Azərbaycan tarixi məsələləri İran tarixşünaslığında
19
Göründüyü kimi, keçmiş sovet,
o cümlədən Azərbaycan
İranşünaslığında Azərbaycan tarixçilərinin və digər elm sahələri
nümayəndələrinin Azərbaycan-İran münasibətləri probleminə
dair baxışları ümumən geniş araşdırılmışdır. Lakin İran tarixçi-
lərinin Azərbaycan tarixinə, ikitərəfli
münasibətlərin təşəkkülü-
nə dair baxışları bizim tarixşünaslıqda kifayət qədər əks olunma-
mışdır. Ona görə də bu problemlərə İran tarixşünaslığının müna-
sibətini araşdırmaq olduqca aktualdır. İran tarixçilərinin baxış-
ları ilə tanışlıq iki ölkə arasında münasibətlərin inkişafına müna-
sibətə də öz müsbət təsirini göstərə bilər.
Tədqiqatın əsas məqsədi İran tarixşünaslığında XX əsrin
birinci rübündə Azərbaycan tarixi məsələlərinə həsr edilmiş
əsərlərin, kitab və məqalələrin hərtərəfli təhlil edilməsidir. Bu
zaman əsas diqqət aşağıdakı vəzifələrin həllinə yönəldilmişdir.
- XX əsrdə İran tarixşünaslığının əsas inkişaf mərhələləri-
ni və səciyyəvi
cəhətlərini müəyyənləşdirmək;
- Azərbaycan tarixinin müxtəlif məsələlərinə İran tarixçi-
lərinin müraciət etməsini zəruri edən tarixi şərtləri və amilləri
açıb göstərmək;
- İran tarixşünaslığında Azərbaycan tarixinə münasibətdə
mövcud olan əsas meyillərin və görüşlərin elmi təhlilini vermək;
- İranın ictimai fikrində və tarixşünaslığında Azərbaycanın
tarixi coğrafiyası və dövlətçilik tarixi məsələlərinin saxtalaşdırıl-
ması xəttini izləmək;
- Azərbaycanın tarixi coğrafiyası ilə bağlı İran tarixşünas-
lığında mövcud olan baxışları ümumiləşdirmək
və təhlil etmək;
- Azərbaycan türklərinin dövlətçilik ənənələrinin inkar
edilməsinə yönəlmiş cəhdlərin tarixi və ideoloji-siyasi səbəbləri-
ni müəyyənləşdirmək;
- İran tarixşünaslığının Azərbaycan xalqının, dilinin və
mədəniyyətinin təşəkkülünə dair yanaşmalarının
tənqidi analizi-
ni vermək;
- Cənubi Azərbaycanda milli-demokratik hərəkatların tari-
xinin İranın tarixşünaslığında inikasını izləmək;