1. “Agrobank” ATB ning tashkil etilishi tarixi va vazifasi.
2. “Agrobank” ATB ning xizmat turlari va tashkiliy tuzilmasi.
3. Bankda hisobvaraq ochish va bankning hisobvaraqlar rejasi.
4. Bank tomonidan valyuta operatsiyalarini amalga oshirish tartibi va tahlili.
5. “Agrobank” ATB Sherobod filialida orttirgan tajribam.
Xulosa Foydalanilgan adabiyotlar ro`yxati
Kirish Malakaviy amaliyot hisobotimning dolzarbligi-Iqtisodiyotning muhim subyekti bo’lgan banklar faoliyatini o’rganish, ularning ishlash usullari, funksiya va operatsiyalarini bilish iqtisodiyotni samarali boshqarishda muhim omil sanaladi. Bank o’z faoliyatini qonun va qoidalar asosida aniq va samarali olib borishi, nafaqat, bank faoliyatini rivojlantiradi, balki butun jamiyatning va iqtisodiyotning ravnaq topishiga, jamiyat a’zolari hayot sharoitlarining yanada ko’tarilishida asos bo’ladi.
O’zbekiston Respublikasi Prezidenti Shavkat Mirziyoyevning 2018-yilda mamlakatimizni ijtimoiy-iqtisodiy rivojlantirish yakunlari hamda 2019-yilga mo’ljallangan iqtisodiy dasturning eng muhim ustuvor yo’nalishlariga bag’ishlangan Vazirlar Mahkamasining majlisidagi ma’ruzalarida ta’kidlaganliklaridek: “Kreditlar ishlab chiqarish va infratuzilmani rivojlantirish, tadbirkorlik faoliyatini qo’llab-quvvatlashda zarur manba hisoblanadi. Bo’sh pul mablag’larni jalb qilib, ularni kredit sifatida tadbirkor va investorlarga taqdim etiladigan tijorat banklarining iqtisodiy jarayonlardagi roli juda katta. Ayni kunda “Agrobank”ATB ham xalqaro moliya institutlari va yetakchi xorijiy banklarning imtiyozli kreditlari , investitsiyalari va grantlarini jalb etib , Respublikamiz iqtisodiyotida muhim rol o’ynamoqda.
Malakaviy amaliyot hisobotimning maqsadi va vazifasi - bugungi kunda milliy va xalqaro bank tizimida bo’layotgan o’zgarishlar va taraqqiyot sur’atlarini hisobga olib, banklar, bank tizimi hamda bank faoliyatiga oid barcha normativ-huquqiy qonunchilik hujjatlarini chuqur o’rgangan holda talabalarda mamlakatimiz bank tizimining a’zolari, tijorat banklari va bank buxgalteriyasi faoliyati haqida olingan to’liq tushuncha, ko’nikma va malakalarni taqdim etish hisoblanadi.
