.) sosial-humanitar və siyasi təhsilə aid verilmiş material və mənbələrə istinad etmələri tövsiyə olunur. Dövlət təhsil internet-portalında, şəxsi saytda və bir sıra qeyri-kommersiya internet-saytlarındakı hiperistinadların müddətinin 5 ildən artıq olmaması daha məqsədəuyğundur. 1.4. KURSUN STRUKTURU Kursun strukturuna daxildir: - mühazirə – 14 saat, - seminar – 10 saat, - məsləhət – 1 saat, - imtahan – 12 saat. 11 1.5. JURNALİSTLƏRİN PEŞƏ HAZIRLIĞI SİSTEMİNDƏ KURSUN YERİ Dünya jurnalistika məktəblərində qlobal problemlərin işıqlandırılması üzrə peşəkar məzunların hazırlanması sistemində “Jurnalistika və müasir dövrün qlobal problemləri” kursunun tədrisinə xüsusi əhəmiyyət verilir. Hətta bəzi təhsil müəssisələrində qlobal problemlərin ayrı- ayrı istiqamətləri üzrə xüsusi dərs vəsaitləri hazırlanaraq, ixtisas kursları kimi tədris olunur. Məsələn, ABŞ-ın Pensilvaniya ştatındakı Vifleemdə Lixay Universiteti jurnalistika fakültəsinin dekanı, ekoloji və elmi jurnalistika sahəsində dünya səviyyəsində tanınmış professor Şaron Fridmanın həmin fakültənin adyunkt-professoru, əri Kennet Fridmanla birlikdə hazırladıqları “Reporting on Environment: Handbook for Journalists” vəsaitiini buna nümunə göstərmək olar. Vəsait ilk dəfə 1988-ci ildə, 1996-cı ildə isə düzəlişlər və əlavələrlə təkrar çap olunmuşdur. Dünyanın bir çox dillərinə tərcümə edilmişdir. “Jurnalistika və müasir dövrün qlobal problemləri” kursu Bakı Dövlət Universitetinin jurnalistika fakültəsində on ildən artıqdır ki, tədris olunur. Kursun proqramı (bu tədris- Yüklə 0,71 Mb. Dostları ilə paylaş:
|