5. Ticarət seminarlarının keçirilməsi - Satıcı-fırmanı mütəxəssisləri alıcı-fırmanın əməkdaşları üçün tədris seminarları təşkil edirlər. Seminarlarda yeni texniki nailiyyətlər və yeni əmtəələr haqqında ətraflı məlumat verilir, əmtəələrin istifadə imkanları və onların istismarının mütərəqqi üsulları nümayiş etdirilir.
Fərdi satış bir çox məsələlərin həllində əhəmiyyətli üstünlüklərə malikdir. Belə ki, şəxsi satış üsullarının həyata keçirilməsı qərarının qəbul edilməsinin son mərhələlərində tətbiq olunması daha böyük səmərə verir. Tədqiqatçıların məlumatlarına görə, istehsal təyinatlı əmtəələrin reallaşdırılmasında marketinq kommunikasiyalarının bu forması daha böyük əhəmiyyət kəsb edir və daha geniş yayılmışdır.
