Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
Azərbaycan Respublikası Səhiyyə Nazirliyi
kollegiyasının 29 mart 2010-cu il tarixli
04 saylı qərarı ilə təsdiq edilmişdir
SİFİLİS XƏSTƏLİYİNİN
LABORATOR DİAQNOSTİKASI ÜZRƏ
KLİNİK PROTOKOL
Bakı - 2010
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
55.81
S 57
S 57 Sifilis xəstəliyinin laborator diaqnostikası üzrə klinik
protokol. – 32 səh.
2
Klinik protokol Azərbaycan Respublikası Səhiyyə
Nazirliyinin səhiyyə islahatları çərçivəsində ictimai
səhiyyə kadrlarının hazırlanması üzrə Tədbirlər Proqramı
əsasında tərtib edilmişdir.
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
3
Klinik protokolun redaktoru:
C.Məmmədov – Səhiyyə Nazirliyi İctimai Səhiyyə və İslahatlar
Mərkəzinin direktoru
Klinik protokolun tərtibçilər heyəti:
R.İsmayılov – Bakı Şəhər Dəri-Zöhrəvi Dispanserinin baş
həkimi, t.e.n.
M.İsmayılova – Ə.Əliyev adına Azərbaycan Dövlət Həkimləri
Təkmilləşdirmə İnstitutunun Dermatovenerologiya
kafedrasının assistenti
L.Qafarov – İctimai Səhiyyə və İslahatlar Mərkəzinin İlkin
səhiyyənin təşkili şöbəsinin müdiri
Rəyçi:
Z.Fərəcov – Səhiyyə Nazirliyinin baş mütəxəssisi, Azərbaycan
Tibb Universitetinin Dermatovenerologiya kafedrasının müdir
əvəzi, professor, ə.e.x., t.e.d.
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
4
Sübutların etibarlılıq dərəcəsi və elmi tədqiqatların tipləri
Sübutların
etibarlılıq
dərəcəsi
Sübutların mənbələri
(elmi tədqiqatların tipləri)
Ia
Sübutlar meta-analiz, sistematik icmal və ya
randomizasiya olunmuş klinik tədqiqatlardan (RKT)
alınmışdır
Ib
Sübutlar ən azı bir RKT-dən alınmışdır
IIa
Sübutlar ən azı bir yaxşı planlaşdırılmış, nəzarət edilən,
randomizasiya olunmamış tədqiqatdan alınmışdır
IIb
Sübutlar ən azı bir yaxşı planlaşdırılmış kvazi-
eksperimental tədqiqatdan alınmışdır
III
Sübutlar təsviri tədqiqatdan (məsələn, müqayisəli,
korrelyasion tədqiqatlar, ayrı-ayrı halların öyrənilməsi)
alınmışdır
IV
Sübutlar ekspertlərin rəyinə və ya klinik təcrübəyə
əsaslanmışdır
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
5
Tövsiyələrin etibarlılıq səviyyəsi şkalası
Tövsiyənin
etibarlılıq
səviyyəsi
Tövsiyənin əsaslandığı sübutların etibarlılıq
dərəcəsi
A
•
RKT-lərin yüksək keyfiyyətli meta-analizi,
sistematik icmalı və ya nəticələri uyğun
populyasiyaya şamil edilə bilən, sistematik səhv
ehtimalı çox aşağı olan (++) irimiqyaslı RKT.
•
Sübutların etibarlılıq dərəcəsi Ia.
B
•
Kohort və ya klinik hal - nəzarət tipli tədqiqatların
yüksək keyfiyyətli (++) sistematik icmalı, yaxud
•
Sistematik səhv riski çox aşağı olan (++) yüksək
keyfiyyətli kohort və ya klinik hal - nəzarət tipli
tədqiqat, yaxud
•
Nəticələri uyğun populyasiyaya şamil edilə bilən,
sistematik səhv riski yüksək olmayan (+) RKT.
•
Sübutların etibarlılıq dərəcəsi Ib və IIa.
C
•
Nəticələri uyğun populyasiyaya şamil edilə bilən,
sistematik səhv riski yüksək olmayan (+) kohort və
ya klinik hal - nəzarət tipli və ya nəzarət edilən,
randomizasiya olunmamış tədqiqat, yaxud
•
Nəticələri uyğun populyasiyaya bilavasitə şamil
edilə bilməyən, sistematik səhv riski çox aşağı olan
və ya yüksək olmayan (++ və ya +) RKT.
•
Sübutların etibarlılıq dərəcəsi IIb.
D
•
Klinik hallar seriyasının təsviri, yaxud
•
Nəzarət edilməyən tədqiqat, yaxud
•
Ekspertlərin rəyi.
•
Yüksək səviyyəli sübutların mövcud olmamasının
göstəricisidir.
•
Sübutların etibarlılıq dərəcəsi III və IV.
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
6
İxtisarların siyahısı:
DNT
– dezoksiribonuklein turşusu
ELISA
–
Enzyme-linked Immunosorbent Assay
(immunoferment analizi)
XBT-10
– Xəstəliklərin Beynəlxalq Təsnifatı, 10-cu baxış
İFA
– immunoferment analizi
İFR
– immunoflüoressensiya reaksiyası
İgG
– immunoqlobulin G
İgM
– immunoqlobulin M
İİV
– insan immunodefisiti virusu
MPR
–
mikropresipitasiya
reaksiyası
PHA
–
Passive hemagglutination assay (passiv
hemaqqlütinasiya reaksiyası)
PZR
– polimeraz zəncir reaksiyası
RKT
– randomizasiya olunmuş klinik tədqiqat
RPR
–
rapid plasma reagin test (sürətli plazma reaginləri
testi)
TPHA
–
T. pallidum haemagglutination assay (T. pallidum
hemaqqlütinasiya reaksiyası)
TRUST
–
Toluidin Red Unheated Serum Test (toluidin
qırmızısı və qızdırılmamış zərdab testi)
VDRL
–
Venereal Disease Research Laboratory test
ÜST
– Ümumdünya Səhiyyə Təşkilatı
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
7
Protokol həkim-dermatoveneroloqlar, seroloji laboratoriyalarda
çalışan həkim-laborantlar üçün nəzərdə tutulmuşdur.
Pasiyent qrupu: sifilis xəstəliyi olan və ya bu xəstəliyə şübhəli
olan böyük və uşaq yaşlı şəxslər.
Protokolun məqsədləri:
►
Diaqnostik metodları şərh etməklə, ilkin tibbi yardım
səviyyəsində bu metodların tətbiqini həyata keçirmək.
►
Dövlət tibb müəssisələrində və özəl sektorda aparılan laborator
diaqnostik metodların düzgün yerinə yetirilmə qaydalarını və
ardıcıllığını təmin etmək.
ÜMUMİ MÜDDƏALAR
Sifilis – insanın infeksion xəstəliyi olub, solğun treponem
(Treponema pallidum) tərəfindən törədilir. Xəstəlik çox zaman cinsi
yolla keçir və dalğavarı gedişlə xarakterizə olunur, bu zaman kəskin
dövrlər uzun müddətli gizli dövrlərlə əvəz olunur.
Sifilis anadangəlmə və qazanılmış ola bilər.
XBT-10 ÜZRƏ TƏSNİFAT
A50 Anadangəlmə sifilis
A50.0 Simptomlu erkən anadangəlmə sifilis.
A50.1 Gizli erkən anadangəlmə sifilis.
A50.2 Dəqiqləşdirilməmiş erkən anadangəlmə sifilis.
A50.3 Gözlərin gecikmiş anadangəlmə sifilislə zədələnməsi.
A50.4 Gecikmiş anadangəlmə neyrosifilis (yuvеnil neyrosifilis)
A50.5 Gecikmiş anadangəlmə sifilisin simptomlu digər formaları.
A50.6 Gecikmiş gizli anadangəlmə sifilis.
A50.7 Gecikmiş dəqiqləşdirilməmiş anadangəlmə sifilis.
A51 Erkən sifilis
A51.0 Cinsi orqanların birincili sifilisi
A51.1 Anal dairənin birincili sifilisi.
A51.2 Digər lokalizasiyalı birincili sifilis.
A51.3 Dəri və selikli qişaların ikincili sifilisi.
A51.4 İkincili sifilisin digər formaları.
A51.5 Erkən gizli sifilis.
A51.9 Erkən dəqiqləşdirilməmiş sifilis
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
8
A52 Gecikmiş sifilis
A52.1 Ürək-damar sisteminin sifilisi
A52.2 Simptomlu neyrosifilis
A52.3 Asimptom neyrosifilis.
A52.7 Gecikmiş sifilisin digər simptomları.
A52.8 Gecikmiş gizli sifilis.
A52.9 Gecikmiş dəqiqləşdirilməmiş sifilis.
A53 Sifilisin digər dəqiqləşdirilməmiş formaları
A53.0
Dəqiqləşdirilməmiş gizli sifilis.
A53.9
Dəqiqləşdirilməmiş sifilis.
QAZANILMIŞ SİFİLİSİN KLİNİK XÜSUSİYYƏTLƏRİ
Birincili sifilis
Sifilisin inkubasion dövrü 9 gündən 90 günə kimi davam edə
bilər. Sifilisin birinci dövrü solğun treponemin daxil olduğu yerdə
ləkə yaranması ilə başlayır. Sonra zədə tez bir zamanda papulaya
çevrilir, o da sonradan eroziyalaşır və xoralaşır.
Birincili sifiloma (ulcus durum) – çox vaxt tək eroziya və ya xora
olub, ağrısızdır, ətrafında iltihab əlamətləri qeyd edilmir, əsasında
qığırdağabənzər sərtlikdə və dəqiq sərhədli infiltrat olur. Birincili
sifiloma çox vaxt regional limfa düyünlərinin böyüməsi ilə müşayiət
olunur, ilkin sifilomanın xarici cinsiyyət üzvlərində yerləşməsi
zamanı qasıq limfa düyünlərinin orta bərklikdə, bilateral, məhdud
böyüməsi müşahidə edilir.
►
İlkin şankrın ən çox rast gələn lokalizasiya yerləri – tac şırımı və
ya penisin cismi, vagina, vulva, uşaqlıq boynu, düz bağırsaq, dil
və dodaq.
►
Bərk şankr düz bağırsaqda və uşaqlıq boynunda yerləşdikdə
nəzərə çarpmaya bilər.
►
İlkin şankr ikincili infeksiya ilə ağırlaşdıqda qeyri-tipik
formalarda ola bilər.
►
Bərk şankr 3-8 həftə müddətində spontan reqressiyaya uğrayır və
adətən çapıq əmələ gətirmir.
►
Əksər pasiyentlərdə birinci dövrün sonunda poliadenit əlamətləri
yaranır.
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
9
Birincili sifilisi təyin etmək üçün laborator testlər:
Zədələnmə yerlərindən, limfa düyünlərindən, amniotik
mayedən, likvordan götürülmüş materialda T.pallidum
qaranlıq sahəli mikroskopla təyin olunur.
Polimeraz-zəncir reaksiyası (D)
Birincili seroneqativ sifilisdə İFR və İg-İFA (C) daha həssas
seroloji reaksiya hesab edilir.
İkincili sifilis
İkincili sifilis xəstəliyin kontagioz dövrü olub, dəri və selikli
qişalarda müxtəlif səpgilərlə xarakterizə olunur.
►
Dəri və selikli qişalarda yayılmış səpgilər meydana çıxır:
rozeolyoz, papulyoz, vezikulyoz, pustulyoz sifilidlər. Səpgi
adətən bütün bədənə yayılır, ovuc və pəncədə də rast gəlinir.
►
Səpgi adətən ilkin şankrın sorulmasından sonra yaranır.
►
Büküşlərdə, nəmlik çox olan nahiyələrdə (məs. qasıq, aralıq)
yastı vegetəedici səpgilər, enli kandilomalar yarana bilər.
►
Bəzi hallarda selikli qişalarda maserasiyalaşmış ağ südvarı
səpgilər yaranır.
►
Səpgilər çox yoluxucu olur, istənilən fiziki təmas – cinsi və ya
qeyri-cinsi, yoluxma ilə nəticələnə bilər.
►
Səpgi adətən bir neçə həftə və ya aydan sonra müalicəsiz ötüb
keçir.
►
Səpgidən başqa saçların tökülməsi (ocaqlı və ya diffuz),
piqmentasiyanın pozulması (leykoderma) müşahidə edilə bilər.
İkincili sifilis zamanı digər simptomlar – temperaturun qalxması,
yorğunluq, baş ağrısı və limfa düyünlərinin böyüməsi, həmçinin
daxili orqanların və sinir sisteminin zədələnmə əlamətləri də qeyd
oluna bilər.
İkincili təzə sifilisdə standart seroloji reaksiyaların nəticələri
kəskin müsbət olur. MPR, İFA, TPHA müsbət olur.
Gizli sifilis
Əgər pasiyent ikincili dövrdə müalicə qəbul etməzsə, onda
xəstəliyin görünən bütün əlamətləri reqressiya edəcək və sifilis erkən
gizli dövrə keçəcəkdir. Bu dövrdə pasiyent potensial yoluxucu olaraq
qalır, belə ki, qanda böyük miqdarda treponemlər sirkulyasiya edir.
Bir ildən sonra treponemlər orqanizmdə azalır, pasiyent sifilisin digər
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
10
dövrünə, gecikmiş gizli sifilis adlanan dövrə keçir. Bu dövrlərin
ayırd edilməsi sifilisin diaqnostika və müalicəsində böyük əhəmiyyət
kəsb edir.
Bununla bərabər, çox vaxt xəstəliyin dəqiq davametmə müddətini
təyin etmək mümkün olmur, ona görə də ilkin əlamətlərin dəqiq
yaranma vaxtı ilə bağlı şübhələr varsa, pasiyentə gecikmiş gizli
sifilisli xəstə kimi yanaşmaq lazımdır.
Standart seroloji reaksiyalar müsbət olur.
Üçüncülü sifilis
Uzun illər gizli gedişdən sonra, müalicə aparılmadıqda xəstəlik
özünün destruktiv dövrünə – üçüncülü sifilisə keçə bilər. Bu zaman
morfoloji əsasını qranulyomatoz iltihab təşkil edən, klinik olaraq isə
qabarıq və qummoz səpgilərlə xarakterizə edilən dəri və selikli
qişaların zədələnmələri müşahidə oluna bilər. Dəri və selikli
qişalardan əlavə, ürək, qaraciyər, sinir sistemi, dayaq-hərəkət aparatı
zədələnə bilər. Bu isə psixi pozğunluğa, korluğa, nevroloji
problemlərə, hətta ölümə gətirib çıxara bilər. Neyrosifilis
simptomsuz keçə bilər, eyni zamanda onun meninqo-vaskulyar
sifilis, bel quruluğu və ya proqressiv iflic kimi təzahür etməsi
mümkündür. Kardiovaskulyar sifilis mezaortit şəklində özünü büruzə
verir, çox zaman simptomsuz getməklə yanaşı, koronar arteriyaların
stenozu, aortal klapanların çatışmazlığı, qalxan aortanın anevrizması
kimi ağırlaşmalar verir. Üçüncülü sifilisin diaqnozu klinik əlamətlər
və seroloji reaksiyaların nəticələrinə əsasən təsdiqlənir.
Üçüncülü sifilisdə standart seroloji reaksiyalar 50-90% hallarda
müsbət nəticə verir.
Hamilələrin sifilisi
Sifilis müalicə olunmadıqda hamilə qadından dölə keçə bilər.
25% hallarda hamiləlik ölü doğuşla nəticələnir. 40-70% hallarda
uşaqlar anadangəlmə sifilislə doğulur, hansı ki simptomlu və ya
simptomsuz gedişə malik ola bilər.
Hamilələri qeydiyyata götürdükdə, həmçinin təkrar olaraq
hamiləliyin 2-ci və 3-cü trimestrində mütləq sifilisə görə skrininq
müayinəsi aparılmalıdır. Sifilisə görə analizlərin nəticəsi alınmadan
yenidoğulmuş uşaq doğum evindən evə yazılmamalıdır (xüsusilə də
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
11
antenatal müayinə zamanı ananın seroloji statusu şübhəli olarsa, buna
ciddi riayət edilməlidir).
ANADANGƏLMƏ SİFİLİSİN KLİNİK XÜSUSİYYƏTLƏRİ
Anadangəlmə sifilis hamiləlik zamanı sifilisli anadan
transplasentar yolla dölün yoluxması nəticəsində meydana çıxır.
Adətən dölün bətndaxili zədələnməsi hamiləliyin 4-5-ci ayında baş
verir. Solğun treponemlər dölün orqanizminə göbək venasından,
göbəyin limfatik yarıqlarından və ya zədələnmiş ciftdən keçirlər.
Hamiləlik ölü doğuşla və ya xəstəlik əlamətləri ilə doğulmuş uşaqla
nəticələnə bilər.
Qazanılmış infeksiya kimi, anadangəlmə sifilis də erkən və
gecikmiş olaraq təsnif edilir.
Anadangəlmə sifilisli uşaqlarda klinik əlamətlər doğulduqdan
sonra müşahidə edilə bilər, lakin əksər hallarda əlamətlər doğuşdan
sonrakı 2 həftədən 3 aya qədər müddət ərzində yaranır. Bəzi
yenidoğulmuşlarda infeksiyanın gizli gedişi də mümkündür.
Erkən anadangəlmə sifilisin əlamətləri
Dəri büzüşmüş, boz-sarımtıl rəngdə olur, spesifik səpgilər, o
cümlədən anadangəlmə sifilis üçün xarakterik olan əlamətlər (sifilitik
pemfiqus, diffuz papulyoz infiltrasiya) müşahidə edilir. Erkən
anadangəlmə sifilisin digər əlamətlərinə Vegenerin sifilitik
osteoxondriti, qızdırma, dalaq və qaraciyərin böyüməsi, anemiya və
ya müxtəlif inkişaf qüsurları aiddir.
Gecikmiş anadangəlmə sifilisin əlamətləri
Sonrakı illərdə (1 yaşdan sonra) gecikmiş anadangəlmə sifilisin
simptomları – sümüklərin, dişlərin, görmə, eşitmə orqanlarının və
beynin zədələnməsi inkişaf edə bilər. Gecikmiş anadangəlmə sifilis
üçün patoqnomik əlamətlərə Hetçinson üçlüyü aid edilir:
parenximatoz keratit, spesifik labirintit (labirintit karlığı) və
Hetçinson dişləri.
Anadangəlmə sifilisdə birinci 2 ay müddətində seroloji
reaksiyalar təyin olunmur. Bəzi hallarda onlar müsbət ola bilər, bu da
reaginlərin plasentadan passiv keçməsi ilə izah olunur. 70-80%
hallarda anadangəlmə sifilisdə TPHA müsbət olur.
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
12
LABORATOR DİAQNOSTİKA
Sifilisin diaqnostikasının laborator meyarları
Diaqnoz
İstifadə olunan metodlar
Son
T.pallidumun klinik materialda qaranlıq görmə
sahəli mikroskop vasitəsilə aşkar edilməsi, düz
immunoflüoressensiya metodu, PZR.
İlkin
İki növ seroloji testlərdən istifadə etmək olar:
Treponem testlə (TPHA, İFA, İFR) təsdiqlənmiş,
pozitiv qeyri- treponem test (RPR, MPR, VDRL).
T.pallidumu təyin etmək üçün klinik materialın götürülmə
qaydası
Qaranlıq görmə sahəli mikroskopiya üçün material eroziyadan,
xoradan, maserasiyalaşmış və ya ekskoriasiyalı eroziv papuladan
götürülə bilər.
Materialın götürülməsi, klinik elementlərin səthi fizioloji
məhlulda isladılmış cuna tamponu ilə ehtiyatla, diqqətlə və
zədələmədən təmizləndikdən sonra aparılmalıdır. Təmizləmə o
məqsədlə aparılır ki, digər floralar T.pallidumun təyin edilməsinə
maneçilik törətməsin. Səthin zədələnməməsi və qanaxmanın
olmaması vacib şərtdir. Preparatda leykositlərin və ya hüceyrə
detritinin, eritrositlərin olması tədqiqatı xeyli çətinləşdirir.
Toxuma mayesinin alınması üçün bir neçə üsul mövcuddur:
►
Qıcıqlandırma üsulu
Tədqiq olunan səpgi (bərk şankr, sulanan papula, enli kandiloma
və s.) fizioloji məhlulla isladılmış pambıq tamponla təmizlənir. Steril
Folkman qaşığı və ya ilmə vasitəsi ilə səpginin üzərindən ehtiyatla,
qanaxma yaratmadan sığallayıcı hərəkətlər edilir. Bir müddətdən
sonra səth parlaqlaşır və toxuma mayesi ifraz olunur. Toxuma
mayesi parlaq olur.
Qanaxma olduqda onu dayandırmaq lazımdır, bunun üçün
pambıq tampon səpginin səthinə sıxılmalıdır. Seruma azacıq qanın
qarışmasına yol verilə bilər.
►
Təzyiq üsulu
Eroziya və ya xora təmizlənərək, əlcək taxılmış əlin barmaqları
və ya pinsetlə yanlardan sıxılır. Bakterioloji ilmə ilə seroz eksudat
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
13
yığılır, yaxud örtük şüşəsi ehtiyatla eroziya və ya xoranın səthinə
qoyulur. Alınmış seroz ifrazat fizioloji məhlulla bərabər nisbətdə
qarışdırılır və nativ preparat mikroskop altında baxılır.
►
Skarifikasiya üsulu
Bu metoddan quru səpgilərin (rozeolalar, lentikulyar papula,
epitelləşmiş eroziya) tədqiq olunması zamanı istifadə edilir. Tədqiq
edilən səpginin səthi skarifikasiyalaşdırılır, bu zaman kapilyar
qanaxma baş verir, onu dayandıraraq, alınmış seroz maye tədqiq
edilir. Bu üsul öz effektivliyinə görə digərlərindən geri qalır.
Pasiyent yerli olaraq antiseptiklər, antibiotiklər tətbiq etdikdə və
ya ikincili infeksiyanın qoşulması zamanı müayinə yalançı mənfi
nəticə verə bilər. Belə olduqda fizioloji məhlulla islatma təyin olunur
və səhəri gün müayinə təkrarlanır.
Bəzi hallarda mikroskopik diaqnostika üçün material böyümüş
limfa düyünlərindən, çox zaman qasıq limfa düyünlərindən
götürülür.
Limfa düyününün punksiyası
Hərəkətli, bərk, iltihab əlamətləri olmayan limfa düyünü
punksiya olunur. Deşiləcək yer yodla silinir, düyün sol əlin 2
barmağı vasitəsi ilə fiksə edilir, sağ əllə içərisində az miqdarda
fizioloji məhlul olan şprislə deşilir. Vəzinin bir ucundan o biri ucuna
doğru iynə irəli hərəkət etdirilir və şprisdəki fizioloji məhlul vəziyə
yeridilir. Sonra iynə tədricən düyündən çıxarılır və eyni zamanda
şprisin porşeni geri çəkilir. Punksiyanın düzgün aparıldığı punktatda
limfositlərin alınması ilə təsdiqlənir.
Dostları ilə paylaş: |