4 — pol shtreki; 5 — rudatushirgich; 6 — asosiy tashish shtreki; 7 — anker mustahkamlagich; 8 , 9 — yordamchi lahimlar; 10 — tutashtirma; 11 — burg‘ilash aravachasi; 12 — yuklash-eltish mashinasi. Sidirg‘asiga qazish tizimining texnik-iqtisodiy ko‘rsatkich- lari boshqa tizimlarga nisbatan ancha yuqori bo‘lsa-da, bu tizimda ruda yo‘qotilishi yuqori bo‘lib, 25—30% ni tashkil
qiladi. Qalinligi 5 m dan katta, rudasi hamda atrof jinslari mustahkam bo‘lgan o‘ta qiya ruda yotqiziqlarini qazib olishda nimqavat lahimlar (shtrek yoki ort) orqali rudani massivdan ajratib olishga asoslangan kamerali qazish tizimi (3.10-rasm) qo‘llaniladi (ayrim manbalarda bu tizimni nimqavat shtreklar tizimi deb ham yuritiladi).
Bloklarni qazishga tayyorlash qavat tashish shtreki va blok ko‘tarilmalarni o‘tishdan iborat bo‘ladi. Ko‘tarilmalar har 6—8 m da nimqavat shtreklar bilan tutashtiriladi. Kamerada rudani massivdan ajratib olish qalinligi 1,5—2,0 m bo‘lgan vertikal tiliklar (qatlamchalar) ko‘rinishida burg‘ilab-portlatish yordamida bajariladi.
