Mening ismim Asilbek G’ofurov. Men Navoiy Davlat Konchilik Instituti Iqtisodiyot yo’nalishi 1-kurs talabasiman. Bugungi kunda har bir sohada raqamli iqtisodiyot rivojlanib borayotgani sababli, o’qishim bilan parallel ravishda IT sohasini ham o’rganmoqchiman. Buning uchun mendan kuchli xohish va irodadan tashqari moliyaviy mablag’ ham talab etiladi. Shu sababli ushbu Registon stipendiyasi sohibi bo’lish niyatidaman. Ushbu stipendiya mening kelgusidagi o’qishim va kelajak karyeram uchun juda muhim, chunki bu g’oliblik menda o’zimga bo’lgan ishonchni va sohamni o’rganishga qaratilgan layoqatimni oshirishga ta’sir qiladi.
Bundan tashqari ushbu tanlov g’olibi bo’lishlik, kelgusidagi magistratura bosqichini xalqaro nufuzli oliygohlarda xususan Angliyaning London State Bank University da grant asosida o’qishimda sezilarli darajada yordam beradi. Mening asosiy maqsadim kelajakda mamlakatimizda raqamli iqtisodiyotni rivojlantirish va yoshlarni ushbu maqsad yo’lida birlashtirishdir. Registon stipendiyasi tanlovi g’olibi bo’lishlik esa ushbu maqsadlarimga erishishimdagi navbatdagi qadam hisoblanadi.
