Нахчыван Мухтар Республикасы Бястякарлар
Yüklə 1,99 Mb. Pdf görüntüsü
|
|
Bəstəkar Məmməd Məmmədov
Bəstəkar Məmməd Məmmədov da Naxçıvan musiqi həya- tında mühüm rol oynamış bir musiqiçidir. Onun fəaliyyəti əsasən uşaq və gənclər yaradıcıdığı ilə bağlı olmuşdur. O, uzun illər Naxçıvanda kütləvi musiqi tədbirlərinin keçirilməsində yaxından iştirak etmişdir. Onun yüksək təşkilatçılıq qabiliyyəti nəticəsində böyük həvəslə bir sıra uşaq müəssisələrində iş aparmış, Naxçıvanda truba və akkardeon siniflərinin açılmasının, vokal ansamblarının, xor kollektivlərinin yaradılmasının təşəbbüskarı olmuşdur. Məmməd Məmmədovun yaradıcılıq irsi çox zəngindir. Bəstə- karın istər iri həcmli əsərləri, istərsə də kiçik pyesləri melodik dili, harmoniyası ilə fərqlənir. Bu əsərləri dinləyən və təhlil edən hər bir musiqişünas Məmməd Məmmədovun özünəməxsus yaradıcılıq üsluba malik olmasını hiss edə bilər. Onun tamaşalara yazdığı 41 musiqi dərin, psixoloji və fəlsəfi məzmunu, süitaları forma zənginliyi, kamera instrumental əsərlərini, mahnı və romansları melodikliyi və ritmik xüsussiyyəti ilə diqqəti cəlb edir. 1 O, Cəlil Məmmədqluzadə adına Naxzçıvan Dövlət Musiqili Dram Teatrının kollektivi ilə gənc yaşlarından başlayaraq daim yaradıcılıq əlaqəsi saxlamışdır. Bu teatr üçün 30-dan artıq müxtəlif janrlarda yazılmış tamaşalara musiqi bəstələmişdir. Bəstəkar uzun müddət teatrın musiqi hissə rəhbəri vəzifəsində işləmişdir. O, Mirzə Fətəli Axundovun «Lənkaran xanının vəziri», Hüseyn Cavidin «Səyavuş», Bəxtiyar Vahabzadənin «Ədalət», Lope de Veqanın «Sevilya ulduzu», Andrey Qlobanın «Dağılmış piyalə», K.Qoldoninin «Mehmanxana sahibəsi», Hüseyn Razinin «Arxalı dağlar», Əliyar Yusiflinin «Vicdan əzabı», Əşrəf Qəmbərovun «İlan yuvasında fırtına», Həmid Arzulunun «İnam» və digər pyeslərə musiqi bəstələmişdir. Bu tamaşaların musiqiləri sonralar konsert salonlarında ifa edilərək, dinləyicilərin böyük rəğbətini qazanmışdır. Bəstəkarın yazdığı bir çox mahnılar, o cümlədən Hüseyn Razinin sözlərinə «Gənclik mahnısı», Müzəffər Nəsirlinin sözlərinə «Dostluq mahnısı», «Azərbaycanım», «Ana vətən», Kəmalə Ağayevanın sözlərinə «Olaydım mən», «Nəğmə çalır ürəyim» mahnıları 1980-ci ildə nəşr olunmuş «Naxçıvan təranələri» adlı not məcmüəsinə daxil edilmişdir. Məmməd Məmmədov kamera-instrumental musiqinin bir çox janrlarında da əsərlər yaratmışdır. Nəfəsli alətlər orkestri üçün marşlar, pyeslər, fortepiano üçün «Kiçik prelüdiyalar», klarnet və fortepiano üçün «Miniatürlər», «Qaytağı», truba və fortepiano üçün 1 Nazim Quliyev «Bəstəkar Məmməd Məmmədov». Bakı, 1998, s. 21 42 «Lirik rəqs», «Vals», xor üçün əsərlər, səs və fortepiano üçün mahnı romanslar buna parlaq misal ola bilər. Məmməd Məmmədov musiqi mədəniyyətimizi mətbuat səhifələrində, radio və televiziya vasitələri ilə daima işıqlandırmış, məqalələri, çıxışları ilə həmişə musiqiçilərimizi yaradıcılıqla məşğul olmağa çağırmışdır. Yüklə 1,99 Mb. Dostları ilə paylaş:
|