Jigar yetishmovchiligi jigar to'qimasining yallig'lanish simptomlari, parenximatoz yoki xolestatik sariqlik, shish-assitik va gemorragik sindromlar, gepatogen ensefalopatiya, endokrin buzilishlar va boshqa bir qator o'zgarishlar bilan namoyon bo'lishi mumkin. Uning klinik belgilari turli-tuman bo'lishiga qaramay, asab-ruhiy buzilishlar va gepatodepressiya indikatorlarini pasayishi hamda gemorragik sindrom kasallikning og'irlik darajasini baholashda muhim ahamiyatga ega bo'lgan asosiy mezoni hisoblanadi.
Kichik jigar yetishmovchiligi bo'lgan bemorlami umumiy holsizlik, emotsional noturg'unlik, kayfiyatni tez o'zgarishi bezovta qiladi. Organizmni alkogolga va boshqa toksik ta’sirlarga ega bo'lgan moddalarga nisbatan tolerantligi pasayadi. Yuklamali sinamalar bilan o'tkazilgan laborator tekshirishlarda yengil o'zgarishlar aniqlanadi va bu jigaming metabolik faoliyati (gepatotsellyular yetishmovchiligi yoki gepatodepressiyada zardobli biokimyoviy sindrom) buzilganligidan dalolat beradi.
Birinchi bosqich, prekoma, ensefalopatiya belgilari avj olib boradi; xavfsirash va
xomushlik kuchayadi, o'limdan qo'rqish hissi paydo bo'ladi, nutqda qiyinchilik yuzaga
keladi, nevrologik buzilishlar ko'payadi.
Ikkinchi bosqich, xavf soluvchi komada bemorlaming es-hushi aniq emas. Ular vaqt va atrof-muhitda adashadilar, qo'zg'alish xurujlari depressiya va uyquchanlik bilan almashadi.
Qo'l barmoqlarini qarsillovchi titrashi va tirishishlari kuzatiladi. Elektroensefalogrammada
sekinlashgan a-ritm asosida 8 (delta)-to'lqinlar aniqlanadi.
Uchinchi bosqich, to‘liq komada bemoming es-hushi butunlay yo'qoladi, oyoqlar va
ensa sohasi mushaklari rigidligi ortadi. Yuz ko'rinishi maskasimon, oyoq kafti mushaklari
