|
Elə hadisələr vardır ki, onlar üçün mümkün və əlverişli hallar sayı sonsuzdur və ya onların sayından danışmaq mümkün deyildir. Belə ehtimal məsələlərini həll etmək üçün həndəsi ehtimal anlayışı verilir.
Tutaq ki, müstəvi üzərində bir σ oblastı və onun daxilində yerləşən Q oblastı verilmişdir (ş:1). σ oblastına atılmış nöqtənin onun hissəsi olan Q oblastının daxilinə düşməsi ehtimalını tapmalı. Bu məsələni ehtimalın klassik tərifi vasitəsilə həll etmək mümkün deyildir. Çünki bu halda mümkün hallar σ oblastının nöqtələri çoxluğu, əlverişli hallar isə Q oblastının nöqtələri çoxluğu olar. Onlar isə sonsuz saydadır. Buna görə də göstərilən hadisənin ehtimalını hesablamaq üçün hadisə üçün əlverişli hallar sayının mümkün hallar sayına
nisbətini götürmək olmaz. Belə məsələləri həll etmək üçün ehtimalın həndəsi tərifindən istifadə edilir. Bu tərifi vermək üçün qəbul etmək lazımdır ki, σ oblastına atılan nöqtənin Q oblastına düşməsinin P(Q) ehtimalı həmin oblastın ölçüsü (sahəsi) ilə mütənasib olub, onun formasından və tutduğu yerdən asılı deyildir.
Onda, P(Q)=μ ∙sahə Q
olar. Burada Q= σ qəbul etdikdə, P(σ)=1 olmasına əsasən
1= μ ∙sahə σ, μ = 1
sahə σ
olur.
P(Q)= mes Q
mes σ
(2)
|
