Dinləyici kateqoriyası: Həyata keçirilmə forması

Praktik işlər



Formativ qiymətləndirmə



Özünüqiymətləndirmə



Fəallıq



Fərdi tapşırıqlar



Qrup tapşırıqları

Müdavimlərin təlim məşğələlərində fəallığı, praktik, fərdi, qrup tapşırıqlarını yerinə yetirməsi və “Günün qiymətləndirilməsi” sorğu vərəqəsindəki nəticələri hər məşğələnin sonunda (təlim proqramının mövzuları üzrə) 1-5 ballıq sistemlə qiymətləndiriləcək. Nəticələr təlimçi tərəfindən təhlil olunacaq. Hər beş meyarın (fəallıq + praktik iş + fərdi tapşırıq + qrup tapşırıqları + özünüqiymətləndirmə) cəminin ədədi ortası üzrə alınan qiymət müdavimin həmin məşğələ üzrə nəticəsi olaraq təlimçi tərəfindən qeydə alınacaq. Həmin nəticə müdavimə elan olunacaq. Müdavimin hər məşğələ üzrə nəticəsi yekunda “Müdavimlərin qiymətləndirilməsi nəticələrini əks etdirən cədvəl”də formativ qiymətləndirmə nəticəsi olaraq öz əksini tapacaqdır.

Yekun (summativ) qiymətləndirmə: Təlimlərin sonunda müdavimlərin yekun qiymətləndirilməsi Azərbaycan Respublikasının Təhsil İnstitutu tərəfindən keçirilir. Yekun (summativ) qiymətləndirmə 30 sualdan ibarət qapalı tipli (situativ tapşırıqlar daxil olmaqla) əsasında aparılacaq. Yekun (summativ) qiymətləndirmə balı 30 tapşırığa görə maksimum 30 bal olaraq hesablanacaq.
Müdavimlərə sertifikatların verilməsi: Yekun qiymətləndirmə nəticələri əsasında müdavimlərin topladığı bal və təhsil krediti (6 akademik saat = 1 təhsil krediti) göstərilməklə ixtisasartırma təhsili haqqında dövlət nümunəli sertifikat verilir. Bu proses Azərbaycan Respublikasının Təhsil İnstitutu tərəfindən aparılacaqdır.
Qeyd 1: Təlim müddətinin 70%-dən çoxunda iştirak etməyən müdavimlər yekun qiymətləndirməyə buraxılmayacaq və həmin müdavimlərə sertifikat verilməyəcək.