dəyişikliklər baş verir.birinci halda ağacın fiziki-mexaniki xassələri dəyişmir, lakin
onun rəngi dəyişir. Belə göbələklərə ağacrəngləyən göbələklər deyilir. İkinci qrup
göbələklərə isə ağacdağıdan göbələklər deyilir. Bu zaman oduncağınçürüməsi
30
müşahidə edilir. Oduncaqda iki cür çürümə müşahidə edilib: korroziya və
destruktiv. Birinci halda oduncağın tərkibində olan liqninin miqdarı azalır,
sellülozada heç bir dəyişkənlik olmur. İkinci halda isə proses tam əksinə gedir.
Göbələk zədələnmələrindən oduncaqda aşağıdakı çrümələr baş verir.
Nüvə çürüntüsü – bu qüsur ağacdağıdan göbələklərin hesabına yaranır. Bu
halda oduncağın möhkəmliyi və bərkliyi azalır, onun normal quruluşu və rəngi
dəyişir. Öz növbəsində kötüküstü və gövdə nüvə çürüntüsünə bölünür. Kötüküstü
çürüntü kötüklərdə və ya gövdənin kötük hissəsinin zədələnən yerlərində əmələ
gəlir. O, tədricə gövdə boyu yuxarıya doğru hərəkət edərək artır. Gövdə çürüntüsü
isə qırılmış budaqlardan başlayaraq aşağı və yuxarı arta bilər.
Üst oduncaqlı göbələk rəngləmələri – bu qüsur rəngləyici göbələklər hesabına
əmələ gəlir. Onlar kəllə və yan səthlərdən radius boyu materialın daxilinə yayılır
və üst oduncağın bütün qalınlığı boyu zədələyərək, onun rəngini bütövlükdə və
qismən dəyişir. Bu nöqsan oduncağın görünüşünü pisləşdiri, yapışqanları və lak-
boya örtüklərini dağıda biliir.
Dostları ilə paylaş: 
