AIHM, O’Donoghue və Başqaları Birləşmiş Krallığa qarşı
(No. 34848/07), 14 dekabr 2010
(ECtHR, O’Donoghue and Others v. the United Kingdom
(No. 34848/07), 14 December 2010)
2005-ci ildən etibarən miqrasiya nəzarəti altında olan şəxslər İngiltərə
kilsəsindən başqa yerdə evlənmək istədikdə, Dövlət Katibliyinə, 295 funt
sterlinq (GBP) məbləğində rüsum ödəyərək təsdiq sertifikatı formasında
icazə almaq üçün müraciət etməli idilər. Ərizəçi, BK-da sığınacaq almaq
istəyən Nigeriya vətəndaşı evlənmək istəyirdi, amma bunu İngiltərə
kilsəsində etmək istəmirdi, çünki o da, nişanlısı da, hər ikisi roman katoliki
idilər və istənilən halda, Şimali İrlandiyada İngiltərə kilsəsi yox idi.
Ərizəçilər, təsdiq sertifikatı almaq üçün müraciət etdilər və xahiş etdilər ki,
yoxsul maliyyə statusları əsasında rüsumdan azad edilsinlər, amma onların
ərizəsi rədd edildi. Nəticədə, lazımi məbləği dostlarının köməyi ilə
topladıqdan sonra onlara 2008-ci ilin iyulunda təsdiq sertifikatı verildi. AİHM
yuxarıdakı sxemi dini əsasda ayrı-seçkilik hesab etdi. Ərizəçilər İngiltərə
kilsəsində evlənmək istəyən və bunu bacaran şəxslərlə nisbətdə eyni
vəziyyətdə idilər. Baxmayaraq ki, həmin adamlar maneəsiz evlənməkdə
azad idilər, ərizəçilər belə nikaha daxil olmaqda həvəssiz (dini əqidələri
baxımından) və imkansız (Şimali İrlandiyada yaşadıqlarının nəzərə alaraq)
idilər. Müvafiq olaraq, onlara evlənməyə yalnız təsdiq sertifikatı almaq üçün
müraciət etdikdən və böyük məbləğ ödədikdən sonra icazə verildi. Buna
görə də, obyektiv və ağlabatan əsaslandırmanın təmin edilmədiyi
davranışda aşkar fərq var idi.
Dostları ilə paylaş: | 
