Anbarlarda həyata keçirilən funksiyalardan biri də müxtəlif malverənlərdən daxil olan malların keyfiyyətinə nəzarətin təşkilidir. Bununla əlaqədar olaraq, anbarlarda saxlanılan malların keyfiyyət göstəricilərinin texniki şərtlərə və standart göstəricilərə uyğun olması vaxtaşırı yoxlanmalıdır.
Son illər elmi-texniki tərəqqinin son nailiyyətlərindən istifadə edilməsi və xarici iqtisadi əlaqələrin genişlənməsi nəticəsində idxalatdan daxil olan malların həcminin artması ilə əlaqədar olaraq malların keyfiyyətinin yaxşılaşdırılmasına xüsusi diqqət yetirilir. Bunu nəzərə alaraq ticarət anbarlarında daxil olmuş xalq istehlakı mallarının, o cümlədən yeni mal çeşidlərinin dövlət standartlarına və əhalinin tələbinə nə dərəcədə uyğun gəlməsinə nəzarət artırılmalıdır.
