2.2. Manaviy marifiy ishlar :
Maktabda o'quvchilarning kitobxonlik hamda mutolaa madaniyatini shaklantirish orqali ularning ma'naviy dunyosini yuksaltirishga qaratilgan ishlar yo'lga qo'yilgan.
Shuningdek, ta'lim tizimida ommaviy, madaniy marifiy va sport-sog'lomlashtirish tadbirlari va turli musobaqalar o'tkazib boriladi.
Bundan tashqari o'quvchilarning bo'sh vaqtlarini mazmunli tashkil etish uchun o'qituvchilar fanlar bo'yicha to'garak faoliyatini yo'lga qo'yishgan.
8-dekabr o`zbekiston Respublikasi Konstitutsiyasining qabul qilinganligining 28- yilligi munosabati bilan maktab tarix fani o`qituvchilari Sarmanov .R. , Suyunov.A. va Turdiyeva .M. lar rahbarligida o`tkazilgan tadbirda qatnashdim. Tadbirda maktab o`quvchilari o`zlarining konstitutsiya va vatan haqidagi she`rlari va qo`shiqlari bilan barchaning ko`nglini xushnud etdi.
Tadbirni maktab direktori O.U.Uzoqova ochib berdi.
Shundan so`ng Tarix fani o`qituvchisi Sarmanov .R. o`zining konstitutsiya haqidagi qisqacha fikrini bildirdi va navbat o`quvchilarga berildi.
Asosan yuqori sinf o`quvchilari tadbirda faol bo`lishdi. 11- sinf o`quvchilari Ulaboyeva.F. va Abdurahmonova.D. lar tadbirda boshlovchilik qilishdi. Tadbirda o`quvchilar konstitutsiya moddalaridan namunalar keltirishdi va she`rlar aytishdi.
Ayniqsa, tadbirda Yosh musiqachilar to`garagi rahbari Mustanova Feruza opa o`zining shogirdlarini sahnaga chiqargani, ularning turli raqs va qo`shiqlari barchaga hush kayfiyat ulashdi.
Shuningdek, maktabda maktab kutubxonachilari tomonidan tashkillashtirilgan Kitob taqdimoti tadbiri ham bo`lib o`tdi. Unga maktab kutubxonachisi Amirova Shahlo rahbarlik qildi.
Bundan tashqari maktabda Adabiyot yashasa- millat yashaydi shiori ostida adabiyot kechasi ham bo`lib o`tdi. Unga maktab ona tili va adabiyot fani o`qituvchisi Sarmanova Nilufar rahbarlik qilib, fan o`qituvchisi Norboyeva Muhabbat hakamlik qildi. Tadbir musobaqa shaklida ikkita yettinchi va bitta oltinchi sinflar o`rtasida tashkillashtirildi. Tadbirda o`quvchilar she`rxonlik, sahna ko`rinishi, savol- javob shartlari orqali bellashishdi.
Musobaqada kichik bo`lsada 7- "a sinf o`quvchilari uddaburonlik qilib, yuqori ball bilan birinchilikni qo`lga kiritdi. Maktab rahbariyati ualrni faxriy yorliq va eatalik sovg`alari bilan taqdirlashdi.
Dostları ilə paylaş: |