Kontrasepsiya turlari

HOMILADORLIKDAN SAQLOVCHI TABLETKALAR (YAʼNI TABLETKA)
Bu oral kontratseptivning shakli, uning tarkibida tuxumdonlar tomonidan tuxum hujayralarini ajratilishini bartaraf etuvchi progesteron va estrogen gormonlar mavjud. Ushbu turdagi kontratseptiv ham spermatozoidlar "suzmasligi" uchun bachadon boʻynidagi shilimshiq tiqinni qalinlashtiradi va endometriyni (siklingiz kunlari) ingichkalashtiradi, shuning uchun tuxum hujayrasi urugʻlansa ham, u bachadonga yopishib ololmaydi. T

Tabletkalar bosqichma-bosqich va toʻgʻri qabul qilinganida, ular har kuni bir vaqtda qabul qilinishi va oʻtkazib yuborilmasligi shartida, juda samarali vosita hisoblanadi. Agar siz kasal boʻlib qolib, shifokor sizga qandaydir dorilarni buyuradigan boʻlsa, uni oral kontratseptivlarni qabul qilayotganingiz borasida ogohlantiring.

Ehtiyot boʻling! Tabletkalar sizga shunchaki homilador boʻlmaslikka yordam beradi, lekin JYYuIlardan yoki OIV, xlamidioz, gonoreya yoki gerpes kabi JYYuQlardan himoya qilmaydi.

Lekin ularni qabul qilishdan bir nechta afzalliklar mavjud. Ushbu tabletka kontratseptiv kabi taʼsir qilishidan tashqari u quyidagi holatlarda yordam berishi mumkin:

• 
  Menstruatsiyani yengilroq
  qiladi (ajoyib!)
  
• 
  Menstruatsiyani kamroq ogʻriqli
  qiladi (ikki barobariga ajoyib!)
  
• 
  Menstruatsiyani yana ham
  muntazam qiladi (uch barobariga ajoyib!)
  

Lekin shuni tushunish lozimki, homiladorlikdan saqlovchi tabletkalarni (yoki inʼektsiyalarni) qabul qila turib siz organizmingizni maʼlum nojoʻya samaralarning paydo boʻlish xavfiga duchor qilasiz, shuning uchun, ushbu kontratseptiv muntazam koʻrikdan oʻtish sharti bilan shifokoringiz yoki klinika orqali buyurilishi muhim.

Paydo boʻlishi mumkin boʻlgan nojoʻya samaralar:

• 
  Vaznni ortishi
  
• 
  Kelajakda bepushtlikning yuqori xavfi
  
• 
  Saraton rivojlanishining yuqori xavfi