Kirish. “Jahon adabiyoti” fanining predmeti va mazmuni

ANTIK DAVR YUNON ADABIYOTI

Reja:

1. 
   Qadimgi yunon adabiyoti haqida.
   
2. 
   Xal og’zaki ijodining yunon yozma adabiyotiga ta’siri. Homer dostonlari.
   
3. 
   “Illiada” va “Odessiya” dostonlarining syujeti va badiiyati.
   
4. 
   Dramaning paydo bo’lishi. Esxel, Sofokl dramaturgiyasi.
   
5. 
   “Shoh Edip” asarining tragik xususiyatlari va asar mohiyati.
   
6. 
   Attika davri yunon adabiyoti.
   

Qadim qadim zamondan taxminan bundan 2007-2008-yillar muqaddam yevropa tuprog’idagi kichkina mamlakatlardan biri – Yunonistonda yozma badiiy ijodning

dastlabki namunalari yuzaga kela boshlaydi. Yunonistonda tug’ilib, keyinchalik yuksak kamolot bosqichiga ko’tarilgan bu adabiyot eramizdan avvalgi III asrda Rim madaniyatining barpo etilishida, tarkib topishida ham katta o’rnak bo’ldi. yer yuzidagi ana shu ikki qadimiy xalq yaratgan madaniyat, san’at va adabiyot antik madaniyat, antik adabiyot deb ataladi.

Lotin tilidagi «antik» (antiques) so’zining ma’nosi «qadimgi» demakdur. Qadimgi zamon yozuvchilari asarlarning jozibasi yolg’iz ularning nozik latofatida, yuksak badiiy mahoratida bo’lgan emas. Antik adabiyot shu adabiyotni yaratgan xalqning his- tuyg’ulari, orzu-umidlarining ifodasi ham bo’lgan. Madaniyat osmoni endigina yorishib kelayotgan o’sha uzoq o’tmishda yunon-rim xalqlari qo’li bilan qurilgan ulug’vor, ko’rkam va jozibador madaniyat qasrlari asrlar to’foniga, zamonlar sinoviga bardosh berib, hanuz mag’rur bosh ko’tarib turibdi.