Bandlik va mehnat munosabatlari vaziri Nozim Xusanov ishtirok etdi va nutq so‘zladi.
Vazir o‘z nutqida Prezident farmoni asosida har yili “Aholi bandligini ta’minlash va yangi ish o‘rinlarini tashkil etish bo‘yicha davlat buyurtmasi”ning qabul qilish mexanizmi va hududlarni ijtimoiy-iqtisodiy rivojlantirish asosida o‘tgan 4 yil davomida yaratilgan ish o‘rinlari to‘g‘risida to‘xtalib o‘tdi: “Bugungi globallashuv sharoitida yer yuzida tub o‘zgarishlar kechayotgan murakkab bir vaziyatda O‘zbekistonda ijtimoiy-iqtisodiy sohalarda shuningdek, aholi, ayniqsa xotin-qizlar, yoshlar bandligini ta’minlash, ishsiz fuqarolarni ijtimoiy himoya qilish borasida tizimli ishlar amalga oshirib kelinmoqda. O‘zbekiston Respublikasi Prezidenti va hukumatning aholi bandligi sohasida 47 ta hujjati qabul qilindi. Ushbu hujjatlardan ko‘zlangan maqsad mehnat resurslari, bandlik va aholini ishga joylashtirishni har tomonlama tahlil qilish, ijtimoiy muhofazaga muhtoj fuqarolarning bandligini ta’minlashga qaratildi”.
Harakatlar strategiyasi doirasida davriy amalga oshirilgan islohotlar bo‘yicha to‘plangan tajribalar, imkoniyatlar va istiqboldagi islohotlar imkoniyatlarini baholash va keng jamoatchilik fikrini va xalqaro e’tiroflarni tizimlashtirish maqsadida anjuman, simpozium va davra suhbatlari o‘tkazib kelinmoqda. Shunday anjumanlardan biri Toshkent davlat iqtisodiyot universitetida Vazirlik, idoralar va xalqaro ekspertlik markazlari, iqtisodchi olimlar hamkorligida an’anaviy xalqaro ilmiy-amaliy onlayn konferensiya o‘tkazib kelinmoqda.
Ushbu konferensiya tarixan qisqa davrni o‘z ichiga qamrab olgan mazkur strategik dasturning joriy yilda har bir sohadagi erishilgan yutuqlari sarhisobi va istiqboldagi vazifalar muhokamasi va xalqaro va mahalliy ekspertlar tajribalarini almashish maydoni sifatida ham xizmat qilmoqda.
