O‟zbekiston respublikasi oliy va o‟rta maxsus ta‟lim vazirligi s. A. Usmanov
Yüklə 5,01 Kb. Pdf görüntüsü
|
|
Ikkinchi bobga doir masala
Avtomobillar 2-TXK ga (T-2 tashxislash bilan birgalikda) yuborishni rejalashtirish. Avtomobillarni TXK ga yuborishni rejalashtirish, AIBTB tomonidan yoki ishlab chiqarish texnika bo‘limi muhandisi tomonidan avtomobilning shaxsiy varaqasida aks etgan haqiqiy bosib o‘tgan yo‘li bo‘yicha amalga oshiriladi. Avtomobillarning shaxsiy varaqalaridagi ma‘lumotlarga, 2-TXK ning to‘g‘irlangan me‘yoriy davriyligi va hisob-kitob qilingan kunlik dasturiga asoslangan holda, avtomobillarni TXK ga yuborishdan uch kun oldin TXK ning reja-hisoboti bir necha nusxada tuziladi va har bir avtomobilga ta`mirlash varaqasi berilib, uning ―Nosozliklarning tashqi belgilari‖ bo‘limiga ―2-TXK hajmi‖ yoziladi. 2-TXK reja- hisobotining bir nusxasi, ta`mirlash varaqalari bilan birgalikda uch kun oldin nazorat texnika punkti mexanigiga beriladi; qolgan nusxalar T-2 mintaqasiga va 2-TXK uchastkasi ustasiga uzatiladi. Nazorat texnika punkti mexanigi haydovchi bilan birgalikda avtomobilni tashqi ko‘rikdan o‘tkazadi va sub‘ektiv nazorat natijasida aniqlangan tashqi nosozlik belgilarini ta`mirlash varaqasiga kiritadi. Odatda bular ko‘plab mayda nosozliklar, ya‘ni ―yuk bortining singan taxtasini almashtirish‖, ―qanot to‘siqchasini payvandlash‖, ―qanotni bo‘yash‖ va hokazolardan iborat bo‘lib, navbatdagi TXK ga qo‘shimcha ishlar sifatida tirkaladi (avtomobilni asosiy ish vaqtiga xalal bermaslik uchun). Ta`mirlash varaqasi haydovchining o‘zida qoladi va u reja asosida 2-TXK 114 dan ikki kun oldin ishdan so‘ng avtomobilni T-2 uchastkasiga olib boradi. Tashxislovchi-mexanik T-2 natijalari bo‘yicha tashxislash xaritasini to‘ldiradi va tashxislash paytida aniqlangan yashirin nosozliklarni ta`mirlash varaqasiga yozadi. Agar nosozlik T-2 uchastkasida tuzatilgan bo‘lsa, u haqdagi ma‘lumot, ta`mirlash varaqasining ―Haqiqatda bajarilgan ishlar‖ bo‘limiga, aks holda ―Nosozliklarning tashqi belgilari‖ bo‘limiga ―T-2‖ belgisi bilan yoki mos shifr bilan yozib qo‘yiladi. Shu bilan birgalikda T-2 uchastkasida nazorat texnika punkti mexanigi tomonidan aniqlangan nosozliklar tekshirib ko‘riladi va imkoni boricha tuzatiladi. T-2 paytida tuzatilgan nosozliklar ro‘yxati belgilab qo‘yiladi. To‘ldirilgan T-2 tashxislash xaritasi va ta`mirlash varaqasi ishlab chiqarishni boshqarish markaziga uzatiladi. Ishlab chiqarishni boshqarish markazi dispetcheri olingan axborotlarni o‘rganib, quyidagi qarorlardan birini qabul qiladi. 1. Agar aniqlangan joriy ta`mirlash hajmi harakat xavfsizligi va tejamkorlikka ta‘sir qilmasa hamda 2-TXK hajmining 20% dan oshmasa avtomobil ekspluatatsiyaga qaytariladi va grafikka mos holda ikki kundan so‘ng 2-TXK ga qaytadi, u erda 2- TXK brigadasi xizmat ko‘rsatish ishlarini amalga oshiradi va zarur ta`mirlash ishlarini bajaradi. 2. Agar aniqlangan joriy ta`mirlash hajmi jiddiy tarzdagi mehnat hajmiga ega bo‘lsa va uzoq muddatli turib qolish davomiyligini talab qilsa (agregatlarni almashtirish, yurish qismi, osmalarni murakkab ta`mirlash va hakazo), avtomobil dastlab joriy ta`mirlash mintaqasiga yuboriladi, so‘ngra esa belgilangan muddatda, belgilangan xizmat hajmi bilan 2-TXK ga yuboriladi. Joriy ta`mirlash mintaqasida bajarilgan barcha ishlar, ta`mirlash varaqasiga qayd etiladi. Shundan so‘ng grafikka mos holda avtomobil 2-TXK mintaqasiga keltiriladi va u erda xizmat ko‘rsatish va zarur joriy ta`mirlash bo‘yicha ko‘zda tutilgan ishlar bajariladi hamda harakat xavfsizligini ta`minlovchi uzellar bo‘yicha T-1 hajmidagi yakuniy nazorat-rostlash operatsiyalari o‘tkaziladi. 2-TXK mintaqasi ustasi TXK ning reja-hisobotiga belgi qo‘yadi, ta`mirlash varaqasiga esa bajarilgan zaruriy joriy ta`mirlashlar, sarflangan ehtiyot qismlar va materiallar haqidagi ma‘lumotlarni yozadi 115 hamda tashxislash xaritasiga T-1 tashxislash parametrlarining qiymatlari haqidagi axborotlarni kiritadi. Texnik nazorat bo‘limi nazoratchisi avtomobilga TXK va ta`mirlash bo‘yicha bajarilgan ishlarning sifatini va to‘la-tekisligini tekshiradi, o‘z belgisini qo‘yadi va ta`mirlash varaqasini, TXK reja-hisobotini hamda T-2 tashxislash xaritasini imzolaydi, so‘ngra ushbu hujjatlar (odatda smena oxirida) keyingi ishlov va tahlil uchun AIBTB ga uzatiladi. Yüklə 5,01 Kb. Dostları ilə paylaş:
|