Sosial Psixologiya - Mühazirələr (az) 100521161548 051021211057-1
Sosializasiya funksiyası - isə liderin müəyyən keyfiyyətləri formalaşdırmaq və tərbiyə
etmək məqsədilə qrup üzvlərinə göstərdiyi təsirləri əks etdirir. Liderin istifadə etdiyi müsbət
və mənfi sanksiyalar da sosializasiya funksiyasına daxildir.
Rus psixoloji ədəbiyyatlarında rəhbər işçi ilə lider arasındakı fərqlər müəyyən
olunmuşdur:
1. Rəhbərlik rəsmi əsasda meydana çıxan, müxtəlif sosial təşkilat və təsisatlarda
məqsədyönlü xarakter daşıyan sosial prosesdir. Liderlik isə qrupdaxili şəxsiyyətlərarası
münasibətlər əsasında spontan surətdə əmələ gələn prosesdir, o təşkilatın əsasən psixoloji
səviyyəsini əks etdirir.
2. Rəhbərlik mikromühitin əsas tələbat və mənafeyinə müvafiq olaraq formalaşdırılır və
həyata keçirilir. Liderlik isə gizli bir proses kimi qrup və onun üzvlərinin tələbat və mənafeyinə
müvafiq surətdə meydana çıxır.
3. Rəhbərlik daha çox stabil xarakter daşıyır, onun sahəsi son dərəcə genişdir, müəyyən
subordinasiya və reqlament daxilində makromühitlə əlaqə saxlayır. Liderlik isə daha çox
