O‘quv faoliyati natijalari: 1 Jahon mamlakatlarida geotermal stansiyalarning o‘rnatilgan quvvatlari va ularda ishlab chiqarilgan elektr energiyaning ulushi haqida bilib oldilar.
2.Geotermal elektr stansiyalarida birlamchi energiya manbasihaqida bilib oldilar.
O‘qitish metodlari:
Kichik axborotli ma’ruza, hikoya, tushuntirish, kitob bilan ishlash, aqliy hujum, B/BX/B
O‘qitish vositalari
Darslik, yozuv taxtasi, slaydlar, noutbuk, ko’rgazmali qurollar, test kartochkalari.
16-Mavzu: Geotermal energiyadan foydalanish masshtablari va ularning atrof-muhitga ta’siri Reja: Jahon mamlakatlarida geotermal stansiyalarning o‘rnatilgan quvvatlari va ularda ishlab chiqarilgan elektr energiyaning ulushi
Geotermal elektr stansiyalarining jahonda eng katta hisoblangan guruhi AQSHning Kaliforniya shtatidagi Geyzerda joylashgan. 2004-yilda beshta davlat – Salvador, Keniya, Filippin, Islandiya va Kosta-Rika davlatlari o‘zlarining ehtiyojlari uchun sarflangan elektr energiyaning 15% dan ortiq bo‘lgan qismini geotermal elektr stansiyalarida ishlab chiqardi.
Naknek elektr assotsiatsiyasi Janubiy-G‘arbiy Alyaskadagi Qirol Salmon punkti yaqinida geotermal energiya asosida elektr stansiyasi ishlab chiqarish bo‘yicha o‘ziga xos revolyutsiyani amalga oshirishni rejalashtirgan. Unga muvofiq ishlab chiqaruvchi elektr energiyasining narxi bunday tipdagi stansiyalardagiga nisbatan 71%ga past bo‘lgan 25 MVt quvvatli geotermal stansiyani qurish rejalashtirilgan.
Hozirgi davrda jahonning bir qator mamlakatlarida geotermal elektr stansiyalarini loyihalash va qurish bo‘yicha ishlar yuqori jadallikda olib borilmoqda. 4.1- jadvalda geotermal energiya asosida elektr energiyasi eng ko‘p ishlab chiqariluvchi mamlakatlarda uning 2007–2010-yillardagi taraqqiyoti va umumiy elektr energiya ishlab chiqarishdagi ulushi keltirilgan.
