Azərbaycan Respublikası Təhsil Nazirliyi Bakı Dövlət Universiteti Fizika fakültəsi « Optika və molekulyar fizika » kafedrası «Fizika» - 050503 ixtisası bakalavr hazırlığı üzrə «Lazerlər fizikası» fənninin proqramı Müəllif: fizika-riyaziyyat elmlər doktoru, prof. R.C. Qasımova, renajkasumova@gmail.com
Proqram «Optika və molekulyar fizika» kafedrasında bəyənilib. Kafedra müdiri prof. R.C. Qasımova « » 2016-cı il Fizika Fakültəsinin Tədris-Metodiki Şürası tərəfindən tövsiyə edilib. Sədr prof. Ə.Ş.Abdinov « » 2016-cı il Fizika Fakültəsinin Elmi Şurası tərəfindən təqdim olunub. Elmi katib prof.R.C. Qasımova« » 2016-cı il
Proqrama müsbət rəy vermişlər:
Azərbaycan Dövlət Neft və Sənaye Universitetinin “Fizika” kafedrasının müdiri, prof. Musayev M.A.
Azərbaycan Tibb Universitetinin “Tibbi fizika və informatika” kafedrasının müdiri, prof. Tağıyev Z.H.
Bakı-2017
İzahat vərəqi
Fənnin tədrisində məqsəd: “Lazerlər fizikası” fənninin “Fizika-050503” ixtisası üzrə bakalavr pilləsində təhsil alan tələbələrə tədrisində məqsəd onları qazlarda, mayelərdə və bərk cisimlərdə lazer şüaları generasiyasının alınması şərtləri, lazer şüalarının xassələri, lazerlərin növləri, quruluşu və tətbiq imkanları barədə ən zəruri biliklərə yiyələndirməkdir.
Fənnin tədris planındakı yeri:“Lazerlər fizikası” fənni “Fizika-050503” ixtisası üzrə bakalavr hazırlığnın “Tədris plan”ında “İxtisasın peşə hazırlığının seçmə fənləri” qrupuna (İPFS-B15) daxildir.
Fənnin tədrisi üsulları:Mühazirə, laboratoriya dərsləri, sərbəst işlər, kollokvumlar
Fənnin məzmunu
1. Giriş. Kvant generatorlarının yaranma tarixi. V.A. Fabrikantın hipotezi. İfrat yüksək tezlikli (İYT) diapazonda kvant elektronikası cihazları. Radiotezlik diapazonunda kvant generatorları və gücləndiriciləri. Mazerlər. Qaçan dalğaların paramaqnit gücləndiriciləri. Santimetrlik diapazonda işləyən ilk kvant generatorlarının yaranması. Hidrogen və ammonyak əsasında şüa generatorları.
