Tashqi siyosatdagi o`zgarishlar Xrushev "tinch-totuv yashash" siyosatini olib borishini bildirdi. Bunda barcha xalqaro muammolarni faqat tinch yo'1 bilan hal etish ko`zda tutilgan edi. Sovet Ittifoqi bu davrda xalqaro ahvolni yumshatishga qaratilgan chora-tadbirlar ko`ra boshladi. BMT SSSRning tashabbusiga ko`ra 1960-yilda mustamlakalardan voz kechish to`g`risida rezolyutsiya qabul qildi va shundan so`ng mustamlakachilik tizimi yemirila boshladi. Sovet davlati Osiyo, Afrika, Lotin Amerikasi xalqlarining milliy-ozodlik kurashini qo`llab-quvvatladi. Hindiston, Indoneziya, Birma, Afg`oniston bilan do`stlik aloqalari o`rnatildi. Yugoslaviya bilan munosabatlar yo`lga qo`yildi. Xrushev ko`pgina xorijiy mamlakatlarga safar qildi. Xususan, 1958-yilgi Amerikaga qilgan safari Sovet Ittifoqining jahon miqyosidagi obro`sini bir qadar ko`tardi.
Xrushev Niklta Sergeyevich (1894-1971) - KPSS MK rahbari, SSSR Ministrlar Sovetining raisi (1958—1964). Stalin shaxsiga sig'inish oqibatlarini fosh etish va unga chek qo`yish jarayoniga boshchilik qildi. U davlat boshqaruvining ma'muriy-buyruqbozlik ttzimini demokratik tizimga o`zgartirishga harakat qilgan.
