Ənənəvi olaraq Respublikada alüminium sənayesinin əsasını təşkil etmiş “Gəncə
Gil-torpaq” müəssisəsində xammal kimi yerli Zəylik alunit və xaricdən idxal olunan boksit
filizlərindən gil-torpaq istehsal edilərək Sumqayıt Alüminium Zavodunda ilkin alüminium
Ölkəmizdə fəaliyyət göstərən ən iri alüminium müəssisələri Sumqayıt Alüminium
29
Sumqayıt Alüminium Zavodu tikintisinə 1949-cu ildə (əsas təyinatını müəyyən edən
istehsal sexlərinin- elektroliz sexinin və civədüzləndirici yarımstansiyanın tikintisinə 1952-
ci ildə) başlanmış, 1955-ci il martın 8-də ilk əlvan metal külçə- ilkin alüminium alınmışdır.
1959-1960-cı illərdə ikinci seriyasının korpusları tikilmiş, 1964-cü ildə elektroliz
sexinin alüminium məftil istehsal edən şöbəsi, 1968-ci ildə məişət soyuducuları üçün
buxarlandırıcı istehsal edən sexi, 1974-cü ildə alüminium və latun metallardan qab-qacaq
istehsal edən sexi, 1976-ci ildə təkrar alüminium külçəsi istehsal edən sexi, 1977-ci ildə
həmin sexin metal tullantılarından latun və mis külçələri istehsal edən şöbəsi işə
düşmüşdür. Müəssisə 1997-ci ildə fəaliyyətini dayandırmışdır.
Alüminium sahəsində fəaliyyət göstərən digər müəssisə Gəncə Gil-torpaq kombinatı
olmuşdur. Ötən əsrin ortalarında fəaliyyətə başlamış Gəncə Gil-torpaq İstehsalat
Sahəsində Daşkəsən rayonunun Zəylik mədənindən gətirilən alunit və idxal boksit
filizindən istifadə edilməsi nəzərdə tutuluşdur. İstehsalat prosesi zamanı il ərzində əmələ
gələn 2 milyon ton şlamın yığılması məqsədilə müəssisənin ərazisində ümumi sahəsi 159
hektar olan 2 ədəd şlam hovuzu tikilərək istifdəyə verilmişdir. 1976-cı ildə müəssisədə
istehsal gücü 300 min ton boksit filizinin emalı xətti işə salınmış və xarici ölkələrdən
(Qvineya və Hindistan) idxal olunan boksitin emalına başlanmışdır.Bu müəssisənin illik
istehsal gücü boksit xətti üçün 300 min ton, alunit xətti üçün 150 min ton təşkil etmişdir.
Ötən əsrin 90-cı illərində yaşanan problemlər ölkədə alüminium istehsalını kəskin azaltmış
və müəssisə 1997-ci ildə fəaliyyətini dayandırmışdır.
2000-ci ildə Daşkəsən Zəylik alunit mədən müəssisəsinin, Gəncə Gil-torpaq
kombinatının və Sumqayıt Alüminium Zavodunun bazasında “Azəralüminium” ASC
yaradılmışdır. 2002-ci ildə respublikanın alüminium istehsalı müəssisələri yenidən bərpa
olunaraq istehsala başlamış və bu alüminium sənayesi qeyri-neft sektorunun aparıcı
sahəsinə çevrilmişdir.
2008-ci ildən başlayan və sonrakı illər dərinləşən iqtisadi böhran dünyanın bütün
ölkələrində alüminium istehsalı sənayesinə ciddi təsir göstərmiş, bir sıra zavodlar
30
fəaliyyətini dayandırmış, bəziləri isə istehsalını məhdudlaşdırmışdır. Bu illər ərzində
dünyada alüminiumun qiyməti təqribən iki dəfə azalmışdır ki, bu da istehsalı idxal
xammalından asılı olan Azərbaycan alüminium sənayesinin aparıcı müəssisələri Gəncə
Gil-torpaq kombinatının və Sumqayıt Alüminium Zavodunun dayanmasına səbəb
olmuşdur.
Azərbaycan Respublikasında əlvan metallurgiya sənayesinin aparıcı sahəsi olan
boksit və alunit filizindən alüminium-oksid (gil-torpaq), ilkin alüminium və yarımfabrikat
(alüminium vərəq-rulon və lövhə şəklində, hər iki üzü boyanmış vərəq və lövhə)
məhsullarının istehsalı bu sahə üzrə aparıcı şirkət olan Det-AL Holding tərəfindən həyata
keçirilir.
Şirkətin baza müəssisəsi olan Det-AL Alüminium Kompleksi Gəncə şəhərində
yerləşir. Kompleksin ümumi ərazisi 81 hektar, ümumi tikinti altı sahə isə 102.000 m
2
ərazini əhatə edir. Kompleksin tərkibinə 4 zavod (Elektroliz Zavodu, Anod Prosesləri
Zavodu, Metal Tökmə və Fasiləsiz Yayma Zavodu, Təzyiqlə Emal və Boyama Zavodu) və
2 köməkçi sahə (110 kvt-luq və Silisium Düzləndirici Yarımstansiya, Mexaniki Təmir
Stansiyası), çoxlu sayda sex, istehsalat və sosial obyektlət daxildir. Holdinqin ümumi işçi
sayı isə 910 nəfərdir.
Det-AL Alüminium Kompleksinin təməli 2008-ci ildə qoyulmuşdur. 2011-ci ildə
Kompleksin ilk 50.000 tonluq istehsal gücünə malik 1-ci fazası işə başlamışdır. 2013-cü
ilin may ayından etibarən Det-AL Alüminium Kompleksinin Yarımfabrikat məhsulları
istehsal edən (Metal Tökmə və Fasiləsiz Yayma Zavodu, Təzyiqlə Emal və Boyama
Zavodu) zavodları sınaq məqsədilə fəaliyyətə başlamışdır. Zavodun ümumi ilkin
alüminium istehsal gücü ildə 50 min tondur.