Tibbur-Rəsul (Peyğəmbər təbabəti)



Yüklə 82,94 Kb.
səhifə2/3
tarix01.01.2017
ölçüsü82,94 Kb.
#4356
1   2   3

 

Dağlardakı isti suyun təsiri...



Həzrət Peyğəmbər (s) buyurur: Dağlardakı isti bulaqların suyuna dərman kimi baxmayın, çünki bu sular kükürd qoxusu verir...

 

Həna qoymaq faydalıdır?



Həzrət Peyğəmbər (s) buyurur: Hənadan istifadə edin, çünki gözü işıqlandırır, tükü artırır, xoş qoxu yaradır, zövcəyə aramlıq gətirir.

 

Damarlar sıxılanda...



Oruc tutun. Oruc damarların tutulmasını aradan qaldırır, yuxululuğu uzaqlaşdırır.

 

Balın ürəyə təsiri...



Həzrət Peyğəmbər (s) buyurur: Bal gözəl qidadır. Ürəyə yaxşı təsir göstərir, sinənin soyuğunu aradan qaldırır.

 

Heyvanın ürəyə təsiri...



Həzrət Peyğəmbər (s) Cəfər ibn Əbu Talibə buyurur: Heyva yeyin. Heyva qəlbi gücləndirir, qorxaq insana cəsarət verir... Həzrət (s) buyurur: Heyva yeyin. Çünki heyva qəlbi açır, insana cəsarət verir, övlad gözəl olur... Başqa bir rəvayətdə buyurur: Heyva yeməyi yaddan çıxarmayın. Çünki qəlbi açır, sinədəki ağırlığı aradan qaldırır.

 

Həcamət üçün günlər...



Həzrət Peyğəmbər (s) buyurur: Ayın 17, 19 və 21-nə təsadüf edən çərşənbə axşamı günü həcamət edin. Bu iş böyu xəstəliklərin dərmanıdır. Belə həcamət baş ağrısına, diş ağrısına, dəliliyə, cüzama, alaya qarşı xeyirlidir.

 

İlıq su ilə iftar...



Həzrət Peyğəmbər (s) halva ilə iftar edərdi. Halva olmasaydı başqa şirnidən, xurmadan istifadə edərdi. Bir şey olmayanda ilıq su ilə orucunu açardı. Həzrət (s) buyurur: İlıq su mədə və qara ciyəri təmizləyir, ağıza xoş qoxu verir, dişləri möhkəmləndirir.

 

Mis qabın zərəri...



Həzrət Peyğəmbər (s) buyurur: Misdən hazırlanmış qablarda su içməyin. Bu vasvasılıq və pərişanlıq səbəbidir.

 

Xilalın faydası...



Yemək yeyəndən sonra xilal edin. (dişləri çöplə təmizləyin) Bu dişləri sağlam saxlayır, ruzini artırır... Həzrət (s) buyurur: Yeməkdən sonra xilal edin, ağızınızı yaxalayın. Bu kəsici və dəyirman dişlərə faydalıdır... Bir gün Peyğəmbər (s) Cəfər ibn Əbu Talibə Xilal verib buyurdu: Ey Cəfər! Xilal et, bu ağızın sağlamlığına səbəb olur, ruzini artırır.

 

Misvakın xüsusiyyətləri



Həzrət Peyğəmbər (s) buyurur: Cəbrail həmişə mənə misvak etməyi tapşırırdı. O qədər israr edirdi ki, düşünürdüm misvak vurmaq vacib olacaq... Həzrət (s) buyurur: Misvak etmək insanın fitrətindən, tövhiddəndir... Həzrət (s) başqa bir məqamda buyurur: Misvak edin, çünki ağızın təmizliyi və Allahın razılığına səbəb olar... Misvak dişləri möhkəmləndirər. Gündə iki dəfə misvak edən peyğəmbərlərin sünnəsini davam etdirib. Hər qıldığı namaza görə Allah ona yüz rəkət namazın savabını yazar, onu ehtiyacsız edər, ağızı xoş qoxulu olar, yaddaşı güclənər,  düşüncəsi dərinləşər, qidaları ləzzətli olar, diş ağrıları aradan qalxar, xəstəliklərinin qarşısı alınar, mələklər ona əl verər, dişləri təmiz olar... Həzrət (s) bir hədisdə misvakın on xüsusiyyətini sadalayır:

Ağızı ətirləndirər, damağı möhkəmlədər, bəlğəmi aradan qaldırar, gözü işıqlandırar, dişlərin ərpini əridər, mədəyə kömək edər, Peyğəmbər (s) sünnəsinə əməl olunar, mələkləri sevindirər, Allahı razı salar, xeyir əməlləri artırar... Həzrət (s) buyurur: Allah üçün misvakdan sonra iki rəkət namaz misvaksız yetmiş rəkət namazdan üstündür.

 

Həzm sisteminə faydalı göstərişlər...



Həzrət Peyğəmbər (s) buyurur: Mədə bütün xəstəliklərin mənzilidir. Pəhriz bütün dərmanların köküdür... Həzrət (s) buyurur: Kahı yeyin. Kahı yuxu gətirər, yeməyi həzmə verər... Həzrət (s) buyurur: Cəbrail mənə dedi ki, bərni xurmasında doqquz xüsusiyyət var:

Ağz qoxusunu aradan qaldırır, mədəni təmizləyir, qidanı həzmə verir və s... Həzrət (s) buyurur: Bütün xəstəliklərin kökü mədənin ağırlığındadır... Buyurur: Suyu aram için, onu birdəfəyə başınıza çəkməyin bu qara ciyər xəstəliyinə səbəb olar.

 

İshalın dərmanı...



Bir şəxs Peyğəmbərə (s) qardaşının ishala düçar olduğunu dedi: Kişi qardaşına bal versə də təsirini görməyib yenidən Peyğəmbərə (s) müraciət etdi. Peyğəmbər (s) yenə də xəstəyə bal verilməsini buyurdu. Bu get-gəl bir neçə dəfə təkrarlandı, kişi dördüncü dəfə gəlib dedi ki, ishal güclənib. Həzrət (s) buyurdu ki, Allahın sözünə inan, qardaşının qarnına yox. Kişi geri qayıdıb xəstəyə yenidən bal verdi. Bu dəfə xəstəlik tam aradan qalxdı... Başqa bir şəxs Həzrətə (s) qarın sancısından şikayətləndi. Həzrət (s) buyurdu ki, baldan şərbət düzəlt, ona üç-yeddi ədəd qaraçörəkotu dəni at, sonra iç, Allahın izni ilə sağalarsan... Həmin şəxs bu göstərişə əməl edib sağaldı.

 

Acqarına xurma...



Həzrət Peyğəmbər (s) buyurur: Xurmanı acqarına yeyin, bu halda qarındakı qurdları öldürər.

 

Başgicəllənməyə qarşı...



Həzrət Peyğəmbər (s) buyurur: Kim sədo (sudab) yesə başgicəllənməsi aradan qalxar.

 

İybilməni gücləndirmək üçün...



Həzrət Peyğəmbər (s) buyurur: Kimin qoxu bilmə qabiliyyəti zəifsə mərzinquş yesin. Bu iybilməni gücləndirir.

 

Xəstəliklərə qarşı duz...



Həzrət Peyğəmbər (s) buyurur: Allah-Taala Həzrət Musaya (s) vəhy etdi ki, yeməyə duzla başla və yeməyi duzla başa çatdır. Duzda yetmiş xəstəliyin dərmanı var, bu xəstəliklərin kiçiyi dəlilik, cüzam, ala, boğaz ağrısı, diş və qarın ağrısıdır.

 

Burunu qorumaq üçün...



Dəstəmaz aldığınız zaman burnunuza azca su çəkin və geri qaytarın... Həzrət (s) buyurur: Kim yuxudan oyanıb dəstəmaz alsa üç dəfə burnuna su alıb qaytarsın. Çünki şeytan burunda yuva qurar.

 

Cinsi yaxınlıqdan sonra...



Həzrət Peyğəmbər (s) buyurur: Cinsi yaxınlıqdan sonra sidiyə gedib qüsl verməsən kanalda qalan məni çarəsiz xəstəliyə səbəb olar.

Dərhal qüsl!

Həzrət Peyğəmbər (s) buyurur: Kişi üçün məkruhdur ki, möhtəlim olandan sonra qüsl verməmiş yaxınlıq etsin. Möhtəlim olandan sonra qüslsüz yaxınlıq etsə və dünyaya dəli övlad gəlsə yalnız özünü məzəmmət etsin.

 

Təzə gəlin ilk həftədə...



Həzrət Peyğəmbər (s) buyurur: Ey Əli! Təzə gəlinə ilk həftədə süd, sirkə, kişniş, turş alma vermək olmaz. Çünki bunları yediyi zaman uşaqlığı soyuyar, sonsuz olar. Sirkə içsə iltihab yaranar və heç vaxt kamil paklanmaz. Kişniş heyz qanı gətirər, doğuşu çətinləşdirər. Turş alma heyz qanının qarşısını alar, xəstəlik yaradar.

 

Heyz vaxtı qadağa...



Həzrət Peyğəmbər (s) buyurur: Kim zövcəsi ilə heyz vaxtı yaxınlıq etsə və övladı cüzam ya ala vəziyyətdə dünyaya gəlsə yalnız özünü məzəmmət etsin... Həzrət (s) buyurur: Ey mənim ümmətim! Allah sizin üçün 24 şeyi bəyənməyib və qadağan edib. Bunlardan biri heyz zövcə ilə yaxınlıqdır. Bu halda uşaq dünyaya xəstə vəziyyətdə gəlsə müqəssir özüdür.

 

Sidik gələn zaman...



Həzrət Peyğəmbər (s) buyurur: Bayıra çıxmağı gələn adam bu işi görməmiş yaxınlıq etsə babasil yaranar. Sidiyi gələn halda yaxınlıq edən şəxsin dişinin dibi və məxrəcində xəstəlik yaranar.

 

Sünnət lazımdır?



Allah-Taala dost adlandırdığı Həzrət İbrahimə (s) İslam ayinlərini göndərdi. Ona bığı və dırnaqları qısaltmağı, bədən tüklərini qısaltmağı və sünnət etməyi göstəriş verdi... Həzrət (s) buyurur: Övladlarınızı doğulandan sonra yeddinci gündə sünnət edin. Bu paklıq yaradar, uşağı ətə-qana gətirər.

 

Görmə qabiliyyətini gücləndimək üçün...



Həzrət Peyğəmbər (s) buyurur: Daim Qurana baxan insan nə qədər ki, həyatdadır gözləri görəcək... Həzrət (s) buyurur: Qurana baxmaqla onu oxuyanın görmə qabiliyyəti qorunar.

 

Göbələk və göz...



Həzrət Peyğəmbər (s) buyurur: Göbələk behişt bitkilərindəndir. Göbələk suyu göz üçün faydalıdır... Göbələyin suyu gözə şəfa verər.

 

Heyva və göz...



Həzrət Peyğəmbər (s) buyurur: Heyva yeyin, bir-birinizə heyva bağışlayın. Çünki heyva gözü işıqlandırar, qəlbdə məhəbbət yaradar... Həzrət (s) buyurur: Heyva yemək gözün qaranlığını aradan qaldırar.

 

İmam Hüseynə (ə) tövsiyələr...



Həzrət Peyğəmbər (s) İmam Hüseynə (ə) buyurdu: Övladım arxan üstə yat ki, qarnın kiçik olsun. Suyu aram iç ki, ləzzət alasan. Sürmə çək ki, gözlərin işıqlansın. İki gündən bir bədəninə yağ çək ki, peyğəmbər sünnəsinə əməl etmiş olasan.

 

Yeməkdən əvvəl və sonra...



Yeməkdən əvvəl və sonra əlləri yumaq yoxsulluğu, qəm-qüssəni aradan qaldırır, gözlərə sağlamlıq verir.

 

Hamilə qadın üçün...



Həzrət Peyğəmbər (s) buyurur: Hamilə qadına kundur verin. Əgər bətindəki uşaq kundurla qidalansa ürəyi möhkəm, düşüncəsi güclü olar. Övlad oğlan olsa cəsarətli, qız olsa gözəl olar.

 

İlk dəfə xurma...



Həzrət Peyğəmbər (s) buyurur: Övladlarınızın ağzını xurma ilə açın. Həzrət Peyğəmbər (s) Həsənə beləcə xurma verdi...

 

Doğuşdan sonra...



Yeni doğmuş qadın üçün xurmadan, xəstə üçün baldan faydalı şey yoxdur... Həzrət (s) buyurdu: Yeni doğmuş qadının ilk yediyi şey xurma olsa yaxşıdır. Allah-Taala Məryəmə buyurdu ki, ağacın budağını silkələ, təzə xurma tökülsün... Yeddi ədəd Mədinə xurması, olmasa yeddi ədəd əyalət xurması yedirin. Allah buyurur ki, and olsun izzət və cəlalıma yeni doğmuş qadın xurma yesə övladı dözümlü olar.

 

Südün təsiri...



Həzrət Peyğəmbər (s) buyurur: Xəstə, gözü zəif qadını dayə tutmayın. Çünki südün təsiri var... Körpəyə ona süd verən qadının xüsusiyyəti sirayət edir.

 

Bədəndə alanın səbədi...



Beş şey bədəndə alaya səbəb olur: Cümə və çərşənbə günləri bədənə nurə çəkmək (tükü tökmək üçün), günəş altda qızmış su ilə dəstəmaz və qüsl, cünub halda nəsə yemək, heyz zövcə ilə yaxınlıq, tox ikən yemək.

 

Dəriyə təsirli...



Peyğəmbər (s) Həzrət Əliyə (ə) buyurdu: Duzdan istifadə et, duz cüzam, dəridə ala və dəlilik də daxil olmaqla 70 xəstəliyin dərmanıdır.

 

Dərini necə qorumaq?



Həzrət Peyğəmbər (s) buyurur: Hər bir müsəlman həftədə bir dəfə qüsl verməli, baş və bədənini yumalıdır... Hər tükün altda cənabət var, tükləri yuyun, dərini təmizləyin.

 

Yorğunluğa qarşı...



Bir yerə gedəndə həmin yerin soğanından yeyin. Gözünüz işıqlanar, tükləriniz təmizlənər, belinizin suyu artar, yerişiniz itiləşər, çöhrəniz açılar, yorğunluğunuz aradan qalxar.

 

Zökəm və dəri xəstəlikləri...



Həzrət Peyğəmbər (s) buyurur: İnsan bədənində iki mühüm damar var. Biri cüzama səbəb olan baş damarı, biri dəridə ala yaradan bədən damarı. Əgər baş damarında fəsad yaransa Allah zökəm xəstəliyi ilə onu sağaldar. Əgər bədən damarında fəsad yaransa Allah kurək xəstəliyi ilə onu aradan qaldırar. Buna görə də zökəm və kurək olanda Allaha şükür edin.

 

Bir daha ət və süd haqqında...



Həzrət Peyğəmbər (s) buyurur: Ət və süd bədəni ət-qana gətirər, sümükləri möhkəmləndirər. Eləcə də ət görmə və eşitmə qabiliyyətini artırar.

 

Babasilə qarşı...



Həzrət Peyğəmbər (s) buyurur: Babasil xəstəliyini aradan qaldırmaq üçün təzə ya quru əncir yeyin. Əncir cinsi qabiliyyəti artırar, soyuqdəyməni aradan qaldırar.

 

Meyvələrin zərərinə qarşı...



Həzrət Peyğəmbər (s) buyurur: Kim Allahın adı ilə meyvə yeməyə başlasa meyvə ona zərər yetirməz... Həzrət (s) buyurur: Kim bir növ meyvə yesə bu meyvədən ona zərər dəyməz.

 

Əti yuyun!



Həzrət Peyğəmbər (s) buyurur: Qardaşım İsa (s) bir şəhərdən ötüb keçirdi. Gördü ki, şəhər əhalisinin çöhrəsi sarı, göz hədəqəsi göydür. Onlar İsaya (s) xəstəliklərindən şikayətləndilər. Həzrət İsa (s) buyurdu: Dərmanınız öz əlinizdədir. Əti yumamış bişirib yeyirsiniz. Hansı ki, cənabəti olmayan bir şey yoxdur... Şəhər əhalisi həmin vaxtdan əti yumağa başladı. Bununla da xəstəliklər aradan qalxdı.

 

Duzu yaddan çıxarma...



Həzrət Peyğəmbər (s) buyurur: Yeməyə duzla başlayıb, onu duzla başa çatdırsan cüzam və ala da daxil oçmaqla 72 xəstəlikdən amanda qalarsan.

 

Allahın adı ilə başla!



Həzrət Peyğəmbər (s) buyurur: Allahın adını çəkmədən nə yesən xəstəliyə səbəb olar, bərəkəti olmaz.

 

Əllərinizi yuyun...



Həzrət Peyğəmbər (s) buyurur: Əlindən ət qoxusu gələn halda yatan özünü məzəmmət etsin... Yemək yeyəndən sonra yağlı əllərinizi yuyun...

Yağlı əllə yatıb xəstələnən şəxs özü müqəssirdir.

 

Evin bərəkətini artırmaq üçün...



Həzrət Peyğəmbər (s) buyurur: Yeməkdən əvvəl və sonra əlləri yumaq xəstəlikdən şəfaya, ruzidə bərəkətə səbəb olar... Kim evinin xeyir- bərəkətinin artmasını istəyirsə yemək yeməzdən öncə dəstəmaz alsın. Kim yeməkdən qabaq və sonra dəstəmaz alsa ruzusi artar, həyatında asayiş yaranar, bədəni bəlalardan amanda qalar... Yeməkdən qabaq və sonra əlləri yumaq yoxsulluq və qəm-qüssəni aradan qaldırar, gözləri qoruyar.

 

Acqarına su?



Həzrət Peyğəmbər (s) buyurur: Kim ac qarına su içsə gücü azalar.

 

Sınıq qab...



Həzrət Peyğəmbər (s) buyurur: Peyğəmbər (s) möminə iki qadağa qoyur: Qabın ağzının sınıq tərəfindən su içmək, içilən qabı üfürmək.

 

Qabın tutacağı...



Həzrət Peyğəmbər (s) buyurur: Qabın dəstəyi çirkab yığışan yerdir, həmin tərəfdən içməyin.

 

Yağlı yeməkdən sonra...



Yağlı xörəkdən sonra su içmək xəstəliyə səbəb olar... Yağlı xörək yeyib üstündən su içən adamın qarnında fəsad yaranar.

 

Yağlı ətdən sonra...



Əmirəlmöminin (ə) buyurur: Peyğəmbər ət yeyəndə su içməyə tələsməzdi... Bir şəxs Peyğəmbərdən (s) nə üçün ət yeyəndən sonra az su içdiyini soruşur. Həzrət (s) buyurur: Kim yağlı əti yeyib qurtarana qədər su içməsə təam ona ləzzətli olar.

 

Suyu başa çəkmək...



Həzrət Peyğəmbər (s) buyurur: Suyu aram için, birdəfəyə başınıza çəkməyin. Bu çiyərlərə zərərdir.

 

Suyu üfürmək...



Peyğəmbər (s) bir şey içəndə onu üfürməzdi. Nəfəs almaq istəyəndə qabı ağzından uzaqlaşdırardı.

 

Ac qalmaq zərərdir?



Həzrət Peyğəmbər (s) buyurur: Allah yanında o insanın məqamı üstündür ki, hamıdan çox aclıq cəksin, hamıdan çox düşünsün. Çox yeyib içən adam Allahın nəzərində mənfurdur... Həzrət (s) buyurdu ki, behişt qapısını ardıcıl döyün ki, qapı açılsın. Soruşduıar ki, necə? Həzrət (s) buyurdu ki, aclıq və susuzluqla! Həzrət (s) buyurur ki, oruc tutsanız sağlam olarsınız.

 

Aclığın dəyəri...



Əmirəlmöminin (ə) buyurur: Merac gecəsi Həzrət Peyğəmbər (s) Allaha müraciət etdi: Pərvərdigara! Məni sənə yaxınlaşdıran işlərə sövq et... Allah buyurdu: Gecəni gündüz, gündüzü gecə qərar ver. Həzrət (s) bunu necə etməli olduğunu soruşdu. Allah buyurdu: Namazı, yuxunu və aclığı özünə ruzi et. Ey Əhməd! And olsun izzət və cəlalıma ki, kim dörd iş görsə onu behiştə apararam: Dilini saxlasa və yalnız özünə aid işlər barədə danışsa, qəlbində vəsvəsəyə yol verməsə, hər zaman onu gördüyümü yadda saxlasa, aclıq gözünün nuru olsa. Ey Əhməd! Ey kaş aclığın ləzzətini, sükutun dadını biləydilər, aclıqdan irs aparaydılar! Peyğəmbər (s) soruşur ki, aclığın irsi nədir? Allah-Talla buyurur: Hikmət, qəlbi qorumaq, Allaha yaxınlıq, həmişə qəm, xalqa güvənməmək, haqqı demək, rifah ya çətinlikdə yaşamağa fərq qoymamaq. Ey Əhməd! Bilirsənmi bəndə mənə nə zaman yaxın olur? Ac ya səcdədə olanda!

 

Nə qədər az yesən...



Həzrət Peyğəmbər (s) buyurur: Kim yeməyindən azaltsa batini işıqlanar... Şeytanın əlindən qurtulmaq istəyən az ət və yağ yeməklə bədənini əritməlidir. Az yemək mələklərin hüzuruna, Allahın razılığını düşünməyə səbəb olur... Başqa məqamda buyurur: Az yemək, az içmək, nəfs istəkləri ilə mübarizə aparmaq şeytanı uzaqlaşdırar, insanı mələklərin himayəsində qərar verər... Evdəkilər az yesələr evin nuru artar... Dərmanların şahı az yeməkdir.

 

Çox yesən...



Həzrət Peyğəmbər (s) buyurur: İnsanın doldurduğu qablar arasında ən pis qab qarındır. İnsan bir neçə tikə ilə düz dayana bilər. Əgər nəfs istəyinə qalib gəlib yeməyə, içməyə və nəfəs almağa üçdəbir yer saxlasa xeyir görər... Həzrət (s) buyurur: Ümmətimin ən pisi o kəslərdir ki, rifah içində doğulublar, çeşidli xorəklər yeyiblər, çeşidli libaslar geyiblər, çeşidli miniklərə süvar olublar, həm də çox danışırlar... Buyurur: Qorxaq ürək, doymayan qarın, dəli şəhvət, dinin düşməni olan pis dostlardır... Başqa bir məqamda buyurur: Çox yemək və çox içməklə qəlbinizi öldürməyin. Qəlb əkin yeri kimidir, çox suvarılsa məhv olar... Buyurur: Çox yemək qəlbi öldürər, ibadətdə süstlük yaradar, öyüd-nəsihət eşitməyə mane olar... Kim çox yemək və çox içməyə adət etsə qəlbi daşlaşar. Həzrət (s) buyurur: Bir gün Cəbrail gözlənilmədən nazil oldu. Dedim ki, əvvəllər gəlmədiyin vaxt gəlmisən, məni qorxutdun. Cəbrail dedi: Ey Məhəmməd (s)! Allah səni bağışlayıb, nə üçün qorxursan?! Allah səni nə üçün seçib? Allah sənə bütlərə pərəstişi, şərab içməyi, pis danışmağı, insanlarla didişməyi, qadağan edib. Allah buyurur ki, Mənim üçün qarınqululuqdan xoşagəlməyən sifət yoxdur...

Salman Farsini qonaq çağırdılar. Bir qədər yeyib dayandı və dedi: Bəs edər. Peyğəmbər (s) buyurub ki, dünyanın ən tox adamı axirətin ən ac adamıdır. Dünya möminə zindan, kafirə behiştdir.

 

Xəstəyə diqqət...



Bir gün Peyğəmbər (s) bir xəstəni yoxlamaqa getmişdi. Soruşdu ki, ürəyin nə istəyir? Xəstə dedi ki, buğda çörəyi istəyirəm. Peyğəmbər (s) buyurdu ki, kimdə buğda çörəyi varsa ona versin. Sonra tövsiyə etdi ki, xəstəniz bir şey istəyəndə ona verin.

 

Sədəqə yaddan çıxmasın!



Həzrət Peyğəmbər (s) buyurur: Sədəqə bütün xəstəliklərin dərmanıdır. Xəstələrinizi sədəqə ilə sağaldın. Sədəqə xəstəlik və bəlaları üzaqlaşdırar.

 

Kəklikotu...



Həzrət Peyğəmbər (s) buyurur: Kəklikotu mədəni gücləndirir, bəlğəmi aradan qaldırır... Həzrət (s) buyurur ki, kəklikotu ləqvə deyilən xəstəliyin qarşısnı alınır. Ləqvə elə bir qəstəlikdir ki, insanın gicgahını boynuna tərəf əyir.

 

Əzxər otu...



Əzxər ətirli bir otdur, çubuqlarından bəzi şeylər də toxuyurlar. Meyvəsi olan əzxər də var. Rəngi qaradır, buğda kimi sümbülü olur. Həzrət Peyğəmbər (s) buyurur: Məkkədə heç bir ot-ələfi qırmaq olmaz. Əzxər istisnadır, çünki bu ot insanlara, onların evlərinə lazımdır.

Bitkişünaslar deyir ki, əzxər sidik gətirir, böyrək daşını əridir, mədə və qara ciyərdə yaraları yumşaldır. Ona ərəb ətiri də deyirlər. Hindlilər onu yeyir. Əzxərdən alınan yağ revmatizm xəstəliyinə xeyirlidir.

 

Esfəndin (üzərlik otu) möcüzəsi...



Zeyd ibn Əli ata babalarından nəql edir ki, Peyğəmbər (s) buyurur: Əgər əmr almış mələk onu bir yerə çatdırmasa, esfənd, onun budağı, yarpağı cücərməz. Onun yarpaq və dənlərində şəfa var, 70 xəstəliyə dərmandır. Onu kundurla birlikdə istifadə edin... Həzrət (s) buyurur: Kim qırx gün bir misqal esfəndi su ilə qəbul etsə qəlbində hikmət yaranar, 70 xəstəlikdən qurtular. Bu xəstəliyin kiçiyi cüzamdır.

 

Nar yeyin!



Həzrət Peyğəmbər (s) buyurur: Elə bir nar yoxdur ki, ondan behişdən bir dən olmasın. Mən onun bir dənəsini belə kənara qoymamaqda israrlıyam. Davud ibn Süleyman İmam Rizadan (ə) o da Peyğəmbərdən (s) nəql edir: Nar yeyin, onun hər giləsi mədəyə daxil olanda qəlb işıqlanır, şeytanı qırx gün bədəndən qovur... Həzrət Peyğəmbər (s) buyurur: Nar yeyənin qəlbi işıqlanar, vəsvəsə qırx gün ondan uzaq olar... İmam Sadiq (ə) ac qarına nar yeməyi tövsiyə edir.

 

Gözəl hədiyyə...



Əbuzər deyir ki, Həzrət Peyğəmbərə (s) əncir hədiyyə gətirmişdilər. Həzrət səhabələrinə əncir təklif edib buyurdu: Behiştdən bir meyvə gəldiyini deməli olsam deyərəm ki, bu meyvə əncirdir. Çünki tumu yoxdur. Əncir babasili sağaldır, başqa xəstəliklərə xeyirlidir... Həzrət (s) buyurur: Təzə və qurudulmuş əncir yeyin. O cinsi qabiliyyəti artırır, babasili sağaldır, soyuqluğa qarşıdır.

 

Bir gecə qızdırma...



İmam Sadiq (ə) İmam Baqirdən (ə), İmam Baqir İmam Səccaddan (ə), İmam Səccad İmam Hüseyndən (s), İmam Hüseyn İmam Əlidən (ə), İmam Əli (ə) də Peyğəmbərdən (s) nəql edir: Bir gecə qızdırmalı olmaq bir il günahın kəffarəsidir.

 

Süstlüyün çarəsi...



Həzrət Peyğəmbər (s) buyurur: Həzrət Nuh süstlük və zəiflikdən şikayətləndi. Allah-Taala buyurdu: Ey Nuh əti südlə bişir, ye. Mən onda güc və bərəkət qərar vermişəm.

 

Gözün zəifsə...



İmam Baqirin (ə) bele buyurduğu nqəl edilir: Peyğəmbərin (s) həyatı dövründə Əhli-beytdən (ə) kimin gözü zəifləsəydi Peyğəmbər (s) ona belə dua edərdi: “Pərvərdigara! Məni sevindir, eşitmə və görmədən bəhrələndir, onları varislərim üçün qərar ver, mənə zülm edənə qarşı yardımçı ol, qələbəyə çatdır.”

 

Göz üçün dərman...



Həzrət Əlinin (ə) belə buyurduğu nəql edilir: Bir gün Salman Farsi və Əbuzər Ğəffari göz ağrısından əziyyət çəkirdi. Peyğəmbər (s) onları yoxlamağa getdi. Həzrət (s) buyurdu: Allah sizə şəfa verənə qədər sol tərəf üstə yatmayın, xurma yeməyin.

 

Yuxuda qorxuya qarşı...



İmam Baqir (ə) buyrur: Yuxuda qorxan adam yatağa girəndə Fələq, Nas surələrini, ayətəl-kürsini oxusun... Peyğəmbər yatmazdan öncə ayətəl-kürsi oxuyardı. Həzrət (s) buyurur: Cəbrail mənə deyib ki, bir dəstə cin yatdığın zaman səni incitmək istəyir. Daim ayətəl-kürsi oxu. Həzrət Əli (ə) buyurur: Bir gün Həzrət Peyğəmbər (ə) məni çağırıb buyurdu: Ey Əli (ə) yatağa girəndə istiğfar et, mənə salavat göndər. Belə de: “Sübhanəllahi vəlhəmdulillahi və la ilahə illəllahu vəllahu əkbər, və la həvlə və la qüvvətə illa billahil-əliyyil-əzim.” “İxlas” surəsini çox oxu, Ayətəl-kürsiyə əhəmiyyət ver, onu tərk etmə. Onun hər sözündə 1000 bərəkət və min rəhmət var.

 

Xəstəlik və yoxsulluğa qarşı...



İsmail ibn Əbdül-Xaliq deyir: Səhabələrdən biri bir müddət Peyğəmbərin (s) görüşünə gəlmədi. Görüşə gəldiyi zaman Peyğəmbər (s) bunun səbəbini soruşdu. Həmin şəxs yoxsulluq və xəstəliyi səbəb göstərdi. Həzrət (s)nbuyurdu ki, xəstəlik və yoxsulluğu səndən uzaqlaşdıracaq bu duanı oxu: “La həvlə və la qüvvətə illa billahi təvəkkəltu ələl-həyyilləzi la yəmut, vəlhəmdu lillahilləzi ləm yəttəxiz vəlada və lən yəkulləhu şərikun fil mulki və ləm yəkulləhu vəliyun minəzzulli və kəbbirhi təkbira” (Allahdan başqa təsirli bir qüvvə yoxdur, daim sağ olana təvəssül edirəm, ona ölümün yolu yoxdur. Sitayiş o Allah üçündür ki, özünə övlad qərar verməyib, hökmünə şərik yoxdur, ona hami olmaz, o çox böyükdür). Çox çəkmədi ki, həmin səhabə bu duanı oxuyub yoxsulluq və xəstəlikdən xilas oldu.

 

Bəla və çətinliyə qarşı...



Həzrət Peyğəmbər (s) həzrət Əliyə (ə) buyurdu: Çətinliyə düşdüyün zaman bu duanı oxu: “Bismillahir-rəhmanir-rəhim, la həvlə və la qüvvətə illa billahil-əliyyil-əzim, Allahummə iyyakə nəbubu və iyyakə nəstəin” (Bağışlayan və mehriban Allahın adı ilə, varlıq aləmində Allahdan başqa təsirli qüvvə yoxudr. Pərvərdigara! Yalnız Sənə pərəstiş edirəm, yalnız səndən kömək istəyirəm).

 

Yatmazdan qabaq dua...



Həzrət Peyğəmbər (s) yatmazdan qabaq Ayətəl-kürsi oxuyar sonra belə dua edərdi: Pərvərdigara! Sənin adınla Sənə iman gətirdim. Tağut və azğınlardan üz çevirmişəm! Pərvərdiğara yuxuda və oyaq ikən məni qoru.

 

Süfrənin bərəkətli olması üçün...



Həzrət Peyğəmbər (s) süfrənin bərəkətli olması üçün belə dua edirdi: “Pərvərdigara! Çörəyimizə bərəkət ver, bizimlə ruzi arasında ayrılıq salma”.

 

Tədrisdən öncə dua...



Bir mövzuda dərsə başlamaq istəyən Peyğəmbərdən (s) nəql olunmuş bu duanı oxusa faydalanar: “Pərvərdigara! Pərvərdigara azmaqdan və azdırmaqdan Sənə sığınıram, büdrəməkdən və büdrətməkdən zülm etmək və zülmə düçar olmaqdan, nadanlığa düşməkdən və nadanlığa çəkməkdən Sənə panah aparıram. Pərvərdigara! Kim Sənin civarına baş əydisə başı uca oldu. Adların müqəddəsdir. Sənə sitayiş əzəmətlidir. Səndən başqası ibadətə layiq deyil. Bütün ehtiyaclarımı ödəyən Allah mənə bəs edər. Özümü Ona tapşırıram, bütün ehtiyac və hərəkətlər onun qüdrət əli altındadır. O uca və böyükdür. Pərvərdigara! Qəlbimi möhkəm və sabit qərar ver. Dilimdən həqiqəti cari et”.

 

Səfərdə qorunmaq üçün...


Yüklə 82,94 Kb.

Dostları ilə paylaş:
1   2   3




Verilənlər bazası müəlliflik hüququ ilə müdafiə olunur ©www.azkurs.org 2024
rəhbərliyinə müraciət

gir | qeydiyyatdan keç
    Ana səhifə


yükləyin