2-Ma’ruza: Mavzu: Bulutli texnologiyalarni modellari va ularning xususiyatlari Bulutli infrastrukturani modellashtirish

1.CloudSim platformasi - bu bulutli hisoblash tizimlari va infratuzilmalarni
to‘liq modellashtirish va imitatsiya qilish imkonini beradigan umumiy va
kengaytirilgan imitatsiya vositasi. U maʻlumotlar omborini, veb-xizmatlarini, virtual mashinalar orasidagi resurslarni taqsimlashni va boshqalarni modellashtirishni taʻminlovchi GridSim platformasining asosiy funksiyalarining kengaytirilishi hisoblanadi. CloudSim yadrosi xodisalarni qayta ishlash, bulutli obʻektlarni (xizmatlar, tugunlar, maʻlumotlar markazlari, resurslar brokerlari va virtual mashinalar) yaratish, tizim elementlari va simulyatsiya oqimini boshqarish va tizim elementlarining o‘zaro ishlashida navbatlardan foydalanishga asoslangan SimJava harakatiga asoslangan.
Bulutli muhit modelini ishlab chiqishda, foydalanuvchi imkon qadar haqiqatga yaqin bo‘lgan natijalarga erishish uchun uning modelidagi kalit tarkibiy qismlarni takomillashtirishi kerak.
Modellashtirish uchun platformaning asosiy obʻektlari virtual mashina va
vazifadir. Ushbu komponentlar bulut tizimlarining turli guruhlari uchun xosdir.
Masalan, PaaS kabi bulutli tizimlar uchun bir xil virtual mashinaga bir nechta ilovalarni joylashtirish odatiy xoldir.
Modellashtirishda eng muhim komponentlar resurslarni boshqarish siyosatiga javob beradigan komponentlardir. Ushbu komponentlar tomonidan ko‘rib chiqiladigan vazifalar quyidagilarni o‘z ichiga oladi:
- modellashtirish tizimlarining turli obʻektlari uchun protsessor quvvati, operativ
xotira va boshqa resurslarni taqsimlash;
- modellashtiriladigan tizimlar tugunlarida virtual mashinalarni joylashtirish;
- modellashtiriladigan tizimidagi virtual mashinalar orasidagi vazifalarni taqsimlash.
Modelning ish prinsipi, platformaning zarur komponentlarini va imitatsiya tizimining dastlabki tavsifini va manba kodi shaklidagi imitatsiya stsenariyini bajarilishini nazarda tutadigan CloudSim platformasiga asoslanadi. Imitatsiyani boshlagandan so‘ng imitatsiya tizimi haqidagi barcha maʻlumotlar imitatsiya qilinadigan CloudSim yadrosiga o‘tkaziladi. Shuni taʻkidlash kerakki, CloudSim platformasi imitatsiya tizimida yoki imitatsiya stsenariylarida to‘g‘ridan-to‘g‘ri modelning ishlashi vaqtida o‘zgarishlarni nazarda tutmaydi, bu platformaning imkoniyatlariga cheklovlar ko‘yadi.
2. CDOSim. CDOSim (Cloud Deployment Options Simulator) - bu simulyator bo‘lib, uning asosiy vazifasi bulutli hisoblash tizimining yoki infratuzilmaning ishlashini baholashdir. CDOSim platformasi bulutli tizimlar va infratuzilmalarnitarqatish uchun turli xil variantlarni taqqoslash uchun mo‘ljallangan, bu esa mavjud resurslardan foydalanishni optimallashtirish va bulutli hisoblash tizimining ish faoliyatini yaxshilash uchun mo‘ljallangan. CDOSim platformasi bulutli tizimlar va infratuzilmalarni joylashtirishning asosiy parametrlarini moslashuvchan ravishda o‘zgartirishi mumkin:
- tizim resurslarini saqlash strategiyasi;
- virtual mashina namunalarining konfiguratsiyasi;
- hisoblash tizimini ishlab chiqish uchun ishlatiladigan apparat va dasturiy taʻminot;
- tarmoq parametrlari.
3. TeachCloud. TeachCloud platformasi taʻlim uchun maxsus ishlab chiqilgan
bulut hisoblash tizimlarining simulyatoridir. TeachCloud platformasi oddiy grafik
interfeysni taʻminlaydi, u orqali talabalar bulutli hisoblash tizimining konfiguratsiyasi va sozlamalarini o‘zgartirishi mumkin, bunday tizimlarning mumkin bo‘lgan konfiguratsiyasi bilan tajribalar o‘tkazishi mumkin.
4. iCanCloud. iCanCloud platformasi - yirik maʻlumotlar saqlash tarmoqlari
uchun dasturiy simulyatordir. iCanCloud platformasi maʻlum bir hisoblash muhitida muayyan dastur tomonidan resurslardan foydalanishni maksimal darajada oshirish imkonini beradi. Platformada to‘liq maʻlumotli odatiy ombor simulyatsiyasini to‘liq loyixalashtirish va amalga oshirish imkonini beruvchi to‘liq grafikli interfeys mavjud.
Bundan tashkari, iCanCloud platformasi bulutli hisoblash tizimining simulyatsiyasini parallellashtirishga imkon beradi.
5. SPECI. SPECI dasturi (Elastik bulut infratuzilmalari uchun simulyatsiya
dasturi) yirik maʻlumotlarni qayta ishlash markazlari xatti-harakati va masshtabini
qayta yaratishga va o‘rganishga imkon beruvchi simulyatordir. SPECI dasturi
xozirgacha ishlab chiqilgan, ammo hali tuzilmagan maʻlumotlar markazlari bilan
ishlashga mo‘ljallangan. Ushbu holatlarda SPECI dasturidan foydalanish tizimning
zaifliklari va “to‘siqlarni” ko‘rsatishga imkon berishi mumkin.
6. DCSim. (Data Center Simulator) platformasi birinchi navbatda cloud
computing asosiy muammo har bir alohida holatda tegishli resurs taqsimotini va
zaxiralash siyosatini tanlaydigan IaaS tizimlari bilan ishlaydigan simulyator
hisoblanadi . DCSim platformasi IaaS tizimini rivojlantirish va ishga tushirish
jarayonini sezilarli darajada tezlashtiradi.