4-§. O`quv – bilish ishlari samaradorligini nazorat qilish metodlari.
Nazorat va o`z – o`zini nazorat qilish metodlari guruhiga test og`zaki, yozma, amaliy, individual va umum sinf ishlari kiradi.
O`qitish metodlarini tanlashda asosiy o`rin o`quv jarayondagi tushunchalar sistemasiga beriladi, bu tushunchalar sistemasi mohiyatini, ularning alohida tomonlarini yoki belgilarini yechish uchun bir – birini to`ldirgan holda goh u, goh bu metod qo`llaniladi! Bunda o`quvchilarning umumiy rivojlanish darajasi, psixologik va yosh xususiyatlari, ma'lum o`qitish metodlaridan foydalanish imkoniyatlari, sinfning tayyorgarlik darajasi muhim ta'sir ko`rsatadi.
Dars metodikasini baholashda albatta o`qituvchining kuchli va zaif tomonlarini hisobga olish kerak. Demak, metod tanlashda oldin dars maqsadi, mazmuni, asosiy momyentlari aniqlanishi kerak.
5 -§. Programmalashtirilgan o`qitish.
O`quv materialning uncha katta bo`lmagan, mantiiqli o`zaro bog`langan va maxsus ishlanga\n topshiriqlar bo`yicha materialni o`rganish programmalashtirilgan o`qitish deyiladi. Topshiriqlarni o`rganish o`qituvchi yoki maxsus qurilma yordamida nazorat qilib turiladi. Nazorat natijalari darhol o`quvchilarga aytiladi: yo javobning to`g`riligi tasdiqlanadi, yoki xatolar tushuntirilib, ularni tuzatish yo`llari ko`rsatiladi. Yangi topshiriqni o`rganishga o`tish uchun ruxsat har bir o`qiuvchiga alohida beriladi.
Programmalashtirilgan o`qitishning ayrim xususiyatlari odatdagi o`qitish metodlarida ham mavjud, materialni bayon qilishda mantiqiy izchillik, yangi material qanday o`zlashtirilganligini tekshirishda nazorat savollari, amallarni bajarish va masalalar yechish algoritmlaridan foydalanish.
Boshlang`ich matematikaga oid metodik adabiyotda algoritmik buyruqlarni ko`pincha «Xotira» deyiladi. Yuqori sinflar uchun matematikadan programmalashtirilgan o`quv - qo`llanmalari nashr qilingan. Boshlang`ich sinflarda hozirgi vaqtda ba'zi xil programmalashtirilgan topshiriqlardagina foydalanilmoqda. Misollar:
Dostları ilə paylaş: |
