Orta dərəcə tipli mehmanxanalarda qiymətlər orta səviyyədədir.Şəhərin mərkəzində və ya mərkəzdən bir az kənarda yerləşə bilər. Burada geniş çeşiddə xidmətlər təklif olunur.Belə mehmanxana Nyu-Yorkda «Ramada Hotel»dir. Bakıda «Abşeron» mehmanxanası bu tip otellərdəndir.
Apartament-mehmanxana orta müəssisəyə aiddir. Bu tip mehmanxanalar adətən iri şəhərlərdə yerləşir. Bu nömrələrdə özünəxidmətə üstünlük verilir. Qiymətlər qonaqların nə qədər müddətə qalmasından asılı olaraq dəyişir.Nyu-Yorkdakı «Embassy Suits», Bakıda «Wellington», «Caspian» bu tip mehmanxanalardandır.
Ekonom dərəcəli mehmanxana tipi kiçik və orta tutumlu nömrələrdən ibarətdir.Bu mehmanxanalar adətən yol ayrıcında, magistral yol boyunca yerləşir.Qonaqlara göstərilən xidmətin çeşidi məhduddur.Müştərilər ancaq istifadə etdikləri konkret xidmətin hesabını verirlər.Qiymətlər yüksək deyil. Nyu-Yorkdakı «Days İnn» bu tipli mehmanxanalardandır.
