2- Ámeliy jumıs Zıyankeslerge qarsı gúres usılları hám quralların úyreniw

2- Ámeliy jumıs
Zıyankeslerge qarsı gúres usılları hám quralların úyreniw
Awıl xojalıǵı eginleriniń zıyanlı faktorlarına qarsı gúres alıp barıwda qollanılatuǵın integraciyalıq gúres sistemasınıń baslanǵısh etapı ósimlikler imuniteti esaplanadı. Ósimliklerdiń sırttan tásir etken qolaysız faktorlarǵa kórsetetuǵın qarama-qarsılıǵı ósimlikler immuniteti dep ataladı. Qálegen ósimlik sırtqı faktorlar tásirinen zıyanlanǵan organların tez qayta tiklew, ondaǵı fiziologiyalıq processlerin buzıwǵa alıp keletuǵın faktorlarǵa ózindegi bar kúsh arqalı qarsı turatuǵınlıǵı belgili. Sırttan túsken kletkalardıń tásirine ushıraǵan ósimlik kletkaları ózindegi bar azıqlıq zatlardı osmotik basımın joqarılatıw arqalı bermewge háreket qıladı. Sonday-aq kletkalar ózlerindegi sol sırttan túsken kletkalarǵa zıyanlı tásir etetuǵın zatlardı (permetrin zatı) qollanıp olardıń aktivliligin páseytiwge, hátteki nabıt etiwge háreket etedi. Usınday proceslerdi aktivlestiriw arqalı ósimliklerdiń sırtqı zıyanlı faktorlarǵa shıdamlılıq dárejesin asırıw ilajları islep shıǵılǵan. Bul ilajlar ósimliklerdi basqa agrobiocenozǵa aparıp ornalastırıw, iykemlestiriw, sonday-aq taza sortlardı shıǵarıw payıtları eń áhmiyetli faktorlar esabında itibarǵa alınadı. Bunda birinshi gezekte ósimliktegi bar bolǵan xojalıq bahalı belgilerin esapqa alǵan halda sol orınlarda hasıl bolıp ósimliklerge unamsız tásir etetuǵın faktorlarǵa qarsılıq kórsetiw múmkinshiligi asırıladı. Bul ilaj ósimliklerden sort shıǵarıw dáwirlerin ondaǵı genlerge ximiyalıq, fizakalıq jollar menen tásir etip, kerekli bolǵan belgilerdi usı kriteriyalar shegarasında qáliplestiriledi. Shıǵarılatuǵın taza sortlarda usınday belgilerdi payda etip olardıń turaqlılıǵın saqlap qalıw ushın jumıslar alıp barıladı.
Awıl xojalıǵı eginleri zıyankesleriniń qáwipli ekonomikalıq zıyan beriw dárejesiniń kórsetkishleri

Zıyankes túri hám ilimiy jumıs ótkergen adamnıń F.I.Sh.