kelishilgan harakatlarni taqozo etuvchi eng muhim muammolar qatoriga ekologiya , demografiya , xavfsizlik , xalqaro jinoyatchilik , energetika resurslari , qashoqlikka chek qo`yish muamollarini kiritish mumkin
Ko`rib turganimizdek , falsafaning predmetini qandaydir bitta , qat`iy cheklangan muayyan masalalar doirasi bilan bog`lash mumkin emas . U vaqt omiliga va obyektiv sabablar to`plamiga qarab , doim u yoki bu muammo yoki ularning muayyan majmui tarzida birinchi o`ringa chiqadi . Ammo bu boshqa mavzular , masalalar va masalalar o`z ahamiyatini yo`qotadi va falsafa chegarasidan chetga chiqadi , ularning tahlil predmeti bo`lmay qoladi, degan ma`noni anglatmaydi . Bosh mavzularni ikkinchisi , yoki uchinchisi yoki undan ham keying o`ringa surib qo`yadi , ular muayyan davrda va tegishli sharoitda falsafiy diqqat markazidan o`rin olish yoki falsafiy muammolarning ustuvorlik yo`nalishi bo`ylab yuqoriga ko`tarlishi uchun o`z vaqtini “ kutib “ , go`yoki panada turadi desak to`g`riroq bo`ladi . Ayni shu sababli bir falsafa tarixida qiziqishlardagi ustuvorliklarning muttasil o`zgarishini , u yoki bu masala bosh masalaga aylanishini , falsafiy hamjamiyatning asosiy e`tiborini ma`lum vaqt mobaynida unga qaratilishini ko`ramiz.
Quyidagilar falsafiy bilimning muhim tarkibiy qismlari hisoblanadi:
Ontologiya mavjudlik borliq haqidagi bilim ;
Gnoseologiya ( boshqa bir terminologiyaga ko`ra – epistemologiya ) – bilish nazariyasi ;
Ujtimoiy falsafa – jamiyat haqidagi ta`limot ;
Etika – axloq haqidagi ta`limot ;
Aksiologiya – qadriyatlar haqiidagi ta`limot ;
Falsafiy antropologiya – inson haqidagi ta`limot va boshqalar.
