1
AZƏRBAYCAN RESPUBLİKASI TƏHSİL NAZİRLİYİ
XƏZƏR UNİVERSİTETİ
HUMANİTAR VƏ SOSİAL ELMLƏR FAKÜLTƏSİ
İstiqamətin şifri və adı 060209-Psixologiya
İxtisaslaşmanın adı Klinik psixologiya
Psixologiya kafedrasının magistrantı
Quliyeva Nuranə Etibar qızının
Magistr dərəcəsi almaq üçün
AZƏRBAYCANDA AUTİZM PROBLEMİ ƏLAMƏTLƏRİ VƏ
KORREKSİYA ÜSULLARI
mövzusunda
DİSSERTASİYA İŞİ
Elmi rəhbər: Fəlsəfə doktoru Eldar Şahgəldiyev
Bakı-2016
2
MÜNDƏRİCAT
GİRİŞ........................................................................................................................3
I FƏSİL. AUTİZM HAQQINDA ÜMUMİ MƏLUMAT.................................8
1.1.Yaranma tarixi.....................................................................................................8
1.2.Yaranma səbəbləri.............................................................................................11
II FƏSİL. AUTİZMİN DİAQNOSTİKASI VƏ KORREKSİYA ÜSULLARI
.................................................................................................................................20
2.1. Ümumi əlamətləri və diaqnostikası..................................................................20
2.2. Autizmlə bağlı dünya təcrübəsində aparılan korreksiya üsulları....................33
2.3. Autizmə məruz qalmış uşaqların ailələrinin keçirtdiyi sosial-psixoloj
mərhələlər və aparılan maarifləndirmə işləri..........................................................39
III FƏSİL. AZƏRBAYCANDA AUTİZM PROBLEMİ..................................43
3.1. Autizm səviyyəsi..............................................................................................43
3.2. Autizm xəstəliyinin müayinə və müalicə profilli müəsissələri....................44
3.3. Autizmlə bağlı aparılan korreksiyası üsullarının Azərbaycan
nümunələri...............................................................................................................46
IVFƏSİL. AUTIZMİN KLİNİKASI VƏ KORREKSİYASI...........................50
4.1. Tədqiqatda istifadə olunan klinik material və metodlar...................................50
4.1.1. Tədqiqatın iştirakçıları...................................................................................50
4.1.2. Klinik tədqiqatda istifadə edilmiş metodikalar..............................................50
4.1.3. Tədqiqatın strukturu......................................................................................51
4.1.4. Tədqiqatın statistik təhlili..............................................................................52
4.2. Klinik tədqiqatda istifadə edilən metodikalar və onların təhlili.......................52
NƏTİCƏ.................................................................................................................68
İSTİFADƏ EDİLMİŞ ƏDƏBİYYAT..................................................................70
ƏLAVƏLƏR..........................................................................................................73
3
GİRİŞ
Mövzunun aktuallığı. Autizm uşaqlarda çoxsaylı inkişaf pozuntuları
içərisində ən aktual problemlərdən biridir. Bu xəstəlik, müxtəlif səbəblərlə bağlı
olaraq uşağın ilk üç ili ərzində ünsiyyət və kiçik motorika bacarıqlarının
çatışmazlığı və ya qüsurlu olmamasının nəticəsi kimi təzahür edən, eləcə də
məhdud maraq və təkrarlayıcı davranışlarla meydana çıxan kompleks bir inkişaf
pozuntusudur. Autizmli uşaqların ən çox diqqət çəkən xüsusiyyətləri nitq
qabiliyyətinin pozuntusu və ya qüsuru, daxilə qapanma, dəyişikliyə güclü reaksiya
vermək, eyniliyi davam etdirməyi tələb etmək, zaman və məkan qavrayışlarının
olmaması, insanlarla sosial münasibətlərin zəifliyidir. Oğlanlarda qızlara nisbətən
üç dəfə çox rast gəlinən autizm xəstəliyinin səbəbləri hələ dəqiq məlum deyildir.
Aparılan araşdırmalarda müxtəlif səbəblər göstərilmişdir; əsasən, genetik faktorlar,
genetik uyğunsuzluq, sosial faktorlar, psixoloji və sosiopsixoloji səbəblər, prinatal
və postnatal travmalar, bəzi dağıdıcı viruslar və xəstəliklər olaraq sıralanır.
Statistika
1
göstərir ki, dünya əhalisinin 1%-i bu xəstəlikdən əziyyət çəkir. Hal-
hazırda “Amerika Autizm Dərnəyi”(The Autism Society) araşdırmalarına görə
autizmin cəmiyyətdə yayılma nisbəti 1/500 nəfər, “İngiltərə Milli Autizm Dərnəyi”
araşdırmalarına görə isə bu nisbət 1/110 nəfərdir. Əslində isə autizm sindromlu
uşaqların sayı statistikalarda göstəriləndən daha artıqdır; belə ki, bir qədər fərqlidir,
yəni yüngül autizm sindromlarlı ilə müşahidə olunan, şəxsiyyətin deformasiyası
kimi ciddi sosial psixopedaqoji problemlər rəsmi stastistikada qeydə alınmayıbdır.
Tədqiqatlar
2
nəticəsində müəyyən olunmuşdur ki, autizm müalicə olunmayan
xəstəlikdir. Buna görə də autizmin müalicəsi anlayışı bir mənalı qarşılanmır.
“Autizmli İnsanların Ümumdünya Təşkilatı” belə hesab edir ki, autizmi “müalicə
etmək” deyil, “dəyişmək” yaxud“normal vəziyətə” gətirmək, onları olduğu kimi
qəbul etmək lazımdır.
1.
Otizm-epidemiyolojisi.(türkcə) https://otizm.wordpress.com/tag/
2.
Б.Е.Микиртумов, П.Ю.Завитаев.Аутизм:история вопроса и современный взгляд. Санк-
Петербуг 2012, стр22
4
Təxmini statistikaya görə
3
Azərbaycanda dörd minə yaxın uşaq autizm
xəstəliyindən əziyyət çəkir. İnsanlar yetərincə məlumatlı olmadığından
autizmli uşaqlarla necə davranılacağını bilmirlər. Azərbaycanda bu xəstəlikdən
əziyyət çəkən şəxslərin əksəriyyətinin ailəsi aztəminatlı olduğundan onlar ciddi
problemlərlə üzləşirlər. Cəmiyyətin autizmi tanımaması səbəbindən bu uşaqlar
ümumi nəqliyyatda, ictimai yerlərdə tez-tez ətrafdakıların qınağı ilə üzləşirlər.
Azərbaycanda autizmli uşaqların və onların ailələrinin əsas problemlərindən biri
də bu xəstəlikdən əziyyət çəkənlərə təlim keçəcək peşəkar kadırların olmamasıdır.
Bu səbəbdəndə həyata keçirilən təlimlərdə yaxşı nəticələr alınmır.
Tədqiqat
mövzusunun işlənilmə səviyyəsi. Sosial və ünsiyyət
qabiliyyətlərinin yaranmasına təsir edən ümumi inkişaf problemi olan autizmin
müalicəsi üçün istifadə olunan korreksiya üsulları son illər böyük maraq
doğurmuşdur. Autizm Spektr Pozuntusu dünyanın istənilən ölkəsində, hər iki
cinsin nümayəndələrində, sosial və etnik qruplara mənsubiyyətdən asılı olmayaraq
meydana çıxır, xəstələrin özlərini və ailələrini böyük problemlərlə qarşılaşdırır.
Həm inkişaf etmiş, həm də inkişaf etməkdə olan ölkələrdə bu xəstəliyin yaratdığı
fəsadları korreksiya etmək aktual məsələlərdəndir. Müxtəlif ölkələrdə xəstəliyin
klinik mənzərəsini yaxşılaşdıran amillərin araşdırılması ilə bağlı tədqiqatlar
aparılmışdır. Autizmin korreksiyası ilə bağlı müxtəlif kooreksiya üsullarından,
terapiyalardan istifadə olunur. Müxtəlif ölkələrdə aparılmış araşdırmalar
nəticəsində müəyyən olunmuşdur ki, ABA (Applied Behavioral Analysis)
davranış terapiyası və PECS(Picture Exchange Communication System) terapiya
üsulu autist uşaqların müalicəsində öz müsbət təsirlərini göstərmişdir.
Terapiyaların əsası elmi araşdırmalara söykənir.
ABŞ-da ilk dəfə olaraq Dr.İvar Lovass və həmkarları 19 autist uşaqlarla
həftədə 40 saat olmaqla həm ev həm də məktəb mühitində davranış terapiyası
tətbiq etmişdirlər. Digər bir qrupda isə 21 uşaq olmaqla həftədə 10 saat müalicəyə
vaxt ayırırlar. Hər iki qrupdakı uşaqların stereotip bacarıqları, nitqi, inkişaf
3.
Azərbaycan Respublikası“Autizm”Defektoloji və Psixoloji Yardım Mərkəzi İctimai Birliyi.
http//www.autizm.az
5
səviyyəsi və oyun bacarıqları eyni səviyyədədir. Alınan nəticələrə əsasən
Birinci qrupdakı 19 uşaqdan 9-u(47%) normal məktəblərə gedirlər və İQ
səviyyələrində irəliləyiş müşahidə olunur ( İQ= 94-120). 8 uşaq (42%) birinci sinfi
bitirir, nitqdə ləngimə və orta dərəcədə İQ səviyyəsinə malik əqli geri uşaqlarla
olan qrupda yer alır. Digər iki uşaqda isə inkişaf müşahidə olunmur. İkinci kontrol
qrupda isə yalnız bir uşaq ibtidai məktəbi bitirir və normal İQ səviyyəsi göstərir.
Hər iki qrupda yer alan və müalicə nəticəsində normal funksiya göstərən uşaqlar
13 yaşlarında təkrar müşahidələr zamanı qazandıqları dəyərləri qoruduqları
müşahidə edilmişdir.
4
PECS (Picture Exchange Communication System) terapiya üsulu Amerikalı
psixoloq Andy Bondy və Lori Forst tərəfindən inkişaf etdirilib. A.Bondy və
L.Forst 1994-cü ildə apardıqlarda bir tədqiqata əsasən 5 yaş arası uşaqlarda 1 ildən
artıq PECS terapiyası tətbiq edilmişdir. Bu uşaqların 59%-ində müstəqil nitq
qabiliyyətləri inkişaf etdirilmişdir. Uşaqların 30%-ində isə PECS terapiya ilə
birlikdə danışmağı təmin etmiş, 11%-ində isə danışma olmadan PECS
terapiyaya davam etmişdir.
Schwartz və tərəfdaşları 1998-ci ildə 11 uşaqla apardıqları tədqiqatda 6 uşaqda
(55%) bir illik PECS üsulu ilə müstəqil nitq qabiliyyətləri aşkarlanmışdır.
Kravits və tərəfdaşları 2002-ci ildə 6 yaşlı autist uşaqda PECS istifadə edərək
apardığı tədqiqatda sosial ünsiyyətdə və söz ehtiyatında irəliləyiş, davranış
qabiliyyətlərində isə müsbət dəyişikliklər müşahidə etmişdir.
5
Amerika Birləşmiş Ştatlarının Autizm Layihəsinin tədqiqatlarına əsasən PECS
sistemi ilə bir ildən çox təhsil görən uşaqların 76%-ində ünsiyyət bacarıqlarının
inkişafı müşahidə olunub.
Bu kooreksiya üsulları Azərbaycanda autizm müəsissələrində tətbiq
olunmaqdadır. Azərbaycanda autizm aktual olmasına baxmayaraq, geniş
araşdırılmamışdır. Bu terapiyaların tətbiqinin nəticələri öyrənilməmişdir.
4.
Роберт Шрамм. Детский аутизм и АBA, Рама паблишинг 2007,стр 31.
5.
Tohum Otizim Vakfı. Otizmde Eğitim, Terapi ve Tedavi Yöntemleri 2003, Otizimle ilgili
araşdırmalar.
6
Tədqiqatın obyekti. Tədqiqatda 76 autist uşaq və onların valideynləri
iştirak etmişdir. Əsas qrup kimi 36 nəfər (16 qiz, 20 oğlan) hansı ki, bir il və bir
ildən artıqdır terapiya olunur. Kontrol qrup kimi isə 40 nəfər (18 qız, 22 oğlan)
hansı ki, bir aya yaxındır psixoloji mərkəzlərə müraciət etmişdirlər.
Tədqiqata cəlb olunanalar Müasir Psixologiya Mərkəzi və Loqos Psixoloji
və Nitq İnkişaf Mərkəzinə müraciət edən xəstələrdən ibarətdir. Araşdırmaya
cəlb olunanlar 2-4 yaş arası uşaqlardır. Hər bir uşağın valideyininə tədqiqatın
məqsədi haqqında informasiya verilmiş və onların tədqiqatın istənilən
mərhələsində iştirak etməkdən imtina etmək imkanlarının olduğu izah edilmişdir.
Tədqiqatın predmeti. Autizm Spektr Pozuntusundan əziyyət çəkən uşaqlarda
ABA və PECS korreksiya üsullarının tədqiqini müəyyənləşdirmək.
Tədqiqatın fərziyyəsi.
1. Uşaq autizmi ilə korreksiya üsulları arasında korreliativ əlaqə vardır.
2. ABA və PECS korreksiya üsulları ilə 1 il və daha artıq müalicə alan uşaqlarda
proqress müşahidə olunur.
3. ABA və PECS korreksiya üsulları autizmə düçar olmuş uşaqların sosial
münasibətlər, nitq bacarıqları və göz kontaktının qazanılmasında müsbət nəticələr
göstərir.
Tədqiqatın məqsədi. Tədqiqat işinin başlıca məqsədi Autizm Spektr
Pozuntusundan əziyyət çəkən uşaqlarda ABA və PECS korreksiya üsullarının
təsirini müəyyənləşdirməkdir.
Tədqiqatın vəzifələri. Qarşıya qoyulmuş məqsədə çatmaq üçün aşağıda qeyd
olunan vəzifələrin həlli vacib bilinmişdir:
1. 1 il və daha artıq müddətdə ABA və PECS korreksiya üsulları ilə müalicə alan
uşaqlarda ümumi göstəriciləri müəyyən etmək.
2. 1 ay və daha az müddətdə ABA və PECS korreksiya üsulları ilə müalicə alan
uşaqlarda ümumi göstəriciləri müəyyən etmək.
3. Alınmış nəticələrin müqayisəli və riyazi-statistik təhlili.
Tədqiqatın gesişində istifadə olunan metodikalar. Tədqiqatda 2 metodikadan
istifadə olunub:
7
1.CHAT (Checklist For Autism İn Toddlers)- Uşaqlarda Autizm üçün Yoxlama
Siyahsı.
2. CARS (Childhood Autism Rating Scale)- Uşaqlarda Autizm Reytinq Şkalası.
Tədqiqatın elmi əhəmiyyəti. Apardığımız tədqiqat işinin elmi əhəmiyyəti
böyükdür. Tədqiqat hal-hazırda geniş yayılmış autizm xəstəliyində istifadə olunan
korreksiya üsullarının təsirini müəyyənləşdirməkdə və gələcəkdə bu istiqamətdə
aparılacaq tədqiqat işləri üçün zəmin rolunu oynayır.
Tədqiqatın elmi yeniliyi. Tədqiqatın elmi yeniliyi ondan ibarətdir ki,
Azərbaycanda ilk dəfə olaraq autizm xəstəliyindən əziyyət çəkən uşaqların
müalicəsində istifadə olunan korreksiya üsullarının nəticələrini araşdırmaqdır.
Dissertasiya işinin quruluşu. Dissertasiya işi giriş, 4 fəsil, eləcə də
yarımfəsillər daxil olmaqla, nəticə, ədəbiyyat siyahısı və əlavələrdən ibarətdir.
8
I FƏSİL. AUTİZM HAQQINDA ÜMUMİ MƏLUMAT
1.1.Yaranma tarixi
Bu xəstəliyin tarix boyu mövcud olduğunu sübut edən bir çox məlumatlara rast
gəlinmişdir. İlk mənbələrə əsasən 100 illər əvvəl hekayə, nağıl və əfsanələrdə bəzi
insanların davranış xüsusiyyətlərinin autizmə çox bənzəməyinə əsasən müəyyən
edilimişdir. Alimlər heyvan mağaralarında tapılan və danışmayan vəhşi uşaqların
var olma səbəblərini daim izah edilməyə çalışmışlar. Bu uşaqların xüsusiyyətlərini
izah edərkən, adətən, autizmə düçar olmuş uşaqların xüsusiyyətlərindən danışılır.
Autizm nəzəriyyəsinə əsasən aşağıdakı mərhələlər daxildir:
6
1. Donozoloji mərhələ-XIX əsrin sonu XX əsrin əvvəlində uşaqların təkliyə
meyilliyi. Kiçik yaşlı uşaqlarda ağır psixi pozuntular psixiatr N.Maudsley
tərəfindən “psixoz” kimi qiymətləndirilmişdir. Həmçinin Nürnberq çərçivəsində
aparılmış tədqiqat zamanı 1816-1828-ci illər arasında Kasper Hauser adlı bir uşaq
dörd yaşından etibarən qaranlıq bir otağa salınmış və ətraf insanlarla görüşməyinə
icazə verilməmişdir. Kasper Hauserin də autizm xəstəsi olduğu iddia edilirdi.
2. Kannerəqədərki mərhələ-XX əsrin 20-40-cı illərini əhatə edir. Aşkar olunan
inkişaf pozuntuları “şizofreniya” adı ilə adlandırılmışdır. E.Bluer 1920-ci ildə
“Autizm” terminini elmə daxil etmişdir (yunanca “autos”-öz deməkdir). E.Bluer
psixopatiyada qəribə davranış və təfəkkürlərinə görə pasientləri qruplara ayırmışdır.
E.Bluer əvvəlki tədqiqatlarında autizm sindromunu qapalı uşaqlara aid edirdisə son
tədqiqatlarında bu uşaqları “aktiv amma qəribə” kimi qiymətləndirmişdir.
3.L.Kanner mərhələsi-XX əsrin 1943-1970-ci illərini əhatə edir. Autizm
nəzəriyyəsinin işlənilməsi, autistik pozuntunun klinik, psixoloji variantlarının
öyrənilməsi. Autizm ilk dəfə Amerika psixiatrı Leo Kanner tərəfindən 1943-cü
ildə təyin olunub. Leo Kanner 11 uşaqda gördüyü oxşar xüsusiyyətləri müəyyən
edərək “Erkən Uşaqlıq Autizmi” (Early İnfantile Autism) adını vermişdir. 1944-cü
ildə isə Avstriyalı psixiatr Hans Asperger daha böyük yaşdakı uşaq və
6.
Е.С.Иванов,Л.Н.Демьянчук, Р.В.Демьянчук.Детский Аутизм:диагностика и коррекция.
Санк-Петербург-2004,стр 8-15.
9
yeniyetmələrdən ibarət bir qrupda gördüyü bəzi davranış pozuntularını
“Autist Psixopatiya” olaraq qeyd etmişdir. Hans Asperger bu izahını müharibə
illərində və alman dilində verdiyinə görə beynəlxalq miqyasda geniş
tanınmamışdır. Daha sonra aparılan araşdırmalarda Kanner və Aspergerin eyni
xəstəlikləri müəyyən etdikləri ortaya çıxmışdır. Kanner və Asperger
sindromlarının fərqli xüsusiyyətləri cədvəldə qeyd edilmişdir.
7
(Bax:Cədvəl1.1)
Cədvəl 1.1.
Kateqoriya
Asperger-sindromu
Kanner-sindromu
Xəstəliyin başlandığı dövr
2-3 yaş
Həyatının ilk aylarından,
3 yaşa qədər
Ünsiyyət qurmaq bacarığı
Ətrafdakı insanlar narahat edici
fərdlər olaraq qavranılır və göz
təmasından qaçılır.
Ətrafda olan insanları
görmədiyini bildirir. Göz
təması mümkündür, amma
bu çox qısa müddətlidir.
Cinsiyyət
Uşaqların hamısı demək olar
ki oğladır(8:1)
Həm qız, həm də oğlan
uşaqlarında müşahidə edilir,
lakin, oğlanlar çoxluq təşkil
edir.(3:1)
Dil
Uşaq çox vaxt danışmağa tez
başlayır və mükəmməl danışıq
qabilliyətin sahib olur. Gəzməyə
başlamamışdan əvvəl danışmağı
öyrənir.
Nitq bacarığı adətən gec üzə
çıxır.Danışmağa başlamazdan
əvvəl gəzməyi öyrənir.
Motorika bacarıqları
Motorika bacarıqlarında
zəifliyə rast gəlinir.
Motorikanın inkişafında hər
hansı anomaliya müşahidə
olunmur.
Zəka
Norma ilə normadan artıq əqli
inkişaf səviyyəsi, mükəmməllik
səviyyəsində xüsusi qabiliyyət,
mücərrəd düşünmə qabiliyyəti
və simvolların qavrama dərəcəsi
normadan yüksək.
Əksər hallarda qismən və
ümumi axsaqlıqlar, mücərrəd
düşünmə və simvolları
anlama səviyyəsi normadan
aşağı.
10
Ailə xüsusiyyətləri
Autizmə meyilli olan
intellektual ata
Autizmə meyilli olan
intellektual ata və ana
Ehtimal
Yetkinlik dövrünə qədər
Gənclik və yetkinlik dövrü
L.Kanner autizmdə genetik faktorların rol oynadığını düşünsədə autizmi
psixoanaltik nəzəriyyələrlə açıqlamağa çalışmışdır. Kannerə görə bu uşaqlarda
görülən xəstəlik mənzərəsi soyuq, diqqətsiz, mükəmməliyyətçi və tələbkar
valideynlərdən qaynaqlanır. Kannerin tədqiqat apardığı uşaqların valideynləri
universitet bitirmiş ixtisaslı mütəxəssislər idi. Bu uşaqlar normal zehni inkşafa
sahibdirlər, lakin valideyn sevgisizliyinə görə duyğusal sferalarında pozuntular
meydana çıxır. Kanner beyində fiziki bir patalogiyanın olduğuna inanırdı.
8
Lakin 60-cı illərdən başlayaraq autizmə səbəb kimi genetik faktorlar qeyd edildi.
1967-ci ildə isə Autizm Araşdırma İnsitutu (Autism Research İntitute-ARİ)
quruldu. Universitetin başında isə autizm dünyasının əfsanəvi ismi Dr.Bernard
Rimland dururdu. ARİ 40 ildən çox bir müddət autizmin biotibbi müalicəsi ilə
bağlı araşdırmalar aparmışdır. ARİ və digər autizm araşdırma qrumları genetikanın
autizmdəki rolunu qəbul etsələrdə, əsas səbəb kimi toksiki kimyəvi maddələr, ətraf
mühit faktorlarının olduğunu vurğulamağa başladılar. 80-ci illərdən etibarən
biotibbi müalicələr haqqında yüzlərlə araşdırmalar aparıldı. Bu araşdırmalara görə
autizmin genetikası olan infeksiyalar, toksiki kimyəvi maddələr, qidalara daxil olan
protein və peptitlər inkişaf pozuntularına yol açan səbəblərdir. 1992-ci ildən
etibarən Amerika Psixiatriya Dərnəyi autizmlə bağlı diaqnostik meyarlar təqdim
etmişdir. Autizm termini müəyyən zaman içində Autizm Spektr Pozuntusu
(Autism Spectrum Disorders) termini ilə əvəzlənmişdir. ARİ 1995-ci ildə autizmlə
bağlı daha önəmli bir addım atmışdır. Autizmin səbəbləri və müalicəsi ilə bağlı
araşdırmaların müzakirə olunduğu simpozyum keçirildi. Bu simpozyuma DAN
Konferansı ( Defeat Autism Now-Autizmə İndi Qalib Gəl) adı verildi.
7 .
Dr.Çetin Özbey.Otizm ve Otistik çocukların eğitimi.İnkilap Yayıncılık,İstanbul2005.s14
8.
Prof.Dr.Ahmet Aydın,Uzm.Dr.Cem Kınacı.Otizme Çözm Var.Hayykitap,İstanbul2015.s11
11
Konferansı ( Defeat Autism Now-Autizmə İndi Qalib Gəl) adı verildi. Həmin
tarixdən etibarən hər il bu konferans keçirilməkdədir. Konferansda belə bir
nəticəyə gəlinib ki, bu uşaqların sağalma potensiallarını artırmaq üçün xüsusi
təhsillə yanaşı biotibbi müdaxilələrdə şərtdir.
1.2.Yaranma səbəbləri
Sosial, maddi səviyyələri yüksək olan, sevgi, qayğı və yaxın münasibətlərin
olmadığı ailələrdə bu xəstəlikdən əziyyət çəkən uşaqlara daha çox rast gəlindiyi
söylənilir. İlk əvvəl bu xəstəliyə səbəb olaraq valideynlərin uşaqlara olan qayğı və
sevgi hisslərinin yetərsizliyi göstərilirdi. Bu fərziyyəni müdafiə edənlərdən biri
Bettelhimdir. O uzun illər autizmlə bağlı araşdırmalar aparmışdır. Sonradan geniş
miqyasda aparılan araşdırmalar autizmin valideyn və uşaq münasibətlərindən
qaynaqlanmadığını, sosial, maddi səviyyə ilə bağlı olmadan hər irqdə hər sinifdə
ortaya çıxdığını sübut edilmişdir. Bu xəstəliyin yaranmasına nəyin yol açdığı hələ
dəqiq olaraq müəyyən edilməmişdir. Aparılan araşdırmalarda müxtəlif səbəblər
göstərilmişdir; əsasən, genetik faktorlar, genetik uyğunsuzluq, sosial faktorlar,
psixoloji və sosiopsixoloji səbəblər, prinatal və postnatal travmalar, bəzi dağıdıcı
viruslar və xəstəliklər olaraq sıralanır.
Kanner ilk zamanlarda autizmə səbəb olaraq valideyn-uşaq münasibətlərində
meydana gələn axsaqlıqları göstərirdi. 1970-ci illərdə isə uşağın genetik uyğunluğu
ilə ailənin neqativ tərbiyə anlayışının birləşməsi nəticəsində autizmin ortaya
çıxdığını bildirmişdilər.
Autizmdə genetik faktorların rolu. Son zamanlarda bu xəstəliyə genetik
faktorların yol açdığına və araşdırmaların bu istiqamətdə aparılmasına üstünlük
verilir, lakin bu yanaşmanı qəbul etməyən elm adamlarının sayı olduqca çoxdur.
Tədqiqatlar nəticəsində
9
müəyyən olunmuşdur ki, tək yumurta əkizləri genetik
baxımdan bir-biri ilə eynidir. Əgər tək yumurta əkizlərinin biri bu xəstəlikdən
əziyyət çəkirsə, digər əkiz uşağın autizm olma ehtimalı 35-70% arasındadır. Cüt
yumurta əkizlərində isə bu nisbət 0-23% arasındadır. Uşaqlardan biri autizm
9.
Dr.Çetin Özbey.Otizm ve Otiatik çocukların eğitimi. İnkilap Yayıncılık, İstanbul 2005.s22
12
xəstəsi olarsa, sonra doğulan uşağın autizm olma ehtimalı 5-15% arasındadır.
Həmçinin bu xəstəliyə düçar olmuş uşaqların 15%-ində ailə keçmişində autizmə
xas xüsusiyyətlərə malik olduğu müyyən edilmişdir.
Tək yumurta əkizlərində cüt yumurta əkizlərinə nisbətən daha çox rast
gəlinməsi, ikinci uşağın autizm olma ehtimalının yüksək olması və ailə keçmişində
autist fərdlərin olması, autizmin genetik səbəblərindən qaynaqlanan bir pozuntu
olduğu fərziyyəsini dəstəkləyir.
Bu xəstəliyə bir neçə genin səbəb olduğu fərz olunsada, bu genlər
tapılmamışdır. Autizm xəstəliyindən əziyyət çəkən uşaqların çoxunda artıq
miqdadarda tək-gen polimorfizmləri vardır. Tək-gen polimorfizmlərində
talasemiya xəstəliyində olduğu kimi, genlərdə hər hansı bir əksiklik və ya
fundamental çatışmazlıq yoxdur, lakin genin keyfiyyəti aşağıdır və öz funksiyasını
yerinə yetirə bilmir. Ətraf mühit amilləri (ağır metallar, antibiotiklər, infeksiyalar
və.s) və vitamin çatışmazlığı olduqda bu genlərin funksiyaları daha da pozulur.
Ümumi olaraq autizmlə bağlı genetik dəyişikliklər 3 qrup altında araşdırılır:
10
1.
Sitogenetik araşdırmalarla müəyyən olunana müxtəlif xromosom
anomaliyaları ( 5%).
2.
Genotipdə olan bəzi kopya say dəyişikləri ( 10-20%).
3.
Klinik əlamətlər daxilində autizm tapıntılarının yer aldığı və tək gen
mutasiyalarına səbəb olan genetik sindromlar (5%).
Autizm xəstələrinin təxminən 5%-ində yüksək keyfiyyətli sitogenetik təhlillər
nəticəsində xromosom anomaliyaları müəyyən olunmuşdur. Bu günə qədər
aparılan tədqiqatlarda autizmə bir gen anomaliyasının səbəb olmadığı müəyyən
olunmuşdur. Bu da autizmin kompleks bir genetik xəstəlik olduğunu sübut edir.
Autizmlə bağlı bir neçə xromosom hissələri və genləri tapılmışdır. Əsas xromosom
hissələri “2q, 7q və 17q” olaraq bilinməkdədir. Xüsusilə autizmlə əlaqəli olduğu
bilinən genlərin siyahısı və nisbəti cədvəldə qeyd olunmuşdur (Bax:Cədvəl 1.2)
Autizmli xəstələrin 10%-ində NRXN1, NLGN3/NLGN4, SHANK3 kimi genlərdə
mutasiyalar və ya nadir dəyişikliklər 15q11-q13 və 16p11.2 xromosom
10.
Прогресс в генетике аутизма: на пороге новой нейробиологии.https//www.aspergers.ru//
13
anomaliyaları müəyyən olunub. Həmçinin autizmlə əlaqəli olan Rett sindromu,
Fragile-x sindromu, Angelman sindromlarına səbəb kimi gen mutasiyaları
göstərilir.
Autizm sindromlu uşaqlarda müşahidə olunan xromosom anomaliyası
Angelman sindromuna aid kritik hissənin 15q11-q13 dublikasiyasıdır. Bu
xromosom anomaliyanı daşıyan autizm xəstələrində mental gərginlik və
epilepsiya müşahidə olunur.
Cədvəl 1.2.
Autizmlə əlaqali olduğu bilinən genlərin siyahsı
Sindromlar
Autizm sindromu ilə
bağlı olan genlər
Autizm sindromlu
xəstələrin nisbəti
Angelman
Sindromu (15q dublikasiyası)
UBE3A
>40%
Dostları ilə paylaş: |