AZƏrbaycan respublikasinin müvafiq qanunveriCİLİYİNİN
Yüklə 0,64 Mb. Pdf görüntüsü
|
- Bu səhifədəki naviqasiya:
- “İnformasiya əldə etmək haqqında” Azərbaycan Respublikasının Qanunu Maddə 29. İnformasiya sahibinin informasiyanı açıqlamaq vəzifəsi
- - (qismən uyğun gəlir) . Maddə 37. İnformasiyanın xidməti istifadə üçün nəzərdə tutulmuş hesab edilməsinə
- “Əhalinin sağlamlığının qorunması haqqında” Azərbaycan Respublikasının Qanunu Maddə 11.
|
Şərh: Tütün məmulatının qablaşdırılması və markalanması tütünlə mübarizə sahəsində səmərəli rol oynaya biləcək vasitələrdən biridir. Bu məqsədlə tütün məmulatları elə qablaşdırılmalıdır ki, onlar tütünün sağlamlığa vurduğu zərər barədə məlumatı ehtiva etsin. Çərçivə Konvensiyanın tütün məlumatlarının qablaşdırılması və markalanmasına dair 11-ci maddəsi dövlətlərin tütün məmulatlarının qablaşdırılmasında tütünlə mübarizənin səmərəli təmin olunmasını həyata keçirə bilmələri üçün bir sıra tələblər irəli sürür. Həmin tələblərə əsasən qablaşdırma və markalanmada aşağıdakılar nəzərə alınmalıdır: -
“Xarici qablaşdırma və markalanma” termini tütün məmulatının pərakəndə satışda istifadə olunan istənilən qablaşdırılmasını və markalanmasını əhatə edir; -
olunmamalıdır; -
Son istifadə tarixi göstərilməməlidir; -
Qablaşdırma və markalanmada tütünün sağlamlığa vurduğu zərər barədə xəbərdarlıq öz əksini tapmalıdır. Xəbərdarlıq yazısının mətni ilə də əlaqədar bəzi tələblər irəli sürülür ki, onlar bir qədər aşağıda nəzərdən keçiriləcək.
25 “Xarici qablaşdırma və markalanma” Konvensiyanın 11.4-cü maddəsinə əsasən “xarici qablaşdırma və markalanma” termini tütün məmulatının pərakəndə satışda istifadə olunan istənilər qablaşdırılmasında və markalanmasında tətbiq olunur. Azərbaycan Respublikasının qanununda bu ifadə “tütün məmulatı qutusu” olaraq qeyd olunur ki, bu tütün məmulatlarının qutudan başqa digər qablaşdırılmasının (məsələn, tütün kisələri, şəffaf bükmə, qələmdan formasında qutu və s.) əhatə olunmasını məhdudlaşdırır. Ancaq Çərçivə Konvensiyasının 11-ci maddəsinin həyata keçirilməsinin Rəhbər Prinsiplərinə əsasən dövlətlər tütün məmulatlarının onların yurisdiksiyasında olan çox müxtəlif növ qablaşdırılmalarının geniş başa düşülməsini təmin etməlidirlər. 48 Əhəmiyyətlidir ki, Dövlət Standartında “tütün məmulatlarının istehlak tarası” terminindən istifadə olunur ki, onun növü olaraq müxtəlif materiallardan hazırlanan müxtəlif konstruksiyalı qablaşdırma (paçka, qutu, boks, blok və s.) göstərilir. Bu termin və onun tərifi Konvensiyanın müvafiq maddəsinə uyğun gəlir. Müvafiq olaraq, “Tütün və tütün məmulatı haqqında” Qanunda “tütün məmulatı qutusu” ifadəsinin Dövlət Standartında istifadə olunan “tütün məmulatının istehlak tarası” ifadəsi və ya “tütün məmulatı qutusu və qablaşdırma qutusu” ifadəsi ilə dəyişdirilməsini tövsiyə edirik. Yanlış təsəvvür yaradan ifadələrdən istifadə olunmaması 11-ci maddənin 1-ci bəndinin (a) yarımbəndinə əsasən tütün məmulatlarının qablaşdırılması və markalanması elə tərtib olunmalıdır ki, qutunun üzərində əks olunmuş hər hansı ifadə, təsvir, ticarət markası, obraz və ya digər işarə bir tütün məmulatının digər tütün məmulatından az zərəli olması barədə birbaşa və ya dolayı yanlış təsəvvür yaratmasın. Konvensiya belə yanlış təsəvvür formalaşdıran vasitələr sırasına “aşağı qatran faizli”, “çox yüngül” və ya “yumşaq” kimi terminlərin istifadə olunmasını da daxil edir. Qeyd edək ki, Azərbaycan Respublikasında əksər siqaret qutularının üzərində əks olunmuş “LSS – tütün tüstüsünün iyinin azaldılması Tütün tüstüsünün iyinin azaldılmasına kömək edən yeni texnologiya LSS less smoke smell” ifadəsi Konvensiyanın 11.1(a)-ci maddəsinin pozulmasıdır və aşkar surətdə həmin ifadədən istifadə edərək müəyyən tütün məmulatlarının digərindən daha az zərərli olması kimi yanlış təəssürat yaradılır. Əhəmiyyətlidir ki, Konvensiyanın müvafiq tələbi Dövlət Standartının 5.1.4.5-ci bəndində öz əksini tapıb: "Çəkilən tütün məmulatlarının markalanması müəyyən tütün məmulatının digərlərindən daha az ziyanlı olduğu haqqında yanlış təsəvvür yaratmamalı, yəni markalanmada “qatranların miqdarı aşağıdır”, “yüngül”, “çox yüngül” və ya “yumşaq” və s. terminlər olmamalıdır.” Amma təəssüf ki, bu tələb praktikada düzgün tətbiq olunmur. Son istifadə tarixi göstərilməməlidir Öz növbəsində Rəhbər Prinsiplərdə qeyd olunur ki, “tütün məmulatlarından istifadənin istənilən vaxt təhlükəsiz olması nəticəsinə gələrək istehlakçıların aldandığı və ya yalan
48 Yenə orada. 26 məlumatlandığı hallarda Tərəflərə tütün məmulatlarının qablaşdırılmasında və markalanmasında yararlılıq müddətinin sona çatma tarixinin göstərilməsinin qarşısını almaq lazımdır.” 49 Azərbaycan Respublikasında istehsal olunan siqaret qutularında son istifadə tarixi göstərilməsə də, Azərbaycan Respublikasına idxal olunan siqaret qutularında son istifadə tarixi göstərilir ki, bu qeyd olunan maddəyə ziddir. Rəhbər Prinsiplərdə də izah olunduğu kimi son istifadə tarixinin göstərilməsi istehlakçıda göstərilən son istifadə tarixinə qədər tütündən istifadənin zərərsiz və ya daha az zərərli olacağı kimi yanlış təsəvvür formalaşdırır. 50 Hesab edirik ki, “Tütün və tütün məmulatı haqqında” Qanunun 13.3-cü maddəsində tütün məmulatının hər qutusunun üstündə “məhsulun istehsal olunduğu tarixin göstərilməsi” tələbi çıxarılmalıdır. Fikrimizcə bu müddəa son istifadə tarixinin göstərilməsini şərtləndirir və Çərçivə Konvensiyasının tələblərini tam əks etdirmir. Onu da qeyd edək ki, Dövlət Standartının 5.2.1-ci bəndinə əsasən tütün məmulatının hazırlandığı ay və il tütün məmulatları qablaşdırılmış yeşiyin üzərində həkk olunmalıdır. Rəhbər Prinsiplərdə siqaret qutularında deyil, ümumilikdə tütün məmulatlarının qablaşdırılması və markalanmasında son istifadə tarixinin göstərilməməsinin tövsiyə olunduğunu nəzərə alaraq hesab edirik ki, Dövlət Standartının 5.2.1-ci bəndi də Konvensiyaya qismən uyğundur. Tütünün sağlamlığa zərəri barədə xəbərdarlıq Konvensiyanın 11-ci maddəsinin 1-ci bəndinin (b) bəndi tütün məmulatının hər bir qutusunun və ümumi qablaşdırma qutusunun üzərində tütündən istifadənin sağlamlığa vurduğu zərəri təsvir edən xəbərdarlıq əks etdirilməlidir, eləcə də buna dair digər məlumatlar da qutunun üzərində göstərilə bilər. Konvensiya həmin xəbərdarlıq və məlumatların qutunun üzərində əks olunması üçün aşağıdakı tələbləri irəli sürür: -
-
Xəbərdarlıq yazısının mətni vaxtaşırı dəyişdirilərək istifadə olunmalıdır; -
Xəbərdarlıq yazısı qablaşdırmanın əsas görünən hissəsinin 50%-ni və ya daha çox hissəsini tutmalıdır; heç bir halda əsas görünən hissəsinin 30%-dən az hissəsini tutmamalıdır; -
-
Xəbərdarlıq yazısında rənglərdən və şəkillərdən istifadə olunması daha yaxşı nəticələr verir; -
Qablaşdırmanın üzərindəki yazılar ərazisində satışa çıxarıldığı dövlətin əsas dilində olmalıdır.
49 Yenə orada. 50 Bu tələblə bağlı eləcə də bax: “Tütün məmulatının müvafiq komponentləri və onlardan ayrılan məhsullar barədə informasiya” bölümü.
27 Xəbərdarlıq yazısının mətni səlahiyyətli dövlət orqanı tərəfindən təsdiq olunmalıdır “Tütün və tütün məmulatı haqqında” Qanunun 13.2-ci maddəsinə əsasən “tütün məmulatının istehlakının insanların səhhətinə zərəri haqqında xəbərdarlıq yazısının mətni müvafiq icra hakimiyyəti orqanı tərəfindən müəyyən edilir”. Bu müddəa Konvensiyanın yuxarıda qeyd olunan tələbini tam əks etdirir. "Tütün və tütün məmulatı haqqında" Azərbaycan Respublikası Qanununun tətbiq edilməsi barədə Azərbaycan Respublikası Prezidentinin 3 sentyabr 2001-ci il tarixli 573 nömrəli Fərmanına əsasən həmin müvafiq icra hakimiyyəti orqanı Azərbaycan Respublikasının Səhiyyə Nazirliyidir. Xəbərdarlıq yazısının mətni vaxtaşırı dəyişdirilərək istifadə edilməlidir Rəhbər prinsiplər bu tələbin iki növ dəyişdirilməni əhatə etdiyini vurğulayır. Eyni vaxtda sağlamlığa zərər haqqında bir-neçə xəbərdarlıq və məlumatın mövcud olması və hamısından istifadə edə bilmək imkanı; müəyyən vaxt müddətindən sonra xəbərdarlıq və məlumatın məzmununun dəyişdirilməsi. Azərbaycan Respublikasının müvafiq qanunvericiliyində bu tələbi əks etdirən müddəa yoxdur. Yerləşdirmə Çərçivə Konvensiyasının 11-ci maddəsinə əsasən tütünün zərəri haqqında məlumat qutunun əsas görünən hissəsinin 50%-ni və ya daha çox hissəsini tutmalıdır; heç bir halda qutunun əsas görünən hissəsinin 30%-dən az hissəsini tutmamalıdır. “Tütün və tütün məmulatı haqqında” Qanunun 13.2-ci maddəsinə əsasən “siqaret qutusunun yan tərəflərinin birində aydın, seçilən (kontrast), qalın hərflərlə, silinməsi mümkün olmayan tərzdə çap olunmalı, hər hansı nəşr materialı və ya təsvirlə örtülməsinə, gizlədilməsinə, qutunun açılması zamanı zədələnməsinə və ya arası kəsilməsinə yol verilməməlidir”. Eləcə də Dövlət Standartına əsasən istehlak tarasının üzərindəki informasiyada “siqaret çəkməyin ziyanı haqqında, çəkilən tütün məmulatlarının ... istehlak tarasının hər bir böyük trəfinin sahəsinin 30%-ini tutan, “Siqaret çəkmək Sizin sağlamlığınıza ziyan vurur” xəbərdarlıq yazısı” 51 olmalıdır: - Göründüyü kimi bu tələb Çərçivə Konvensiyasına uyğundur. Bununla belə, xəbərdarlığın qablaşdırmanın üzərində tutduğu yerin artırılmasını, 50% və ya daha çox müəyyən edilməsini daha məqsədəmüvafiq hesab edirik. Eləcə də müvafiq müddəa “Tütün və tütün məmulatı haqqında” Qanunda da öz əksini tapmalıdır. Konvensiyanın 11-ci maddəsinin həyata keçirilməsinin Rəhbər Prinsiplərdə qeyd olunur ki, müvafiq xəbərdarlıq və məlumatın yerləşdirilməsi və tərtib üsulu “maksimal görünüşü təmin etməlidir”. Eləcə də Rəhbər Prinsiplər araşdırmalara əsaslanaraq onu da vurğulayır ki, “belə xəbərdarlıq və məlumatlar qutuların üz və əks tərəfinin alt hissəsindən daha çox üst hissəsində daha görünən olur. Rəhbər Prinsiplər müvafiq xəbərdarlıq və məlumatın dövlətlərdən aşağıdakı şəkildə yerləşdirilməli olmasının tələb olunmasını bildirir:
51 Bax: Dövlət Standartı, Bənd 5.1.1.9 və 5.1.2. 28 “- qablaşdırılmanın əksər növlərinin üz tərəfinin istehlak üçün daha görünüşlü olduğunu nəzərə alaraq, sağlamlıq üçün zərər haqqında xəbərdarlıqların və məlumatların böyük görünüşünü təmin etmək üçün hər bir ayrıca qutu və qablaşdırılmanın yalnız bir tərəfində deyil, üz tərəfində olduğu kimi əks tərəfində də (və ya ikidən çoxdursa, bütün əsas üz tərəflərində); - görünüşü artırmaq üçün əsas markalanmış səthin aşağı hissəsindən daha çox əsas markalanmış səthdə, xüsusilə yuxarı səthdə; və - beləliklə qablaşdırılmanın adi qaydada açılması zamanı sağlamlığa zərər haqqında xəbərdarlığın mətni və ya təsviri pozulmasın və ya örtülməsin.” Dövlət Standartının 5.1.3.2 və 5.1.2.3-cü bəndlərində göstərilir ki, “Siqaret çəkməyin ziyanı haqqında xəbərdarlıq yazısı fərdi istehlak tarasının böyük tərəflərinin aşağı hissəsində, taranın aşağı qırağına mümkün qədər yaxın yerləşdirilməlidir. Siqaret çəkməyin ziyanı haqqında xəbərdarlığın mətni ağ fonda, qalınlığı 1 mm olan qara rəngli çərçivənin içərisində qalın, qara Helvetika şrifti ilə çap olunmalıdır. Şriftin ölçüsü xəbərdarlıq yazısının müəyyən edilmiş çərçivədə yerləşdirilməsinin mümkünlüyü nəzərə alınmaqla maksimal olmalı, yazı aydın və asan oxunan olmalıdır”. Bu müddəa Çərçivə Konvensiyasının tələblərinə uyğundur. Bununla belə, “Tütün və tütün məmulatı haqqında” Qanunun 13.2-ci maddəsində xəbərdarlığın qutunun “yan tərəflərinin birində” yerləşdirilməsi tələbi Konvensiyaya uyğun
hissəsində” ifadəsi ilə əvəz olunmalıdır. Böyük, aydın, görünən və asan oxunan olmalıdır Qanunun 13.2-ci maddəsində xəbərdarlıq və məlumatın “aydın, seçilən (kontrast), qalın hərflərlə, silinməsi mümkün olmayan tərzdə çap olunmalı, hər hansı nəşr materialı və ya təsvirlə örtülməsinə, gizlədilməsinə, qutunun açılması zamanı zədələnməsinə və ya arası kəsilməsinə yol verilməməlidir” müddəası Konvensiyanın bu tələbinə uyğun gəlir. Qeyd edək ki, Qanunun 13.1-ci maddəsinə əsasən “Azərbaycan Respublikasının ərazisində istehsal edilən və dövriyyəyə buraxılan tütün məmulatı qutularının tərtibatı beynəlxalq standartların tələblərinə cavab verməlidir.” Bu maddə Qanunun Konvensiyanın tələblərini tam və ya heç əks etdirməyən müddəalarının Azərbaycan Respublikasında tütün məmulatı qutularının tərtibatı zamanı nəzərə alınmalı olmasının labüd edir. Rəng və şəkillər Çərçivə Konvensiyasının 11-ci maddəsinin həyata keçirilməsinin Rəhbər Prinsiplərində qeyd olunur ki, ağ-qara təsvirlərdən fərqli olaraq rəngdən istifadə edilməsi sağlamlığa zərər haqqında xəbərdarlıqların və məlumatların illüstrasiya edilmiş elementlərinin ümumi görünüşünə təsir edir. Ona görə də Tərəflərə sağlamlığa zərər haqqında xəbərdarlıqların və məlumatların illüstrasiya edilmiş ağ-qara elementlərinin çapından daha çox tam rəngli (dörd 29 rəngli) olmasını tələb etmək lazımdır. Tərəflər sağlamlığa zərər haqqında xəbərdarlıqların və məlumatların mətn elementlərinin görünüşünü gücləndirmək və oxunuşunu maksimum həddə çatdırmaq üçün fon və mətnin ziddiyyətli rənglərini seçməlidirlər. Bu tələb Azərbaycan Respublikasının qanunvericiliyində öz əksini tapmır.
Konvensiyanın 11.3-cü maddəsi tütünün insan sağlamlığına vurduğu zərər haqqında xəbərdarlıq və digər məlumatlar dövlətin əsas dilində olmasını tələb edir. Azərbaycan Respublikasının Qanununun 13.1-ci maddəsi və Dövlət Standartının 5.1.4.1-ci bəndi bu tələbə uyğun gəlir. Qanuna əsasən Azərbaycan Respublikasının ərazisində istehsal edilən və dövriyyəyə buraxılan tütün məmulatı qutularının üzərindəki “yazılar Azərbaycan dilində çap edilməlidir.” Dövlət standartında da istehlak tarasının üzərindəki informasiyanın Azərbaycan Respublikasının dövlət dilində olması tələbi öz əksini tapır.
-
məmulatı qutusu” ifadəsi “tütün məmulatı qutusu və qablaşdırma qutusu” və ya Dövlət Standartında istifadə olunmuş “tütün məmulatının” istehlak taraşı ”ifadəsi ilə əvəz edilməlidir; -
“Tütün və tütün məmulatı haqqında” Qanunda tütün məmulatlarının qablaşdırılmasında yanlış təsəvvür yaradan ifadələrdən istifadə edilməsi qadağan edilməlidir; -
Dövlət Standartının 5.1.4.5-ci bəndinin praktikada düzgün tətbiq olunması təmin olunmalıdır; -
Qanunvericilikdə tütün məmulatı qutusu və qablaşdırma qutusunda son istifadə tarixinin göstərilməsi qadağan olunmalı, eləcə də 13.3-cü maddədə göstərilən məhsulun istehsal olunduğu tarixin göstərilməsi tələbi çıxarılmalıdır; -
Qanunvericilik tütün məmulatının qablaşdırılması zamanı istifadə olunan xəbərdarlıq yazısının mətninin vaxtaşırı dəyişdirilərək istifadə edilməsi tələbini əks etdirməlidir; -
“Tütün və tütün məmulatı haqqında” Qanunda “xəbərdarlıq yazısının tütün məmulatı qutusunun və ya qablaşdırma qutusunun əsas görünən hissəsinin 50%-ni və ya daha çox hissəsini tutması, heç bir halda qutunun əsas görünən hissəsinin 30%-dən az hissəsini tutmamalıdır” tələbi öz əksini tapmalıdır; -
Dövlət Standartında xəbərdarlıq yazısının qablaşdırma qutusunda 30% yerinə 50% və ya daha çox yer tutması ilə əvəz olunması tövsiyə olunur. -
Qanunvericilik tütünün sağlamlığa zərəri barədə xəbərdarlığın rəngli və şəkillərlə tərtib olunması tələbini əks etdirməlidir.
30 2.5. Tütün sənayesinə dair informasiyanın əlçatanlığı və ictimai iştirakçılıq Çərçivə Konvensiyası Maddə 12 . Maarifləndirmə, informasiyanın ötürülməsi, əhalinin hazırlanması və məlumatlandırılması Hər bir Tərəf müvafiq hallarda bütün mümkün informasiya ötürmə vasitələrindən istifadə etməklə, tütünə qarşı mübarizə məsələləri barədə əhalinin məlumatlandırılması sistemini möhkəmləndirir və dəstəkləyir. Bu məqsədlə Tərəflərdən hər biri aşağıdakı məsələlərdə yardımçı olmağa yönəlmiş səmərəli qanunverici, icra, inzibati və digər tədbirlər görür və həyata keçirir: (a) tütündən istifadənin və tütün tüstüsünün, ona adətkarlıq da daxil olmaqla, sağlamlıq üçün təhlükəsi barədə əhalinin maarifləndirilməsi və məlumatlandırılmasına dair proqramlara geniş yol açılmasına; (b) 14.2-ci Maddədə göstərildiyi kimi, tütündən istifadənin və tütün tüstüsünün sağlamlıq üçün təhlükəli olması, eləcə də tütündən istifadəyə son qoyulmasının, tütünsüz həyat tərzinin üstünlükləri barədə əhalinin məlumatlandırılmasına; (c) tütün sənayesi haqqında bu Konvensiyanın məqsədlərinə aid ən müxtəlif informasiyanın milli qanunvericiliyə uyğun şəkildə əhali üçün əlçatan olmasına; (d) səhiyyə işçiləri, icmalardakı işçilər, sosial sahə əməkdaşları, kütləvi informasiya vasitələrinin peşəkar işçiləri, müəllimlər, qərar qəbul edən şəxslər, rəhbər işçilər və digər müvafiq şəxslər üçün nəzərdə tutulan proqramlara - tütünə qarşı mübarizəyə hazırlıq üzrə səmərəli və lazımi proqramlara və ya məlumatlılığın yüksəldilməsi və maarifləndirmə proqramlarına; (e) tütünə qarşı mübarizə sahəsində sektorlararası proqramların və strategiyaların işlənib hazırlanması və həyata keçirilməsi barədə tütün sənayesi ilə bağlı olmayan dövlət və özəl müəssisələrin və qeyri-hökumət təşkilatlarının məlumatlandırılmasına və onların bu işlərdə iştirakına; (f) tütün istehsalı və tütündən istifadənin insanların sağlamlığına mənfi təsiri, həmçinin bunun mənfi iqtisadi və ekoloji nəticələri ilə bağlı əhalinin məlumatlandırılmasına və bu məlumatların insanlar üçün əlçatan olmasına. “Tütün və tütün məmulatı haqqında” Qanun Maddə 11. Tütün məmulatının tərkibində olan inqrediyentlərin açıqlanması 11.4. Müvafiq icra hakimiyyəti orqanı istehsalçılardan məhsulun tərkibində olan inqrediyentlər barədə məlumatları istehlakçılara təqdim etməyi tələb edə və ya özü çatdıra bilər. - (qismən uyğun gəlir). 31 “İnformasiya əldə etmək haqqında” Azərbaycan Respublikasının Qanunu Maddə 29. İnformasiya sahibinin informasiyanı açıqlamaq vəzifəsi 29.1. İnformasiya sahibi cəmiyyətin maraqlarını daha asan və daha operativ şəkildə təmin etmək, çoxnömrəli informasiya sorğularını azaltmaq məqsədi ilə malik olduğu, ictimai vəzifələrin yerinə yetirilməsi nəticəsində yaradılmış, yaxud əldə olunmuş aşağıdakı informasiyaları açıqlamalıdır: 29.1.1. ümumiləşdirilmiş statistik məlumatlar ... ; 29.1.7. ictimai funksiyaları yerinə yetirən hüquqi şəxslərin rəhbər orqanlarında çalışanların adları və soyadları, elektron poçt ünvanları; 29.1.12. ictimai funksiyaları yerinə yetirən hüquqi şəxslərin fəaliyyətinə dair hesabatlar, onların gəlirləri və xərcləri barədə məlumatlar; 29.1.14. ətraf mühitin vəziyyətinə, ətraf mühitə ziyan vurulmasına və təhlükəli ekoloji təsirlərə dair məlumatlar; 29.1.24. ictimai funksiyaları yerinə yetirən hüquqi şəxslərin, həmçinin, normativ hüquqi aktlarla və ya müqavilə əsasında təhsil, səhiyyə, mədəniyyət və sosial sahələrdə xidmət göstərən özəl hüquqi və fiziki şəxslərin bu funksiyaların yerinə yetirilməsi ilə bağlı malik olduqları informasiyalar; 29.1.25. əmtəə bazarında hökmran mövqe tutan, xüsusi və ya müstəsna hüquqa və yaxud təbii inhisara malik olan hüquqi şəxslər malların və xidmətlərin təklif edilməsi şərtlərinə və onların qiymətlərinə, həmin şərtlərdə və qiymətlərdə dəyişikliklərə aid informasiyalar - şərtlərin təklif edilməsinə və ya həmin şərtlərdə və qiymətlərdə dəyişiklik edilməsinə azı 30 gün qalmış; ... - (qismən uyğun gəlir). Maddə 37. İnformasiyanın xidməti istifadə üçün nəzərdə tutulmuş hesab edilməsinə qoyulan məhdudiyyətlər 37.1. Bu Qanunun 9.1-ci maddəsində göstərilən informasiya sahibləri aşağıdakı informasiyaları xidməti istifadə üçün nəzərdə tutulmuş hesab edə bilməzlər: 37.1.5. ekologiyanın, səhiyyənin, demoqrafiyanın, təhsilin, mədəniyyətin, iqtisadiyyatın, o cümlədən nəqliyyatın və kənd təsərrüfatının, habelə cinayətkarlığın vəziyyəti haqqında; 37.1.6. informasiya sahibinin fəaliyyəti haqqında hesabatlar, o cümlədən vəzifələrin yerinə yetirilməsinin keyfiyyəti və buraxılan nöqsanlar barədə; 37.1.20. informasiya sahibinin mülkiyyəti və mülkiyyət öhdəlikləri haqqında; 37.1.22. istehlakçıların qanuni maraqlarının müdafiəsi ilə bağlı olaraq malların və xidmətlərin keyfiyyəti haqqında; 37.1.24. ətraf mühitə, insanların sağlamlığına təsir edən və ya təsir edə biləcək fəaliyyət nəticəsində ətraf mühitin komponentlərində baş verən və ya baş verə biləcək dəyişikliklər, onların qiymətləndirilməsi, ətraf mühitin mühafizəsi və səmərəli istifadəsinə yönəldilmiş tədbirlər və xərclər barədə; - (qismən uyğun gəlir). 32 “Əhalinin sağlamlığının qorunması haqqında” Azərbaycan Respublikasının Qanunu Maddə 11. Sağlamlığa təsir göstərən amillər haqqında vətəndaşların məlumat almaq hüququ Vətəndaşların sağlamlığa təsir göstərən amillər haqqında müntəzəm və düzgün məlumat almaq hüququ vardır və bu məlumatlar vətəndaşlara kütləvi informasiya vasitələri ilə, yaxud bilavasitə onların sorğularına əsasən müvafiq icra hakimiyyəti orqanı tərəfindən verilir. İnsanların həyat və sağlamlığı üçün təhlükə törədən faktları və halları gizlədən vəzifəli şəxslər qanunvericilikdə müəyyən edilmiş qaydada məsuliyyətə cəlb edilirlər. - (uyğun gəlir). Yüklə 0,64 Mb. Dostları ilə paylaş:
|