Kurs ishining dolzarbligi. Mamlakatimizda kimyo va biologiya fanlarini rivojlantirish, ushbu yo‘nalishlarda ta’lim sifati va ilm-fan natijadorligini oshirish “Ilm, ma’rifat va raqamli iqtisodiyot yili” Davlat dasturining ustuvor vazifalari qatorida belgilangan.Zero, o‘g‘il-qizlarimizni kimyo va biologiya fanlari bo‘yicha chuqur o‘qitish hududlarda yangi-yangi ishlab chiqarish korxonalarini barpo etish, yuqori qo‘shilgan qiymat yaratadigan farmatsevtika, neft, gaz, kimyo, tog‘-kon, oziq-ovqat sanoati tarmoqlarini jadal rivojlantirishga turtki beradi hamda buning pirovardida xalqimiz turmush sharoiti va daromadlarini oshirishga puxta zamin hozirlaydi.Shu bilan birga, umumta’lim maktablaridagi kimyo va biologiya fanlarini o‘qitish sifati bugungi davr talablariga javob bermasligini, o‘qitish metodologiyasi va laboratoriyalar ma’nan eskirganligini, o‘qituvchilarning mehnatini munosib rag‘batlantirish mexanizmlari joriy qilinmaganligini alohida qayd etish zarur.O‘zbekiston Respublikasi Prezidentining 2019-yil 23-oktabrdagi “O‘zbekiston Respublikasi qishloq xo‘jaligini rivojlantirishning 2020 — 2030-yillarga mo‘ljallangan strategiyasini tasdiqlash to‘g‘risida”gi PF-5853-sonli farmonining ijrosini ta’minlash maqsadida mamlakatimizda bu sohaga e’tibor juda ham kuchaydi.Ayniqsa, qishloq xo’jaligini rivojlantirish uchun biz o’simliklarning hayot tarzini, unda kechadigan fiziologik jarayonlarni yaxshi bilishimiz kerak.O’simliklarda kechadigan fiziologik jarayonlarning eng muhimlaridan biri bu- fotosintezdir. Fotosintez o’simliklar uchun tabiiy jarayon hisoblanib, har bir yashil o’simlik fotosintez qilish xususiyatiga ega. O’simliklarning normal rivojlanib, yaxshi mo’l-ko’l hosil berishi bir tomondan fotosintez jarayoniga bog’liq bo’lganligi uchun bu mavzu juda dolzarb sanaladi.
