Zikr ikki turga bo‘linadi:
Til bilan zikr qilish, 2. Qalb bilan zikr qilish.
Til bilan zikr qilishga tasbeh, hamdu sano, qiroat va shu kabilar misol bo‘ladi. Qalb bilan zikr qilish esa, qalbida Allohning ulug‘ligini doim his qilish, Alloh meni muntazam kuzatib turadi, degan e’tiqodda bo‘lish va shu sabab gunoh ishlardan tiyilishdir. Mana shu zikr turi juda muhim sanaladi. Qaysi banda Allohni qalban zikr qilsa, qalbdagi zikr sekin-asta tilga chiqadi. Ammo tildagi zikrni qalbga o‘tkazish biroz qiyinroq.
Qozi Iyoz aytadi: “Zikr ikki xil bo‘ladi. Birinchisi, qalb bilan zikr qilish. Qalb bilan zikr qilish ham ikki turga bo‘lanida. Ulardan biri Alloh taoloning ulug‘igi, buyukligi, U Zotning osmon va Yerdagi mo‘’jizalari haqida fikr qilish. Bu zikrning eng oliy martabasidir. Qalb bilan zikr qilishning ikkinchi turi Allohning amr va qaytariqlarini eslab, U Zot buyurgan ishlarni qilish va qaytarganlaridan qaytishdir. Zikrning ikkinchi turi faqat til bilan zikr qilish. Bu eng zaif zikrdir”.
Dostları ilə paylaş: |
