Educational Research in Universal Sciences issn: 181-3515 volume

---

Educational Research in Universal Sciences
ISSN: 2181-3515 VOLUME 1 | ISSUE 4 | 2022
 
 
https://t.me/Erus_uz Multidisciplinary Scientific Journal September, 
2022 
352
 
 
QADIMGI XORAZMNING ANTIK DAVRDAGI SHAHARLARI TARIXI 
(QO‘RG‘OSHINQAL’A MISOLIDA) 
 
Baxtiyarov Sirojbek Ilxombek o‘g‘li 
Ma’mun-Universiteti nodavlat ta’lim muassasasi 
“Tarix va psixologiya” kafedrasi o‘qituvchisi 
E-mail: 
[e-mail]
 
 
ANNOTATSIYA 
Ushbu maqolada Xorazmning antik davrdagi shaharlaridan biri hisoblangan 
Qo‘rg‘oshinqal’a haqida so‘z yuritiladi. Qo‘rg‘oshinqal’a haqida olimlarning 
tadqiqotlari mazmuni bayon etilgan. 
Kalit so‘zlar: Xorazm vohasi, Miletlik Gekatiy, Xorasmiya, antik davr, Baqtriya, 
Qo‘rg‘oshinqalʼa, Bozorqalʼa, Jonbosqalʼa, Аyozqalʼa, Burliqalʼa, Sug‘d, S.P.Tolstov, 
Y.G‘. G‘ulomov, proteyxizma, Katta Qirqqiz, pandus. 
Xorazm vohasi inson yashagan qadimgi hududlardan birisi hisoblanadi. Xorazm 
hududi haqidagi ilk ma’lumotlar zardushtiylarning muqaddas kitobi bo‘lmish “Avesto” 
da va Behistun qoyalari yozuvida ham ma’lumotlar uchraydi [1, б.10]. 
Antik davr mualliflaridan biri bo‘lgan Miletlik Gekatiy asarida ham Xorazm 
haqida ma’lumotlar mavjud. Uning asarida Xorazm nomi Xorasmiya shaklida 
uchraydi. U Xorasmiyani parfiyaliklardan sharqda joylashgan Xorasmiya viloyatidagi 
yagona shahar sifatida ta’kidlab o‘tgan [2]. 
Xorazm vohasi Turon past tekisligining markazida Qoraqum va Qizilqum 
cho‘llarining oralig‘ida, respublikamizning shimoli-g‘arbiy qismida, Amudaryoning 
quyi oqimida joylashgan bo‘lib, Amudaryo keltirgan allyuvial yotqiziqlardan tashkil 
topgan madaniyat maskanlaridan biridir. 
Xorazm vohasi antik davr shaharlari tarixi nihoyatda qiziqarli. Antik mualliflar 
asarlarida qadimgi Xorazm qal’alari to‘g‘risida deyarli ma’lumotlar uchramaydi. 
Baqtriya bilan Sug‘d mudofaa inshootlari to‘g‘risida Aleksandr yurishilari tarixi bilan 
bog‘liq ma’lumotlarga ega bo‘lganimiz bilan, lekin Xorazmning antik davr shaharlari 
tarixi haqidagi ma’lumotlar bizga mavhumligicha qolmoqda [1, б.10]. 
Mil. avv. V—IV asrlar bo‘sag‘asida, ahamoniylar davlati tarkibidan chiqqach, 
Xorazm jamiyatining urbanizatsiyalashuvi jarayoni boshlandi, ko‘plab shahar 

---